以前Kelly 當紅嗰陣較受老派人歡迎,形象比較高貴,之後形象好快變老土過氣,鄭秀文以前除咗後生仔其實好多人唔鍾意佢,不過佢好得後生歡心
但兩條友以前嚟講都係唔識唱歌㗎啦,佢哋嗰代啲女歌手出晒名唔識唱歌
以前女仔潮流icon 係梅姐→王菲→鄭秀文,林憶蓮就偏向男仔嘅
鄭秀文就勁喺跌過好多次但又紅咗好多次,跟住啲fans一齊成長,啲fans由幾歲睇住佢拍劇唱火熱動感lalala入屋到佢哋大咗都繼續追佢,變咗中女熟女都繼續追,每次紅咗形象都變得更成熟,由細路女到反叛少女金毛強再到潮人然後變中女,陪住一代人由細到大成長有代入感,佢入細路仔市場仲早過王菲
王菲就完全相反,佢做潮人潮流icon 做到變怪人怪到最追逐潮流嘅女仔都嫌佢怪走去追其他人例如彭羚鄭秀文
雖然佢嗰陣嘅造型同音樂依家睇返係好潮所以依家反而比人追捧,但佢啲造型同音樂普通人點跟得上,念經超渡鬼食泥咁完全唔知佢唱乜鬼,啲造型一係神鬼風格一係奇裝異服一睇就知勁難carry 啲女仔邊著得起,就算著得起都著唔到出街
最緊要一點係,佢以前爆紅嗰陣啲fans聽佢歌係老派觀眾以前聽開陳慧嫻葉蒨文嗰批人,同埋追佢嘅人其實都係追開玉女嗰批,當咗佢葉蒨文同期咁,之後轉型做潮人主打年輕人市場fan base係令佢更上一層樓,但未穩啲fans對佢都未有好深感情尤其佢依啲本身唔係細路仔市場起家就變臭寸玩埋啲連後生都唔識嘅音樂,點令人有時間接受
所以鄭秀文其實對一代人影響力應該大啲同持久,雖然佢唔符合天后標準㗎啦同埋係臭四一個,但符合佢一路以嚟嘅形象啲fans 接受到