【HiHi喇】我借左筆「靈魂信貸」......(2)

推推推推

LM

留名追故

lmmmm

仲唔出？？？？？？？？

lm

Lm

文啊

再推

被吸進飯盒的那一刻，我以為自己玩完了。

但當我張開眼的時候，我卻發現自己身處在一間很有格調的西餐廳。

而我眼前是一對盛裝打扮的情侶。

「BB呀，今晚做咩咁好帶我來呢度食飯既？呢間餐廳好貴架喎....」我聽到那女的這樣說。

那男的微笑答道：「今晚係我地拍拖十周年，點都要好好咁慶祝下既。」

說罷，那男的拍拍手掌，便有侍應送上美酒佳餚。

「Cheers,」那男的拿起酒說。

「BB你太破費喇,」那女的拿起酒杯相撞，隨即舉杯細酌。

「咦？」那女的吐出口中的異物，「咩來架？」

居然是一枚鑽石小得可憐的訂婚戒指。

這時那男的己單膝下跪：「BB, 雖然我窮，但係我應承你我一定會努力搵錢，第時再買粒大啲既鑽石戒指補償妳！」

「BB....」那女的淚流滿臉道：「我一啲都唔介意呀，以後有苦一齊捱。」

「好！以後我地就同甘共苦啦老婆！」那男的站起來緊緊把未婚妻擁在懷裡。

四周響起了鼓掌和音樂之聲。

鏡頭一轉，我來到了那對情侶的兄弟姊妹飯局。

「咁婚禮當日就麻煩哂咁多位兄弟姊妹囉喎。」那男的舉杯作結。

「得啦，」一名打扮嫵媚的女子道：「就算班兄弟姊妹唔合作，都有我呢個伴娘打點一切既。」

「Macy 妳真係好，」那女的把頭靠在叫Macy的肩膊上，渾然不知Macy己向那男的打了一個饒有深意的眼色........


這次鏡頭又轉到一間酒店房內，從貼窗的剪花擺設來看，我想這應該是那對情侶大喜日子的前一晚。

果然不久後，我便看到那女的穿著紅衫紅褲走了進來，跟在她身後的Macy略顯醉態。

「Macy,」那女的皺眉道：「我爹地媽咪就快要過來幫我上頭架喇，妳做咩依家先飲到咁醉呀？」

「芝芝呀，」Macy挨著那女說：「其實呢，妳會唔會後悔嫁俾阿勤呀？」

「傻女來既，」芝芝笑道：「依家係我嫁人，又唔係妳嫁人，況且我有左阿勤既BB, 想後悔都來唔切啦。」

「芝芝呀，」Macy又道：「有樣野，原本我唔敢講妳知，但係睇在同妳十幾年姊妹既份上，我一定要講.....」

芝芝皺眉道：「妳想講咩呀.......」

「就係呢⋯⋯」Macy隔了好一會，才道：「我都有左阿勤個BB....」

「唔....唔好玩啦.....」芝芝臉如死灰。

「芝芝，」Macy按著她的肩膀道：「阿勤佢唔係好男人，唔值得妳託付終生..」

「幾時開始架.....」芝芝的語氣冰冷得有如刀鋒。

「兄弟姊妹飯之後....」Macy低頭道：「果次之後，我地隔幾日就會見一次。」

「每次都上床？」芝芝的語氣還是很平靜。

「嗯....」Macy直認不諱，「其實我地每次都有戴套，係有一次飲醉左......」

「我地咁多年姊妹，點解係要揀我老公...」

「我都唔知，」Macy羞愧道：「可能係因為我貪刺激，芝芝我對妳唔住.....」

「Macy我都對妳唔住....」

說罷，叫芝芝的女人竟拿起上頭用的剪刀，直插Macy的右胸。

Macy一臉不信地捂住胸口，鮮血不斷湧出。

「點！解！要！搶！我！老！公！」每說一個字，芝芝便補多一刀！

直到芝芝回過神來，她己是滿身鮮血，而躺在地上的Macy己淋浴在血泊之中。

「嘿嘿嘿哈哈哈哈哈哈！」芝芝狂笑不己。

「咩事呀？！」兩名貌似芝芝父母的老人家衝了進來。

「爹地媽咪，」芝芝冷靜地看著父母微笑道：「幫我同阿勤講，我永遠都會留係佢身邊。」

語畢，芝芝便拿著利剪，往自己的頸動脈一插。

鮮血濺滿了整個場景.......

「阿偉！」小瘣用力地將我拍醒。

「發生左咩事呀！」我發現自己手腕上的紅繩快要勒出血來。

「我都唔知，」小瘣急得快要哭出來，「都係我咯，岩岩學識聚鬼咒就叫你用，我好驚害死你呀。」

我剛想說幾句安慰的說話，不遠處便傳來一陣憂怨的歌聲：

「被世界遺棄不可怕，喜歡你有時還可怕.....」

沒多久，身穿紅衣紅褲的芝芝便在山下出現，她的脖子上還插著一把利剪！

「弊啦，」小瘣凝重道：「呢次竟然招左隻紅衣厲鬼出來....」

「點止呀！」我連忙站起來道：「仲要係俾人搶左老公，怨氣沖天嗰種呀！」

「沒法再做那些牽掛....比不上在你手中火化...」紅衣鬼越逼越近。

或許小瘣察覺這次事態嚴重，竟率先提劍上前道：「何方妖孽，報上名來！」

紅衣鬼歪著頭，以流著血淚的眼睛打量小瘣道：「點解.....點解我遇親既女仔都要咁靚？妳係咪又要搶我老公！」

說時遲那時快，紅衣鬼一個閃身，便迅雷般搶到小瘣的身前！

小瘣還未來得及舉劍相擋，便被她用衣袖捲飛出數丈之外。

「咳！」小瘣倒地後吐出一口烏血，「死喇.....阿偉我地呢次真係唔夠打.....」

「喂！」我向著紅衣鬼怒喝道：「有種妳就同我打！」

還以為紅衣鬼見小瘣無力再戰，便會轉而攻擊我，沒想到她居然乘勝追擊，再一次用紅袖將小瘣掃飛。

新傷舊患之下，小瘣躺在地上無力招架。

「走....走啊......」小瘣艱難地說完這兩句，便昏蹶了過去。

「唔好啊！！！！！！！！」我發出無助的咆哮。

就在此時，我聽到了一把聲音，一把很嫵媚的聲音：

「俾我幫你吖？」

「妳係邊個？」

「你唔使理我係邊個，只要你將個身體交俾我，我就幫你報仇。」

「好啊，但係妳點解要幫我？」

「好簡單，我要佔據哂你成個人。」

「妳係九尾狐？余公呢？」

「佢訓緊覺，依家得返我先幫到你，你制唔制者？」

「嘿！妳之前差啲連小瘣都打唔贏，我憑咩要信妳。」

「就憑你冥修羅既靈殼再加上我既妖力，對付呢隻厲鬼綽綽有餘啦。不過條件係你要開放屍狗呢個七魄之一既脈輪俾我進駐，我先幫到你。」

「好！」我無暇細想這會有甚麼後果，「
咁我應該點開放俾妳呀？」

「你依家攞起飯盒上面嗰三枝黑雞毛，用力向住你個額頭插落去。」

「使唔使唸咩咒語？」

「你鐘意啦。」

「好！」趁著紅衣鬼還未向小瘣施展進一步毒手之前，我拿起黑雞毛大叫道：

「四天結盾我拒絕！」

黑雞毛一插在我額頭，隨即像長了根般粘附其上，而我自身亦開始蹦出黑色的狐毛。

是我的幻覺嗎？我甚至感覺到口腔漸漸長出鋒利的獠牙。

我竟然在轉瞬之間極速狐妖化！

正皮留名待續

支持 live了

live :(

繼續啦

好好睇，唔夠多

推

出嚟啦！
盧巧音