是咁的，廿一歲有咗，所以我要做有錢人

阿峰同阿賢差太遠，好似性上癮咁成日借啲意撩我扑嘢。

第一次嗰陣我有啲驚，但其實心底都係興奮嘅。

不過有少少唔忿氣囉，因為都唔知佢同幾多人做過。我嘅第一次就佢嘅，佢就唔係，唔公平囉。

「我係第一次你就唔舒服架喇。」

性方面我無得比較唔知啦，但濕吻同愛撫依啲佢真係比阿賢優勝好多，成日搞到我㷫熻熻。

我仲記得嗰日佢有少少夾硬嚟，我叫佢唔好，推開佢，但無用真力，佢就哄埋我耳仔壓低聲量講：「咁你用真力反抗咯。」

被佢講完我就知自己唔係真心唔想要，佢再繼續錫我摸我，教我用手幫佢。第一次摸到男人嗰度真係會驚訝，估唔到人體會有咁硬嘅器官。

被佢插入身體，實好痛，但又好想知仲有咩感覺。

阿峰搞到我好濕好濕，然後就準備入嚟。

「等⋯⋯等陣先⋯⋯套⋯⋯套呀⋯⋯」

「我同你嘅第一次，我想有啲紀念價值啊，我想直接感受你入面。」佢摟緊我錫我耳珠同後頸，講到咁浪漫，我作為一個妹妹仔真係被佢攻陷晒。

「有⋯⋯有咗點算呀？」

「我會負責任架。」

我仲係好驚，但都好冧。

入世未深嘛，後生嗰陣做女仔都係用對耳談戀愛架啦，聽到男朋友嘅甜言蜜語就當真。

女主角英明一世就咁衰畀個不良

公公淨係教我投資理財，無教過我點拍拖。

十個中學男仔同你講會負責任，十個都係呃你。

連戴套保護雙方嘅責任都唔負，你期望佢為你負一生嘅責任？

阿峰終於入咗嚟，起初好痛，好彩夠濕好快開始適應，慢慢有舒服嘅感覺。同自己捽嘅感覺好唔同，被虎背熊腰嘅阿峰摟實，每一吓都頂到我最深處。

當然唔使幾耐佢就繳咗械。嗰陣我仲未知其實女人會有陰道高潮，咁學校唔會教架嘛，我本身又未至於有興趣到會搵好多資料睇。我嘅性啟蒙老師就係阿峰，而佢亦從來無問我有無高潮。

結果搞完我都未夠喉，但佢已經好快瞓著咗，我唯有自己捽到嚟。

嗰日我哋搞咗三次，我其實都唔係咁想做，可能感覺到佢其實只係想自己爽啩？硬晒就摟實我，射完就放開我，好唔滿足。

我嘅中五暑假幾乎好似喺床上過咁，明明要準備公開試，但阿峰根本唔讀書，成日叫埋我走堂。

走堂之後就去爆房，我對佢用錢無咁大抗拒，因為佢係兼職賺返嚟，用緊真正屬於佢嘅錢。

做愛嗰陣，佢有時戴套有時唔戴，我都隻眼開隻眼閉。

直到升上中六，上得山多終於虎。嗰期我成日捱通宵溫書趕進度，以為係經期亂咗，但個人成日好攰，直到我嘔，同計過數之後發現真係好耐無嚟M，我就真係驚起上嚟。

我無女性朋友，結果去咗搵黑龍哥，但佢都唔知點幫我，最後幫我搵咗啲資料，叫我買驗孕棒驗吓。

「兩⋯⋯兩條線⋯⋯」

估唔到第一個知我有咗嘅人，係黑龍哥。中二病如佢都收斂起嚟。

「點⋯⋯點算⋯⋯」我好慌，係我自己攞嚟，但真係好無助，我應該點做好？

中六學生，靠啲小生意養到自己同媽咪，但每個月都係掹掹緊，我嘅心智同經濟都支撐唔起一個小生命。

我同咗阿峰講，佢好冷靜。

「啊，成日都有架啦。」

佢好認真咁同我講，叫我唔好擔心。但我望住佢個樣，突然覺得好心寒。

唔知係孕吐定我覺得阿峰太嘔心，我真係嘔咗出嚟。

咩叫⋯⋯成日都有？

「你唔使驚，我比家計會電話你，等陣。」

我已經忘記咗自己鍾意阿峰嗰一刻，但我到依家都仲好清晰記得自己對佢完全無晒感覺嗰一剎那。

原來我從來都唔認識佢。

明明拍咗年幾拖，應該最熟悉嘅人，因為一句說話變得陌生。

哩啲仆街冚家剷，自己爽完就當人臭四

阿峰照顧完啱啱嘔完嘅我，就繼續教我點做。佢愈係熟悉流程，我就愈覺得恐怖。

「唔使驚呀，我會陪你捱過架。」

阿峰用強而有力嘅臂彎摟實我，手溫柔咁掃我背脊。

我推開咗佢，第一次用真力反抗，令阿峰錯愕起嚟：「我知你好亂，但我會喺你身邊架。」

佢想靠近，踏前一步，我就條件反射咁退後一步。

「你⋯⋯我⋯⋯你之前處理過幾多次？」

「兩三次啦。你第一次係會慌，我都有，但唔緊要架，我有經驗。如果我都第一次，你就真係要驚喇。」

佢伸手過嚟，我撥開佢。依個男人唔係第一次，佢之前都搞大過其他女仔個肚，但到我仍然為咗自己爽而唔載套。

佢明知後果嚴重，唔係理論上嗰種知，係親身體會過嗰種，都仲繼續咁樣做？

我頓時明白，依個男人做愛嗰陣已經話晒我知佢係個自私精，只係我一直無察覺。

「你⋯⋯嗰陣講嘅負責任⋯⋯係⋯⋯」

「陪你墮胎呀。」

好似聽到有啲嘢碎裂咗。

眼淚好自然咁湧咗出嚟。

「阿峰。」

佢拎紙巾出嚟幫我印走面上嘅淚珠：「乖，唔好喊，無事架。」

我捉住佢幫我抹眼淚嘅手。

「我哋分手啦。」

女主角終於識醒

我從來無將自己嘅戀愛生活同公公講過，雖然好親，但拍拖以無講，被人搞大個肚更加唔會講。

或者因為我知道佢點對媽咪，所以我更加無膽將依件事向佢坦白。

講起上嚟都好得意，被人搞大個肚噉大件事最應該同長輩講，但我腦入面從來無依個選擇。

我喺學校其實都無咩朋友，可能因為我生得唔錯，成日有男仔埋身，所以唔少人都喺我背後講我濫交周圍姣仔。

此外就係我太鍾意賺錢，成日喺學校搞小生意，同其他女同學嘅興趣根本唔一樣。

佢哋講緊用邊隻粉底買邊款唇膏嗰陣，我根本搭唔到嘴。淨係知其實女人錢真係好好賺，可惜我開壞咗個頭，被人排斥杯葛自然亦唔會想同佢哋做生意，我未奸到可以唔鍾意對方但要賺晒佢哋啲錢嘅程度，何況佢哋都唔會買我嘅貨。

所以中學嗰陣我都主要做男同學生意居多，主要係做波鞋買賣，都有唔少收入架。

女主角最慘係啲點數點晒落賺錢道

文呢？

亦因為同男仔熟啲，同佢哋建立咗良好嘅買賣關係，又變相強化咗我喺女同學眼中嘅形象，一個無得破除嘅惡性循環。

公公話過人唔可以太突出，有任何優於外人或者差於外人嘅特質都會成為被攻擊嘅原因。

世界嘅惡意總係無處不在。

所以上咗大學之後，我盡量唔畀咁多人知自己做生意嘅事，亦會素顏戴副四方眼鏡上堂，盡量令自己薯啲平凡啲。

講返我第一次大肚單嘢，噉我無乜朋友又無同過公公媽咪講，淨低可以安心交流嘅就得返黑龍哥。

我同佢明明唔係情侶，偏偏係佢陪我去家計會。

「唔好意思呀要你陪我嚟。」

「唏乜說話吖。嚟依啲惡魔嘅巢穴一定要有個魔法師喺旁邊先會安心架。」

後悔，唔應該講咁多嘢，其他女仔女人聽到「惡魔巢穴」都更加不安。

有啲人無乜反應，可能已經唔係第一次嚟。

仲以為女主角今次已經做媽媽添

未咁快

黑龍哥完全唔介意其他人嘅目光，但我就覺得好瘀，快快脆脆完咗個對話佢：「點都好啦，多謝你。」

姑娘叫我個名，我入到去檢查，一直好緊張，個心好似要跳出胸口咁，但係胸口好重好悶，有幾百嚿大石塞住，個心跳唔到出嚟。

我明知個結局唔會好得去邊，但心底仲係好天真咁抱住半絲嘅希望，想一切都係假嘅。

醫生檢查完，有啲愕然，問返我係咪真係驗到有咗，我照直講真係兩條線，無睇錯。

「你係假陽性。」

醫生一句說話，我心口嘅石頭就立即碎晒，我大力咁吸咗啖氣。假陽性，係假陽性！我唔係真係有咗！好嘢！

隨開心之後而嚟嘅，係好多疑問，點解會係假陽性？應該真係好罕見嘅情況，至少我無聽過假陽性先。

「要同你做啲檢查先知點解會顯示陽性。」

醫生解釋話驗孕棒好少機會出錯。個原理係檢測體內嘅某種激素，嗰種激素基本上只會係有咗先會檢測到。

醫生又問我有無食過一啲女性藥，比如不孕症嘅治療藥物，咁我梗係無啦，佢就再講叫我唔好咁開心住，可能卵巢有事都唔定，一切都要做全面少少嘅檢查先會有定論。

唔會係韓劇三部曲，生癌吖嘛

黑龍哥係咪就係金仔？

到下一次我再去，醫生嘅報告話我唔係有女人病，但好大機會係生化妊娠。

「簡單講就係你之前真係有咗，但流產，所以用驗孕棒嗰陣係陽性，後來嚟驗係陰性。」

由嗰陣開始，我心底就一直有種自我厭惡嘅感覺。因為第一下嘅感覺我呃唔到自己。

太好喇。

唔理係流產定咩都好，最緊要係我個胎已經無咗。我嘅放鬆同之前嚟檢查聽到假陽性係一樣。但明明係有過而無咗，唔係純粹驗錯，點解我可以咁無人性，少少可惜嘅感覺都無？

「你嘅子宮壁比一般人薄，所以你成功懷孕又陀得住個胎嘅機會係低啲。不過依家嘅情況⋯⋯你都算執返身彩嘅。」

醫生將報告交畀我：「如果你日後陀得住個胎，真係要好好珍惜呀，知嗎？」

我點點頭，有啲自慚形穢，我無唔開心，但知道自己無唔開心，就好糾結。

好彩唔係生癌

唔係孽瘤

「墮胎好傷身你知架啦？一般女仔平均都會有兩至三次墮胎嘅機會，視乎唔同體質啦，但一定次數之後子宮壁會變薄，會影響日後想生嘅時候未必生到。」

醫生指一指報告上啲我睇唔明嘅句子：「你嘅體質，應該話子宮嘅狀態比一般人差，所以你可能做一次墮胎手術，就頂唔順。你⋯⋯明我講咩嗎？」

隨住我點頭，眼淚亦落下。

亦因為依個原因，我知道自己唔可以好似普通女仔咁亂嚟。

喺正常狀態下尚且陀唔穩，更莫講落咗一次仔之後仲會唔會有機會成功懷孕。

曾經有個名人阿寶講過：「人類總是要犯同樣的錯誤。」

開頭我都唔信，直到我讀大學期間又再次被男朋友搞大個肚，我就知依個係我今世人絕對避唔過嘅一劫。

如果當年我唔係死好彩流產，我就會親身體驗一次墮胎嘅感覺同往後嘅後遺症，當時精神上同肉體上嘅痛苦至少會令我日後面對相似嘅情況嗰陣真係會停低冷靜吓。

怪唔得女主角之後搏命都要生

你真係好投入

可幸又可惜嘅係，當時唔知點解咁好彩唔需要為自己嘅行為負責任，結果日後就會再做多次同樣嘅行為。

人類會犯同樣嘅錯誤，只係因為錯得唔夠痛，又或者過咗太耐唔記得有幾痛。

要夠痛，係一世難忘嗰種痛，人先真係會改過。

我頓時明白點解公公要媽咪為自己嘅錯誤負上一生嘅責任。

二十歲嗰年，公公離開咗依個世界，我傷心咗成個月，隨成長醫好咗中二病嘅黑龍哥就忙於返兼職，我連唯一一個訴苦對象都無埋。

但就算佢咁啱得閒聽我訴苦，我都唔好意思向佢吐苦水。事關佢嗰陣屋企都有事，爸爸生意失敗瀕臨破產，黑龍哥要去做兼職幫補家計。

佢亦漸漸變得唔再身光頸靚，僅餘嘅中二，老實講到大學仲有少少中二病已經係重症嚟，喺社會巨輪嘅輾壓下都好返晒。

其實到底應唔應該叫「好返」，我都唔太清楚。講真吖，到黑龍哥「正常返」，我就發現自己幾掛住中二病嘅佢。

無中二病嘅黑龍哥，仲算唔算係邪王滅殺黑龍哥呢？依個問題就同無咗自由嘅香港仲係咪香港一樣。

就正正因為嗰陣我情緒好低落，先會急住尋求快感麻醉自己，成日去酒吧飲酒。

講真，咁貴比著我頭腦清醒嗰陣一定唔會亂飲酒，嗰一排啲錢用得特別快。

「小姐，請你飲杯嘢吖？」