我就唔知咩先叫PUA啦, 睇都冇睇過d咁kam既野
咩撚野Pick Up Artist 鬼王果d呃毒撚錢既勾當
我冇教過樓主點樣溝女, 我只係鼓勵下樓主繼續自我增值, 講下我眼見到既現實同埋做好期望管理姐
呢個命題就好似人性本善定係人性本惡咁, 冇絕對答案
既然樓主既經歷令佢認同人性本惡, 都無可厚非
如果你地想說服樓主, 其實都有好多正能量既論點同例子既
唔岩聽既, 我都可以轉換個觀點同角度同你地講下, 其實都唔難
咩為之愛一個人, 咩為之最理想既愛, 就係一種不求回報既自我犠牲
施比受更有福, 有能力去愛一個人比只係被愛既人更加幸福, 因為習慣被愛既人有可能習慣苛求更多既愛, 一但少左又或者冇左就會失落, 係被動既, 相反, 愛一個人純粹自願同主動既, 只要可以心入面有愛, 無論有冇回饋, 就已經可以滿足
而一個受到咁多既愛既人, 多多少少都會學識點樣去愛人, 愛與被愛理論上應該係相輔相成既, 所以不求回報既愛, 往往都應該伴隨住意想不到既回饋
可惜可以做到咁既程度既愛, 就一定要放低自己既私心, 再加上要有足夠強既內心去承受途中可能會遇上既不幸. 而要建立足夠強既內心, 就要不斷鍛鍊自己既各方面既實力, 要學識唔好放棄, 唔好氣餒, 只要內心夠堅定, 當你準備好一切既時候, 你先可以係遇上你命定之人果時展現出最好既自己, 用自己最好既愛去愛對方
有一點好重要既就係, 愛人既能力應該係建立係好好愛自己之上, 愛自己之後, 有餘力先去愛人. 有人之所以出軌, 係因為佢地唔識好好愛自己, 因為明知出軌就會失去另一半對佢最好既愛都要做, 所以呢種人係一定唔會識點樣去愛一個人.
所以同理, 理所當然咁去承受傷害並唔係愛自己既表現, 愛一個人並唔係要理所當然咁去承受傷害. 因此, 樓主能力有考慮到係佢呢個人生階段平衡利弊, 權衡成本效益, 其實就係學識左自我保護, 學識左更加好咁去愛自己, 係踏出左獲得真愛既第一步, 只要天時地利人和出現, 無論現實係幾咁殘酷, 相信總有一日係會獲得真正既愛情. 雖然世道係愈來愈險惡, 但係相信係某個地方都仲有值得你愛既人既, 就好似雖然六合彩係難中, 但係依家差唔多期期都會有人中.
唔知各位有正常社交,正能量滿滿既"正常人"滿意未, 岩唔岩聽呢?