Nancy@MOMOLAND被封亞洲第一美 覺得自己最靚邊Part?
韓國女團MOMOLAND成員Nancy今晚(12日)出席活動,第三度訪港的她,大晒廣東話賣萌:「你好,我係Nancy,心心心心!」相當親民。由於她的英文名中有Jewel字,其粉絲團又叫「Jewels」,她再用廣東話說:「珠寶我愛你!」冧爆粉絲。亦因為Jewel這個名字,令她萌起有趣的想法,計劃設計珠寶,她說:「我比較鍾意簡單款式嘅首飾,好像蝴蝶設計,又鍾意頸鏈和耳環,不過收藏不多,希望將來再大啲,真的會有自己嘅品牌。」
她說之前2次來港因為演出時間緊湊故無機會外出,今次會留港5日,相信有時間出外走走,希望吃地道美食和Shopping,未知能否圓夢,搞笑地說:「我想食點心,我以為點心係夜晚先有得食。」
今年她橫掃多個靚人獎,分別1月及6月獲網上票選為「亞洲第一美」及「2023韓國最美女偶像」,公認是美人,她卻謙稱自己最靚是心:「我個心最靚,因為我最愛我嘅家人和朋友(覺得自己鼻子又高建挺最靚?)多謝,我都鍾意我個鼻。」提到她將會單飛發展,她表示正探索自己,希望粉絲要有耐性等候。
![](https://hk.on.cc/hk/bkn/cnt/entertainment/20230712/photo/bkn-20230712205951857-0712_00862_001_04p.jpg?20230712211845)