【HiHi喇】我借左筆「靈魂信貸」......(2)

「應雲何住，雲何降伏其心！」小瘣不等他盡化牛魔，口唸佛咒便仗劍出擊！

龍騰之氣幻化成一道黃光直指Tony咽喉！

「太幼嫩喇！」Tony光是怒喝，便把黃氣驅散。

然而他未等小瘣回過氣來，一拳便擊斷小瘣的桃木劍！

「馬老闆既員工原來咁屎架喳，」Tony雙掌扣實，準備向小瘣的頭頂捶下。

「且慢！」我一記關刀硬逼著Tony退開。

「叻仔喎，」Tony咧著大嘴笑道：「識操控邪靈添呀。」

余公豪邁道：「如此大戰，老夫又怎能錯過？」

「咁睇下老野你有幾堅？」Tony一記閃身欺進余公中門。

余公原地自轉，籍著回身之力揮出關刀！

噹！

關刀與牛角相撞，激起無數火花！

這下看似打成平手，但余公卻是有苦自己知，他的虎口快要震到拿不住關刀。

這一切小瘣都看在眼裡，便趁著Tony還未轉身之前，用盡氣力把龍騰之氣注入斷劍，直插Tony的背上。

「啊啊啊啊！！！」

Tony吃痛，竟無情地揮拳擊落半空中的小瘣！

小瘣嚶嚀一聲，橫飛出外，口吐的鮮血化成一道觸目驚心的彩虹。

「小瘣！」我驚叫道。

「快去助她，這邊有我頂著。」余公再度脫離了我的軀體，獨力支撐。

我奔到小瘣身邊時，小瘣己臉如白紙。

「阿偉....」小瘣想舉起手，卻又無力地垂下。

「哎呀....小瘣呀.....小瘣呀.....」我慌張得只懂抱著她叫喚她的名字。

「傻佬....」小瘣聲線微弱道：「睇來我同唔到你去玩喇...」

「唔好咁講啦.....」我完全不知如何是好。

這時余公己被Tony逼至牆角，看似撐不住了。

「阿偉....」

「咩呀？」我把耳朵湊近他的嘴巴。

「我可唔可以錫你一啖呀.....」

沒想過她會有這樣的請求，我一時之間不懂回答。

卻聽小瘣口唸經文道：「我皆令入無余涅盤而滅度之。如是滅度無量無數無邊眾生。實無眾生得滅度者。何以故。須菩提。若菩薩有我相。人相。眾生相。壽者相。即非菩薩。」

她一唸完，便親吻在我的唇上。

第一次追到咁live

我的頭頂和眉心頓時卻覺得炎熱之極，像快要噴出火來。

這時的我不知道，小瘣己把自己的天地魂轉移到我的頂輪和眉輪上！

「小兄弟！」余公一邊抵受著Tony的進攻一邊喝道：「以念守魂，將龍騰陽氣與自身陰氣融合！」

我不懂余公在說什麼，只知道我全身極寒，額頭卻極熱。

「哂氣啦，」Tony獰笑道：「佢身上極陽極陰相撞，直頭同自殺無分別。老野你顧掂自己先啦。」

「撐住呀小兄弟！余某與你相識一場，也不甘你死於.......啊......」余公難以置信地看著自己肚上被牛角穿出的破洞。

「一早好死啦阿伯。」Tony無情道。

「小兄弟，余某不才，你要好自為之！哈哈哈哈哈......」長笑聲中，余公煙消魂散。

「余公呀！！！！」激憤之下，極陽之氣與寒流相聚，貫通我全身脈輪。

「咁都俾你符碌通到？」Tony察覺事態緊急，忙一低頭便向我衝了過來。

「仆你個街！我要同佢地報仇！！」我交叉著雙手，怒喝一聲迸出兩道極猛的妖火！

一藍一紅的妖火在半空中化成兩條火龍，直咬Tony的牛身！

「嗚啊啊啊！」Tony全身即時著火，神色極度痛苦。

「呢鋪得喇掛....」我出招後無力地跪在地上，看著Tony被妖火燃燒。

誰知Tony竟忍痛衝到櫃臺前，望著檯上的烏鴉奸笑道：「就等我用你既冥修羅同你鍊過！」

我不敢想像這會有甚麼後果，但我己無力阻止了。

就在Tony快要碰到烏鴉時，一枝拐杖竟劃破結界，直穿他的心臟。

「魂....魂哥.....？」Tony滿臉不信地看著突然出現的馬老闆。

「雲哥？」我驚訝道：「咁馬老闆你咪係馬雲？！」

「靈魂個魂呀，」馬老闆沒好氣道。

「車.....」我大失所望。

馬老闆轉向Tony道：「師弟你貪錢貪到連冥修羅都想據為己有，死有餘辜啦。」

「哼！」Tony不服道：「你等我受哂傷先出來暗算我，卑鄙！」

「你都痴線既，」馬老闆笑道：「差人多數都係等啲壞人死哂先出現架啦。」

馬老闆說完便瀟洒地拔出拐仗，Tony隨即魂飛魄散。

而Tony消失後，四周的環境亦從辦公大樓回復至廢置唐樓的模樣。

「好野喎，」馬老闆望著我讚賞道：「仲頂到依家。」

「馬老闆，」我雙膝跪地道：「求下你救下小瘣！」

「我叫左你地唔好有肉體關係架啦，」馬老闆嘆氣道：「好在佢過俾你既係天地二魂，只要佢命魂尚在，你過番啲魂俾佢就無事架喇。」

「係？！」我連忙衝過去準備再次親吻小瘣的嘴。

「唔使咁麻煩架，」馬老闆用拐杖在我頭上一點，便拉出兩道黃氣放入小瘣的身軀之內。

「你係要咁唔浪漫架喎！」我埋怨道。

「阿偉....？」小瘣悠然醒轉，「咦.....點解馬老闆你又會係度既？」

「來救妳條仔呀，」馬老闆拿起烏鴉放在我的臉前。

「擺隻手入烏鴉個口度。」馬老闆吩附道。

我猶豫道：「會唔會有事架......」

「擺你就擺啦，係咪想死呀？」

「好啦，」我勉為其難將手指塞進烏鴉口中。

「如人入暗，則無所見，無壽者相，魂歸眾生。」馬老闆用拐杖直插烏鴉肛門，靈魂隨即由烏鴉口中嘔出，回到我的體內。

「就係咁喳？」我全身不感任何異樣，就連頭髮也變回黑色。

「冥修羅重主你身，其他閑魂野鬼梗係要行埋一邊啦。」

「即係我本身入面既邪靈無哂？」

「你可以同試下同佢地溝通架。」

「喂！」我試探道：「三尾？九尾？芝芝？」

「仆你個街呀！」三尾投訴道：「要我地搬都講聲呀，地產霸權呀家下。」

「係咯，」芝芝也道：「咁忍心要我同呢兩隻狐狸精一齊住埋係你個海底輪度！」

「妳估我想架！」九尾反抗道：「一日最衰都係你......」

聽著她們吵架，我反而說不出地安心。

海底輪

海底輪

屎眼個附件 好似

「係喎，」我突然醒起道：「咁余公呢？」

「佢幾百歲人喇，」馬老闆笑道：「係時候俾佢投胎啦。」

「咁就好喇....之但係我地依家點呀？」我望望小瘣，又望望馬老闆。

「咩點呀？」馬老闆啐道：「你話過執返條命，就要幫我打工架喎。」

「吓....」我為難道：「但係我仲有幾百萬銀行數未還喎......」

誰知馬老闆竟然道：「我幫你清左筆數架喇，你心甘命抵幫我打工啦。」

我喜出望外道：「多謝馬老闆！」

「咪咁快多謝我住，」馬老闆舉手道：「你又知份工要做咩？」

「幾辛苦既工我都做。」我誠懇道。

「你話架，」馬老闆笑道：「查實呢，我呢排發覺只係賣書唔係幾搵到食.....」

「咁你想點呢？」我好奇問。

「嗱，我上網睇過喇，」馬老闆答道：「好似話有班後生仔搞左間專門捉鬼既偵探社，叫咩陰目偵訊咁。」

我失笑道：「咁關我地咩事呀？」

馬老闆卻雄心壯志道：「咁呢個市場咁大，佢地未必做得哂既，再加上你未開發既冥修羅資源，我地一於開間類似既店，專門收集邪靈做買賣！」

我問道：「咁同Tony有咩分別啊？」

「點同呢！」馬老闆用拐杖敲了我的頭一下，「佢係收活人，我地係收邪靈呀嘛。店名我都諗埋架喇。」

「咁叫咩名呀？」我和小瘣一同問道。

馬老闆眼望遠方，激昂道：「就用返老字，中華贏局！」

《全文完》

三哥again

咁快完

咁快完

係有少少急咁
不過都好正

感謝大家一直睇到呢度。

呢次想作下新嘗試描寫一下大啲既世界觀。

希望來緊可以好快寫到中華贏局既下一部啦。

有咩最新更新我都會係facebook度講。

facebook.com/icelemoncoffee

如果大家行開書局，都可以睇下我第一次出既書

《好地地一個人搭巴士....》

下個故見

到尾個節奏急咗啲
不過都幾精采

好好睇～

咁快完

係有少少急咁
不過都好正

特別鳴謝你地幾位咁夜都仲陪我，好滾動

咁快完嘅 期待你下一個故

各位早抖喇

等緊你下一個故 加油呀

三尾真係好頂癮 如果個故可以長啲就好

咁快完

係有少少急咁
不過都好正

特別鳴謝你地幾位咁夜都仲陪我，好滾動

我無諗過會今晚完

三尾真係好頂癮 如果個故可以長啲就好

三尾