【HiHi喇】我借左筆「靈魂信貸」......(2)

推

人地叫呀偉停手 唔係叫你停手喎

走火入魔

個造型唔知點解搞到我諗起潮與虎隻妖怪

我諗起滑頭鬼之孫

狐忍

個造型唔知點解搞到我諗起潮與虎隻妖怪

我諗起滑頭鬼之孫

狐忍

金木研

琴晚發夢 ，個夢係樓主文既主角 變左 最終形態 一野扑9隻怪獸

子時又到喇

小瘣手持桃木劍，站在渡假屋的門口，不敢進來。

「小瘣妳係度就岩喇，」我笑道：「快啲睇下我點虐殺呢個八婆。」

「阿偉，」小瘣臉有懼色道：「你點解會識得自己冥化.....」

「冥化？」我轉過頭盯著她道：「咁幾好吖，呀唔係，應該講係前所未有咁好。」

「你未夠能力操控冥化架....」小瘣直言不諱。

我側著頭問：「即係妳話我未夠班？」

「我....我唔係咁既意思....」小瘣退後了兩步。

「如果咁樣又夠唔夠班呢？」我拳頭一收，長舌女立即被黑氣勒至七孔流血，直至淹沒。

小瘣別過頭不忍道：「阿偉，你千唔好迷失左自己....」

「妳又知呢個唔係我自己？」我壞笑著向她走近。

「絕對唔係！」小瘣堅決道：「我識既邪智偉雖然好細膽，見親鬼都會大呼小叫，但同時間又好溫柔，寧願唔休息都會留喺床邊照顧我....」

「咁弱雞既男仔妳都鐘意？」我失笑道，這時黑氣己完全籠罩了整個空間。

「阿偉你快啲醒下啦！」小瘣吃力地抵抗著我的邪氣，「唔係啲怨念就會將你吞噬架！」

「咁又有咩所謂者？」我聳肩道：「我依家先知，原來憎恨先至係令人最舒服既情緒。」

「嘿！將一切訴之諸憎恨來獲取力量，真沒出息。」久未露面的余公這時居然開口說話。

「慳啲啦死老野，」我冷笑道：「你咪又係俾我收伏到貼貼伏伏。」

「無能之輩，本將才不屑為伍。」

余公一說完，我的身體便劇烈湧出另一股黑氣。

我猶如流血不止般望著力量傾瀉而出，傾刻間流出的黑氣己幻化成一名驍勇善戰的武將老翁。

「你就係余公？」我冷眼打量著眼前挺拔軒昂的老將軍。

「女娃兒退下，」余公拔出關刀在小瘣前面道：「且由余某來會他一會。」

「講咁多做咩呀，唱大戲呀？」我猛地揮拳指使黑氣往他身上擊去。

「來得好！」余公提起關刀一擋，順勢扭腰用刀柄向我這邊刺來！

我連忙滾地避開，舉起雙手撥出另一股黑浪往他襲去！

整間房間頓時變成修羅地獄般炎熱。

余公見機也快，紮好弓步便拿著關刀往黑浪的中心直劈下去！

「我唓！」

兩股蠻勁相撞，激得狂風四起！

「痛快！真是痛快！」余公打得興起，居然捋鬚大笑，渾然忘了護著空門。

我把握機會，迅速以手指射出一道黑箭。

「咦？」余公千鈞一髮間避過要害，但黑箭還是射中了他的大腿。

「臭小子，居然暗箭傷人？！」余公咬著牙捂著箭傷，卻死也不肯跪下來。

我正想乘勝追擊，卻看起小瘣跳出來大叫道：「夠啦！」

啪！

我清脆地捱了她一記巴掌。

所有的動作頓時靜止了下來。

我歪著頭問小瘣：「妳....妳做咩喊啊？」

「阿偉....」小瘣咬唇道：「你.....你好卑鄙.....」

「唔好喊啦.....」我有點手足無措。

「你蝦余公年齡大，仲放暗箭.....」小瘣的淚水就停不下來。

「哎呀....」我搔頭道：「佢幾百歲人唔會計較架啦。」

而我沒有發現，房間的黑氣漸漸退了。

見小瘣猶止哭過不停，我轉過頭向余公道：「死老野，幫手講兩句啦！」

「嘿！」余公捂住傷口道：「你傷我在先，還要我幫你？！」

「咩呀，我....我同你老人家切磋下喳嘛！」我狡辯道：「咁你想我點補償你吖？」

余公捋鬚道：「說易不易，說難不難。」

「講你就講啦！」我沒好氣道。

「那我就直說了，」余公老實不客氣道：「老夫相中了你喉嚨那個脈輪，風涼水冷，若你願意開放出來讓老夫在裡面養傷，老夫便不與你計較。」

為了盡快哄小瘣不要哭，我沒細想便道：「好啦好啦，住飽佢喇。」

「唔好呀！」小瘣這才驚覺。

「那我不客氣了。」余公嗖一聲便重回我的體內。

「傻佬！」小瘣急道：「咁你依家連喉輪都俾邪靈佔據埋喇！」

「事但啦，」我笑道：「橫掂仲有頂輪同眉輪呢兩個脈輪未用呀嘛。」

「咦？」小瘣奇怪道：「點解阿偉你啲頭髮仲係銀白色既，你幾時學識保持冥化狀態架？」

「吓....」我抓抓頭髮道：「我都唔知點做到架喎⋯⋯」

「係愛呀，」三尾這時才出來抽水道。

幸好小瘣聽不見，只見她低頭尋思道：「莫非係因為今日係你既生辰....？」

「似係喇，」我笑道：「咁妳係咪想同我慶祝生日呀？」

「阿偉....」

「咩呀？」

還以為小瘣真的準備了甚麼驚喜，卻聽她一臉認真道：「趁住你依家仲係冥化狀態，我地一於殺去紅磡搵Tony！」

「妳真係有我心喇....」我苦笑不己。

繼續，唔係叫余公捅你菊花

新讀者留名

琴晚發夢 ，個夢係樓主文既主角 變左 最終形態 一野扑9隻怪獸

有無洗床單