有年中秋去台灣, 同行朋友係D好緊張既人, 連埋坐車係會早四五個鐘出門口果隻
點知果次係巴士站等左好耐都無車, 後尾聽D站長話吐露港撞車塞到仆街
咁後尾都上到車, 但時間好炆水, 仲要入埋東涌國泰城
之後臨落車我同朋友講「一間我推行李, 你負責跑就得」
點知佢條廢柴路左十米都無就話跑唔到, 去到COUNTER好在佢地都仲肯比我地CHECK IN, 但唔保證件行李上到機
過左海關同E道又係要狂跑去閘口, 朋友又係廢到跑左幾步就話唔得跑唔到
跟住去到已經見到D空姐係咁叫名搵我地, 仲要上機之後發現原來計埋我同朋友得3個人未上機, 好在最尾去到台北一去到行李帶就見到我地個喼, 唔係可能要去7-11買紙底褲換
又有一次去大阪, 果次係我第一次去日本, 臨番香港前果晚朋友係街見到自動販賣機賣車飛去機場, 於是就好爽手咁比錢
點知第二日去京都車站諗住坐車先知佢個天才買左張飛係要先由京都>大阪再由大阪>機場, 咁樣搞一搞本來仲有時間可以食野都變成無時間仲要趕餐死
咁都算, 仲要番到大阪果陣無睇清楚就上車, 結果爭D去撚左和歌山, 好在我望一望發現唔對路, 得尾果四卡去機場, 頭果四卡係去和歌山, 即刻落車, 跟住又要再等過, 去到機場又係趕餐死, 呢頭CHECK IN完比個地勤叔叔叫我地HURRY UP。然後我朋友真係天才黎, 趕到仆街仲走去買壽司食, 仲要上機比空姐發現要佢收埋(我地坐HKEXPRESS, 唔比自己帶野食)
從此以後我同自己講, 有機場巴士坐就唔好再坐鐵路, 費事又買錯飛唔知去撚左邊到
其實果張特價乗車券
你加錢補返特急券一樣可以坐はるか直去關西機場
)
」
真係 吉隆坡轉機檳城 明明已經預左2個鐘 入境排左成個鐘 攞行李再出境又要30分鐘 行去gate仲要20分鐘 最後唯有補機票