失業率再向下跌！政府統計處公布，5月至7月經季節性調整的失業率為2.8%，較4月至6月的2.9%微跌0.1個百分點；就業不足率維持1.1%的水平。 期內總就業人數增加約19,200人至3,708,000人，總勞動人口也增加約17,300人至3,819,700人。 高薪IT男失業4個月 日前，有一名50歲的IT人，於網上討論區自失業4個月，前前後後寄出約60份履歷搵工，但一直無回音，期間有幾次面試機會，但最終未能找到工作機會。 該名IT男表示：「每日都係上求職網，發CV，等電話，無間地獄般不斷重複。」又指自己最後一份工作平均月入高達6萬元，職位為經理級，而且擁有SAP S4 Hana、MS Dynamic CRM、Oracle EBS intergation等相關豐富經驗。 事主表示對求職網的要求感到陌生，「可能真係我老啦，好多都唔熟，甚至唔識」，認為現時工種跟自己認知有很大出入，有時候感到難以重新出發學習新技能。幸好，事主表示自仍暫未放棄，並會繼續留意市場需求，然後自己睇片進修提高機會。
令人擔心的是，事主暫時「食老本」，而且太太無業，家中仔女還有5至6年才可以出身，直言「遲早會坐食山崩」。 事主又分享自己不同計劃，例如做生意、攪網店、做網紅等。又指自己試過炒股票，和睇盤路，雖然起初有所斬獲，但最後都係輸給大市：「又或者自己條命玩唔起股票呢樣野。」 事主最後表示，可能要接受自己是一個平庸人，只可以打工，「做多10年，8年真係退休乜都唔做算了。」又指現階段未有勇氣轉行做保安或便利店職員。
網民點睇失業？ 「移民退休啦！仲喺香港做。」 「50歲好難做返IT，要考慮轉行賣勞力。」 「冇嘢做就做住保安先啦！」 「馬死落地行呀，IT人！」 「入醫院做。保安又有，接送出院又有，病人助理又有，文員又有。」 「揸巴士，好似都有3萬蚊，頂住先。」 「唔好再叫廿萬人工，試吓降低要求搵兩萬。」 「揾到乜工都做住先，最近要保持正面心態邊做邊揾！」 「中年失業的專業人士常見。到50歲才出現，已幾叻了。」
https://www.edigest.hk/%e8%81%b7%e5%a0%b4%e7%86%b1%e8%a9%b1/%e9%ab%98%e8%96%aait%e6%bc%a2-%e5%a4%b1%e6%a5%ad-%e6%94%be%e4%bd%8e%e8%ba%ab%e6%ae%b5-ed01-1190217/7/
呢啲「經驗」係好難搵工
