【HiHi喇】我借左筆「靈魂信貸」......(2)

675 回覆

358 Like 13 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁

涷檸啡 2017-08-06 23:02:32

「吆嗚......」妖狐化的我情不自禁地昂天長嘯。

紅衣鬼被我的叫聲吸引，轉過頭道：「妳又係來搶我老公？」

我冷笑著嬌聲道：「妳個樣咁得人驚，唔使搶妳老公自己都走佬啦。」

「妳收聲！」紅衣鬼再一次施展閃電般的身法向我撲來。

然而狐狸天性靈敏，我一個閃身，恰恰避過她致命一袖。

「死狐狸精！」紅衣鬼猛一咬牙，便再度襲來。

「係妳自己無睇住個老公者！」我側身一避，差點兒沒避她的利甲劃中。

紅衣鬼見打我不中，狠得牙癢癢道：「就係妳地呢啲狐狸精，先搞到我家破人亡！」

我躲到樹上，四肢抓著樹丫嘲笑道：「咪傻啦，啲男人係我地度搵到正室俾唔到佢地既野，玩完人又精神左，返工又勤力左，絕對係促進家庭和諧.....嘩！」

我用腳一蹬，僥倖躲過了紅衣鬼的突擊。

誰知紅衣鬼腳一沾樹，便極速回彈。

涷檸啡 2017-08-06 23:03:13

如是者，我們一個追，一個避，速度之快頃刻間己捲起沙塵滾滾。

「喂！妳又話一定贏既？」我責備九尾狐道。

「鬼知佢既怨念真係咁重咩？！」九尾道：「條八婆速度太快，我避得來都出唔切招。」

「咁唔係辦法喎，不如叫余公幫手啦！」

「都話個死老野訓緊覺咯！你唔好嘈到我分心啦，哎喲！」

九尾一個不留神，竟被紅衣鬼捲中了腳踝。

我隨即撻在地上，跌了個狗吃屎。

「點解要搶我老公！」紅衣鬼拿著利剪向我逐步靠近。

「依家點算呀！」我問九尾。

「車，技不如人，最多咪俾返個肉身你囉。」九尾竟不負責任地縮回我的體內。

轉眼間，我己從妖狐變回凡人的模樣。

然而紅衣鬼置我於死地的心卻沒有絲毫動搖，她手上的利剪己來到了我的眼前。

涷檸啡 2017-08-06 23:03:49

我正要閉目待死，卻聽到三尾說：「橫掂搭埋同一條船，不如俾我試下？」

就在紅衣鬼痛下殺手之際，我聽見自己嘆氣道：「芝芝，咁妳又何苦呢....」

紅衣鬼一聽見自己的名字，愕然道：「你點會知道我個名？」

我沒有回答，反而憐惜道：「咁耐以來，真係辛苦妳喇。」

「收聲！」紅衣鬼道：「你又知我辛唔辛苦？！」

「我知妳好恨一個人，而我亦都知道恨人真係好攰，正所謂恨人亦要花氣力...」

「嘿，」紅衣鬼冷笑道：「咁你估我到底係恨我老公，定係恨搶我老公個女人吖！」

換作是我必定會猜是搶走她老公的女人，誰知三尾竟然搖頭道：「兩個都唔係....」

紅衣鬼臉上變色道：「咁係邊個？」

我嘆氣道：「妳恨既，一直以來都係妳自己.....」

涷檸啡 2017-08-06 23:04:18

眼見紅衣鬼無動於衷，三尾便續道：「妳恨自己，明明結婚之前己經察覺到好多蛛絲馬跡，但係寧願視而不見。妳恨自己，明明己經感覺到佢對妳既態度好唔同，但礙於婚姻妳要啞忍。妳恨自己，明明生活己經好唔開心，但係為左肚入面既BB,妳點都要捱落去.....」

「係囉....」紅衣鬼低聲道：「點解我要咁傻呢....」

「芝芝，」我牽起她滿目瘡痍的手，深情道：「原諒妳自己啦，要知道，愛不是場定成敗的比賽。」

紅衣鬼迷茫道：「咁....咁我應該點做啊.....」

「放手啦，」我輕摟著她發抖的肩膊，「明白放過你是放過自己，這個道理。」

「嗚啊！」紅衣鬼竟倒在我懷中大哭起來。

「三尾！」我驚嘆道：「妳點做到架？」

「碎料啦，」三尾啐道：「大家都係女人，點會唔明佢諗乜呀，嗱，佢依家咁脆弱，你係想食佢依家好食啦。」

「係喎，」經三尾一提醒，我立即拿出和田古玉對著紅衣鬼道：「收。」

紅衣鬼乖乖地被我收伏在古玉之中。

涷檸啡 2017-08-06 23:05:02

正皮留名待續