有冇人覺得Leon 黎明真係一個不可多得嘅傳奇

人哋話mc靚仔但唔頂級，你屈人吹到mc係男神

係，凸咀矮撚，d女都濕晒，佢哋一定全部精神病未睇醫生

閘住反彈

其實我幾中意黎明係唔敢同人講
我覺得佢d歌幾好聽

https://youtu.be/z4DqPQr8tag?si=iTmpNVu4kI4b-ebi

點解會唔敢同人講
身邊啲人個個都知道我鍾意Leon
粉絲對於偶像嘅愛，怕咩俾人知
佢啲歌全部都好聽，就算係熱門定冷門嗰啲都好好聽
每一次唔開心嘅時候我就會打開YouTube，搵Leon嘅片嚟睇我就會開心返
失意嘅時候就打開電話album 搵佢啲相嚟睇，見到佢笑就會會心微笑

唔知點解要驚俾人知，你話鍾意譚詠麟同153嗰啲就真係驚呀

不過其實Sammi又真係幾型
老實講我覺得Sammi有好多歌到而家聽返都唔會老土，尤其是佢嘅造型到而家睇返都前衛 又唔會柒

Kelly玩電音嗰啲都唔夠黎明勁黎明嗰啲歌到而家聽返仲係好正，佢啲歌聽返就有啲年代嘅味道啦

Sammi嗰陣仲係好多女仔追逐潮流嘅icon，嗰陣佢瘦到得排骨咁 啲女仔都有瘋狂減肥

我以前鍾意過巢皮倫，嗰陣被佢呃咗，點估到原來佢咁垃圾而張國榮嗰陣油頭粉面花花fit fit 似食女王冇乜男仔鍾意,點知佢先係專一嗰個

一開始條西人掩飾得好
依家睇返完全唔明點解佢有資格同哥哥爭 都唔明點解佢同哥哥同Tier(嗰個年代）
依家睇返簡直西佬

張國榮到而家睇返我都覺得佢好有味道，係一種star嘅味道
舉手投足都散發一種常人無可超越嘅氣質，加埋個人又好 又瀟灑 其實好型
身邊長輩都好鍾意Leslie同埋Leon ，不論男女
再老少少嗰啲就鍾意鄧麗君，鄧麗君都係男女都鍾意

咸校長依家喺香港簡直變咗過街老鼠，但早兩年先好似話有啲大陸年輕女fans俾佢食完全睇唔透

張國榮以前好多人屌㗎，睇落油頭粉面花花fit fit 嗰陣嚟講係好唔順眼，再加上以前初出道唱歌真係好難聽雞仔聲，佢仲要自以為巨星掟嗰帽落枱，係風繼續吹依首歌佢唱得幾好先開始幫佢洗到底，再之後先有Monica 氹女仔做潮人活力四射但佢以前唱歌真係麻麻，油頭粉面對好多人嚟講唔順眼，而巢皮倫嗰陣好多hit 歌hit 到爆（其實佢唱功唔係好，但歌好好聽），睇落官仔骨骨形象正氣，所以咪有咁嘅結果囉，我都被佢呃咗

係經歷過佢嗰個年代啲人都喺度吊佢真係死好命靠啲歌好聽收穫一班fans 所以嗰陣先會同張國榮平起平坐
冇計啦張國榮到而家都仲係有嗰啲雌雄同體 剛柔並重嘅味道，放喺以前嚟講可能真係比較難接受
有啲人仲會覺得梅艷芳男人婆添

梅艷芳我當年都唔鍾意佢形象，佢其實當年都被好多人屌到爆，尤其佢明搶咗慧嫻嗰年嘅金曲金。不過佢有啲歌係唱得好聽嘅，好似夢中人嗰啲咁
所以當年葉蒨文其實好受老一輩歡迎，又靚又高傻大姐

係啦慧嫻嗰年個金曲我都覺得好唔抵明明個勢就係千千闋歌勁啲，就算鍾意梅艷芳嗰啲長輩度依家睇返呢一件事都話覺得慧嫻好唔抵
點會估到俾咗夕陽之歌
到而家一聽返個旋律，我下意識都係會諗起千千闋歌嘅歌詞

我好後生 驚比人笑我老餅
次次唱k點黎明d人都問我咩年代

我零零後好鍾意佢都唔驚俾人知
仲要係個個都知

唔係勁啲，係勁好多，仲有夜機都hit 到爆，因為配埋嗰陣嘅移民潮同埋政治事件，再加埋佢去讀書完全推上去巔峰，梅艷芳根本格硬嚟

竟然有00後中意Leon
我想去佢演唱會 果陣唔敢叫人同我一齊睇
搞到只可以係youtube係咁loop

夜機真係勁好聽
依家睇返慧嫻急流勇退 竟然喺當紅時期巔峰時期去咗讀書
千千闋歌 睇返直程係合乎嗰陣嘅社會㖭啦

買咗飛啦買咗兩場
我一條友去 鍾意偶像都要人陪？對於佢嘅愛係大於一切

但老實講，佢當年講讀書講咗好耐用嚟宣傳先有咁嘅勢，如果佢唔係話去讀書再加傻女其實佢之前係歌紅好多hit歌但人就麻麻哋紅，林憶蓮嗰陣嗰勢仲勁過佢

臨尾唱我的親愛好撚正場場都唔同

其實00後鍾意邊啲歌星，又或者以前邊啲歌手你哋比較熟同識，我聽講話張國榮同王菲係比較受後生歡迎，但佢哋鍾意啲歌當年其實都係唔多hit或者唔係佢哋代表作但依家反而仲紅同埋點解twins仲咁受歡迎

黎明top 10:
1. 超平凡人的主題曲
2. 一生幸福
3. 藍色街燈
4. 忘記和記
5. 孤單的人孤單的我
6. Happy 2000
7. Old fashioned
8. 顧家
9. 情深說話未曾講
10. 一言為定

老餅歌我只係會聽黎明同郭富城
黎明首首都識咁濟

第一首已經勁柒，呢個表唔洗睇

那有一天不想你代表作都冇夏日傾情仲有我怕心難死