是咁的，廿一歲有咗，所以我要做有錢人

俾幾個人試食咪得

小學雞搵錢，又好睇又好笑，
加少少鳩鳩地，好岩係公司睇

青有料

多謝你！

返到學校，我大幅降價，只賣三個半一個，唔止平一半仲平過學校嗰款。

我要做薄利多銷，增加客人數量同口碑，縮短重建品牌嘅時間。

果然減價之後真係收到訂單，第一個星期就有六單，都係廿一蚊。

我星期五入貨，成本係來回車費七蚊加十五蚊，賣完仲要倒蝕一蚊固定成本出去。

但唔緊要，為咗重新建立品牌，蝕少少係值得嘅。

當我見到同學仔食到鮮忌廉包嗰陣，雙眼發光嘅幸福樣，我都有種由心而發嘅開心。

公公叫我記住依種感覺，並唔係蝕錢要開心，而係當生意幫到人嗰陣，自己都會有種幸福感。

只要生意可以一直幫人解決問題，錢遲早都會嚟。

蝕錢嘅日子唔係過咗好耐，第三個星期開始我就轉虧為盈。

由於我最盡只可以帶到十個包返學，所以價格亦慢慢因求過於供而上漲。

我每星期只做兩日，價格返到去本來嘅七蚊都日日賣清。

兩日來回車費係十四蚊，二十個包成本價五十，而收入有一百四十蚊，每星期淨利潤係七十六蚊。

直到聖誕假期前，我靠賣包收入賺到六百幾蚊，請咗媽咪去食火雞大餐。

我咁大個女其實都未食過火雞，但細個睇完麥兜就一直好想試下。

可惜我地屋企無錢，而且火雞太大隻，我地兩個食可能真係食到端午節。

不過賺到錢，當然係要好好報答返媽咪，如果佢當日選擇唔生我出嚟，我就連「想試下食火雞」嘅願望都唔會有。

無生命，談何願望。

媽咪好奇我啲錢點嚟，我話靠喺學校做生意，無偷呃拐騙，佢讚我叻女。

到聖誕節，我終於食到恨咗好耐嘅火雞大餐，火雞好勉強咁塞咗入焗爐度，上升嘅白煙同奇異嘅燶味撥動星星，個焗爐戚戚測測、戚戚測測咁，好似天使預早送嚟嘅福音。

哇，好靚嘅夜晚呀。

我同媽咪學足麥兜入面嘅描述，坐喺尖東海旁，點點嘅燈光喺海面上走嚟走去，又靚、又溫柔。

真係好靚。

我從未食過咁濃味嘅野，連燒鴨連杯麵都無咁濃烈嘅味道，火雞嘅味道係我嘅每一個味蕾上面纏住、爆發、纏住、爆發。

就好似今晚嘅嘢咁，最靚，最靚，最犀利，亦都係最溫柔。

望住媽咪食火雞嘅樣，我感覺到金錢嘅力量。

常言道金錢係萬惡，或者係真嘅，但當我哋分享金錢嘅時候，佢就會為我哋帶嚟幸福。

我更加確信，要好好賺錢，為身邊重要嘅人帶嚟幸福。

後來我將一部分聖誕火雞帶咗畀公公，話係我賺錢買返嚟報答佢，隻火雞就媽咪炮製嘅。

公公有啲難以置信，打開餐盒，見到烤到有啡色脆邊嘅火雞扒、醬炒火雞絲同火雞三文治，呆咗一呆。

「真係你媽咪整架？」

我自豪咁點頭。

火雞仲暖，公公開始食，停唔到口：「大個女喇⋯⋯大個女喇⋯⋯」少有情緒嘅佢竟然眼濕濕。

原來媽咪以前喺屋企係個小公主，從來唔使做家頭細務，亦無煮過一餐畀公公食。

但自從有咗我，被公公趕出家門自生自滅之後，為咗我，媽咪由唔識煮飯到依家有番兩道散手，公公先反而第一次食到媽咪煮嘅野食。

公公抹一抹過眼角，又開始同我上堂。

講返小學單生意，新年之後嘅日子偏凍，忌廉包無咁易壞，變咗可以做星期一、二、五嘅生意，收入又增加咗。

每檔生意起步階段都係最辛苦，捱過咗，有資金，我就開始請人。

每星期二十一加七十五蚊成本，賺二百一十蚊，淨賺一百一十四蚊。

我搵咗兩個都係住土瓜灣附近嘅同學仔做搬運工，人工支出十蚊，可以幫我有兩日拎多十個包。

總成本一共一百六十六蚊。

收入係七蚊乘五十個包，三百五十蚊，淨賺一百八十四蚊。

之後我開始理解到公公講嘅觀察力有咩用。

雖然我透過薄利多銷增加客人同口碑，但忌廉包嘅人氣大概都係週銷量五十上下。

口碑喺同學之間已經建立起嚟，但銷量已經去到樽頸位。

因為需求已經飽和。

而我留意到，好多同學唔知幾時開始都用一款有卡通公仔嘅鎖匙扣。

原來學校入面六年級有個風頭躉，佢用咩嘢都會引起其他同學學佢。

事關佢就係引入將啲釘書釘插入擦膠度做陀螺嘅潮流尖啄，仲有個好中二病嘅名叫邪王滅殺黑龍哥。

之前仲有將啲紋身貼紙貼喺身扮咒印等等嘅熱潮都係佢帶起。

我又有計仔擴大我嘅生意。

容小弟做個活動宣傳。本身依個故事由於開頭就有好重嘅主角價值觀取向嘅描述，又加上好似真人真事會令好多普通人誤會，又無乜爆點，所以係個唔太適合連登連載嘅故事，一直都喺粵文雜誌《迴響》（一本廣東話入文嘅雜誌）連載，順便推廣廣東話。

可能有讀者會對《迴響》有啲唔好嘅印象，我自己都有，但係佢哋換咗新班底，再次接觸我嘅時候完全唔同晒，好有心想搞返好依本雜誌。

所以嚟緊我哋兩邊都會多啲合作，而今個星期六6月10日230至430就係第一個座談會。我亦問準咗佢哋同意先將故事嘅減速版放上嚟，希望有讀者睇完，有興趣參加今個星期六嘅活動。



今次活動分兩個環節，座談會，同朗讀劇部份。

報名表格：https://forms.gle/t6AbX3cqE3XvsEiTA

＋＋＋＋＋＋＋

<活動資料>
日期：2023.6.20(六)
時間：14:30～16:30
地點：Heal Club 漫畫酒吧（4/F 宇宙商業大廈 / 銅鑼灣告士打道229-230號 / 近鵝頸橋）
名額：限定30人
報名表格：https://forms.gle/t6AbX3cqE3XvsEiTA

依家名額仲有一半左右，歡迎讀者過嚟一齊傾下偈

我冒昧搵咗黑龍哥，請佢試食鮮忌廉包，如果好食，我以後可以畀佢優先排隊。

我對個包有信心，所以並唔係完全靠運數去博。生意人必須認清楚自己產品嘅價值，唔可以下下靠估同賭。

黑龍哥愛上咗個包，第一日嚟買已經轟動一時。

佢仲話個包可以幫佢補充邪王魔力，短時間令一大班中二追隨者個個都想補魔。

鮮忌廉包亦開始出現炒賣巿場，就算我個包賣到十蚊都有人買，因為轉手已經賺幾蚊。

全盛時期我地班有好多學生排隊買包。

大概兩個月內，我嘅賣價去到十二蚊，成本無變都係一百六十六，但我嘅收入係六百，淨賺四百三十四蚊。

我嘅積蓄好快就破咗千。

而當我興高采烈咁同公公講我賺到幾錢，同學又點樣炒忌廉包嗰陣，佢只係同我講咗兩個字。

小心。

公公講嘅野向來都係啱嘅。但我被利益沖昏頭腦，一時之間唔明白佢嘅意思。

直到忌廉包依個泡沫爆破為止。

公公好似西遊記家英哥，
一句，小心。
我個腦立即有畫面，keep住寫，
好笑得黎又過癮
下下贏到少少，又會柒一柒，
學到野

有雷暴，落雨好收衫喇！
多謝你

一個包嘅價值，就只係一個包。人係唔會為一個巿價只係幾蚊嘅包支付幾十蚊。

但一到炒賣情況就咩都會發生，大家都唔在乎個包貴唔貴，唔在乎個包嘅內在價值，只在乎個包遲啲仲會唔會升值。

包嘅價值一定有限，可惜人嘅貪婪無限。

隨事態發展，忌廉包已經要廿蚊個，個巿場入面唔係咁多人可以比成廿蚊去買個包。

結果，叫價去到廿二三蚊開始，就無人問津。

忌廉包唔擺得耐，有人存咗貨，發現廿三無人買、就降價想出貨，二十個半、十九、十六、十二⋯⋯其他人見到價跌又唔敢買，接貨嘅人變咗大閘蟹，結果更少人買，而啲包已經就嚟過期。

最後，臨過期都係賣唔出，有人選擇食咗佢，但食都食唔晒，唯有丟。

從結果嚟睇，有一班人用廿幾蚊嚟買一個本來只需要兩個半就食到落肚嘅包。

一個包嘅價值，就只係被人食落肚，僅此而已。

我望住一個個炒燶忌廉包嘅同學，同垃圾桶入面被丟棄嘅忌廉包，就算我係成個過程中賺最多錢嘅人，我個心都唔好過。

公公話，好好，我親身體驗咗一次咩叫巿場過熱。

佢要我記得自己嘅服務同產品幫到人嗰陣嘅滿足感，但唔好將失利投資者嘅失敗當成自己嘅責任。

事關有人鬧我，話如果我無賣忌廉包嘅話就唔會搞到依家咁。

輸得愈多嘅人鬧得我愈金，我亦好快變成神憎鬼厭嘅存在，僅餘嘅朋友都無晒。

我為依件事喊咗好多晚，明明一開始幫到買唔到忌廉包嘅同學，為佢哋提供價值，點解到頭來我害晒成班同學？

我連喊幾日，去到公公度佢見我口腫面腫，我想一次過將所有鬱結爆晒出嚟，仲話以後都唔想再做生意。

公公就安慰我，話班同學唔係被我害，係被人性貪婪所害，只係無辦法指住貪婪嚟鬧，先轉而搵我出氣。

人要為自己嘅貪婪負責，佢地所承受嘅後果係集體貪婪膨脹而必然發生嘅悲劇。

身處炒賣過熱嘅巿場，就算我去叫大家唔好炒，啲人只會笑我傻。

「啲包下個小息轉個手就賺啦！有錢唔賺咩！」

所以如果眾人皆醉我獨醒，唔好試圖叫醒喺美夢中嘅人，唯一方法，及早離去矣。

嗰年有人借錢炒包，蝕足百幾蚊，最後由家長出錢填氹，學校先知道事件嘅嚴重性。

即使我正當咁入貨，而炒忌廉包亦唔係賭搏行為，但最後所有野都要冚檔。

炒賣中有人贏有人輸，而我就係唯一一個大贏家，賺咗二千幾三千蚊，嗰年，我小四。

如果唔係公公一直做我嘅老師，我早就誤入歧途。

因為每個人都一樣，賺到錢就自然會囂，而囂得多就會仆街，因為成日抬頭挺胸，無睇清楚腳下要行嘅路。

女主角好叻女

但係仆街磁石

公公喺之後一次嘅課堂上擺咗兩樣嘢喺我面前，一支花同一罐沙甸魚罐頭。

佢講咗兩個故事我聽，第一個同枝花有關，枝花叫鬱金香，而喺十七世紀嘅荷蘭，就發生過炒花事件，史稱「鬱金香泡沫」。

「首先係產品嘅供應量。」

鬱金香好難大量培植，開花需時長，由種子開始種植至開花平均要六七年，令成品花處於供不應求嘅狀態。

忌廉包都一樣，區區幾十個根本滿足唔到全盛時期幾百個學生嘅需求，求大於供，價格自然會上升。

「仲有群眾嘅需求同資金量。」一個地方嘅人愈多閒錢就愈會搵野買。

當時荷蘭獨立無耐就發展航海產業，全國上下都好有錢，人有錢就會想買奢侈品。鬱金香就成為咗群眾嘅炒賣目標。

同樣道理，雖然學生無收入，但唔少人嘅父母都會比幾十甚至上百蚊嘅零用錢畀仔女。

而忌廉包嘅價格未炒起同啱啱炒起嗰陣，相比學生們嘅收入都係好平，自然就有資金流入開始炒賣。

「有資金嘅人一開始投機，價格就會喺短期內飛升，甚至脫離物件應有嘅價值。」

估唔到睇呢個故仲可以學歷史

鬱金香泡沫真係出名到不得了

有嘢落袋

因為太撚癲

的確，喺有同學直接以炒賣為目的嚟買包之後，好快忌廉包嘅價錢就升上去。

「仲有一點，就係會出現金融衍生物品。而衍生品出現嘅時候，巿場一片繁榮，個個都覺得買完一樣野之後會升，就會愈嚟愈多人借錢炒賣。」

公公講到，當年荷蘭人先炒成品花，後到次級品種，然後到鬱金香球莖（由球莖開始種只需一年就會開花）但連球莖現貨都交易晒之後，就開始進入期貨炒賣階段。

無錯，世界上有史料記載，最早嘅股票同最早嘅期貨其實都係荷蘭人發明。

由於球莖未成熟，種鬱金香嘅人就提供期貨。

簡單講當時嘅人會交易一張合約，甲表示一年後收成就會交付鬱金香球莖。

當現貨係一百蚊，依家十蚊按金賣一個權利畀乙，一年後乙可以畀多九十蚊買成熟嘅球莖現貨。

但乙買完，當價格又升，未夠一年鬱金香就升到二百蚊，佢就會賣自己張合約畀下一個，而張合約已經值一百一十蚊（本來球莖值一百，加按金十蚊），乙嘅身家馬上暴漲咗十一倍。

丙又會再賣畀丁、丁又再賣畀茂⋯⋯

只要價格繼續升，依個暴富遊戲就會一直玩落去。