是咁的，廿一歲有咗，所以我要做有錢人

睇呢個股仲可以學炒option

你炒到故變股

但到1937年，期貨合約就快到期要交貨，一大堆本身就唔鍾意鬱金香純粹玩炒賣嘅人開始將自己嘅合約降價出售。

巿場上鬱金香期貨價格下跌，借錢畀人炒賣嘅借債人就開始追債，借一千蚊出去畀你買花，升到二千蚊無人會驚，但跌落八百蚊，借錢畀好多人嘅債主就發現啲債仔資不抵債，自然會盡快追返條數返嚟。

債仔被追債，但自己無錢就唯有賣野，佢地手上最值錢嘅就係期貨合約，最後依堆債仔一齊割價求售，鬱金香球莖期貨合約亦由最高位6290荷蘭盾跌到得返0.1盾。

情況大概係你本來賣出張合約可以買到半山豪宅，變成連劏房都租唔到咁上下。

同我賣包情況有啲出入嘅係，我嘅同學無人醒到識賣期貨包，所以熱錢全數流入嚟買現貨，加速令泡沫膨脹同爆破。

爆破嘅原因其實大同小異，鬱金香係期貨交結日到期，我啲忌廉包就係食物品質到期。

過於脫離自身價值嘅任何商品，最後必然會因為佢地嘅特性而回歸原有價值。

忌廉包只係個包；鬱金香亦只係朵花。

即係偷野 報得警

講故台又有人炒車

推

講完鬱金香就輪到沙甸魚罐頭，公公定立遊戲規則，叫我同佢輪流以高價購入依罐沙甸魚。

個遊戲要我用真金白銀玩，我起初叫價都好保守。

一蚊變兩蚊，兩蚊變三蚊，後來我見反正賣返畀公公都會升價，就開始十蚊廿蚊咁起跳。

直到個罐頭叫價千幾蚊嗰陣，公公就停止咗依個遊戲。

「問題嚟喇，請問依罐沙甸魚，其實值幾多錢？」

以當年嘅巿價，大概係五至八蚊左右就可以喺任何起級巿場買到，平均價當係六個半啦。

「咁依家佢賣幾多錢？」

下一次叫價係一千四百蚊以上。

「哦！公公你想話我買貴咗好多！」我自作聰明咁話，但公公搖頭。

「我想話由一開始就係買錯野。」

依個唔太識，lm學野

由頭到尾都唔應該買？

佢叫我打開個罐頭，我先發現原來啲沙甸魚已經發臭，根本唔食得，連巿價六個半都唔值。

依個遊戲有好多教訓，其實原本係一個股巿流傳嘅故事。

有兩個交易員輪流喺對方手中以更高嘅價格買入沙甸魚罐頭，直到有個交易員好奇點解個罐頭噉值錢打開嚟睇，先發現個罐頭其實一蚊都唔值。

但另一位交易員鬧佢：「邊個叫你開？個罐頭只係用嚟炒賣架咋。」

我細個未接觸股票，所以大個係靠自己諗返個故事提醒自己，不過公公就以另一個角度教我其他營商原則。

「你要記住，作為商人我地唔可以賣無價值嘅野畀人，作為投資者我地亦唔應該買無價值嘅物件。」

我好奇：「就算我賣無價值嘅嘢，客人知道無價值都唔會買架喎。」

「錯，依個世界上有包裝同宣傳，可以誇大產品嘅價值。仲有欺詐，賣假野等等都係一樣，但作為生意人，我地嘅貨幣係信用，一旦失去信用，我地亦失去做生意嘅資格。」

「但明明有好多人賣假貨都賺到盆滿砵滿架喎。」

「做生意係睇邊個笑到最後。」

屌你老母咁耐唔出故係咪想死

細個唔明，大個先開始明少少。

曾經有段時間覺得惡人無惡報，所以有懷疑過公公嘅教導，但原來所有惡行會慢慢累積，一個唔覺意爆起上嚟就好金。

公公無實牙實齒話壞人一定無好下場，只不過建立喺錯誤基礎上嘅財富比較容易崩潰。通常避得過嘅人，都係發財立品，好壞功過參半。

但一直無改過，仲想起萬丈高樓嘅人，九成都會被冧落嚟嘅建材砸到粉身碎骨。

每次公公對我嘅教育總係拳拳到肉、一針見血、環環相扣，之後就直入去同信用有關嘅概念同課題。

老實講，我作為一個小學生，雖然已經比一般細路吸收得多，但唔明同唔記得嘅部分都好多。

公公嘅教導，有時喺我做決定前派上用場，幫到我避開風險，但有時我唔為意就會做錯決定。

到我噉大個女，仍然想好似細個噉，遇到生意上嘅問題就可以搵佢指點吓迷津。可惜所有人都敵唔過死亡，即使係喺我眼中無所不能嘅公公都一樣。

無咗公公睇實我，我喺之後嘅賺錢路上都瀨咗唔少野。

當然，創業失敗同投資失利，點都無睇錯一個男人輸得咁金。

公公好早就教識我咩叫「風險管理」，所以每次輸錢我都無輸身家，但愛情就唔一樣，因為愛情會令人失去理性。

失去理性，無做好保護措施，仲要重注柯煙，足以令我輸身家。

有句說話好啱聽，對我依種遇人不淑嘅女人更加係中晒。

投資理財有賺有賠，投資男人有去無回。

如果愛情都好似投資咁簡單，你話幾好。

講起男人，我大概係升上中學嗰陣開始多人追，通常接近得我嘅男仔唔多唔少都對我有好感，除咗黑龍哥。

我同重度中二病患者邪王滅殺黑龍哥算係有段孽緣，由小學中學到大學都讀同一間，而我喺小學嗰陣好幾次做生意都會搵佢幫手宣傳。

佢屋企唔缺錢，亦好享受自己帶起學校潮流嘅感覺，所以我搵佢幫手完全唔需要宣傳成本。

唯一難搞啲嘅係佢唔會樣樣產品都肯宣傳，同成蟲霸王廣告一樣，覺得你不能叫我拍我就馬上拍，頭髮在動L痕稀痕油痕躝。

反正就係要真係鍾意件貨先會幫我手。

無錯，黑龍哥就係元祖級嘅KOL喇！有佢幫我宣傳令我好多小生意都搞得有聲有色。

不過上到中學，黑龍哥都愈嚟愈收斂，同埋我發現佢買奢侈品嘅頻率好似愈嚟愈疏。

但係我無乜點留意佢嘅動向，因為當時我已經開始拍拖。

黑龍哥點解唔直接叫自己做飛影

唔通女主角之後鐘意咗黑龍哥

因為佢鍾意嗰招

我嘅初戀男朋友叫阿賢，同學成日講笑叫佢阿腎，我有時都會咁叫佢。

阿賢係基督徒，典型乖乖仔，拖手拖到掌紋都就甩都未嘴對嘴錫過。佢係真心虔誠同純情嘅，亦對我好好。

不過份人就悶啲⋯⋯過咗熱戀期就更加悶。我發現同佢原來有好多嘢唔夾，尤其係金錢觀方面。

阿賢總係好豪氣咁買禮物送畀我，而且非常自豪。

開心係開心，但我係靠自己賺錢嘅人，所以無辦法心理上完全接受佢嘅厚禮。

阿賢無返過工，亦唔在意錢，當我同佢講我喺一啲外國大公司嘅成功例子度學咗咩技巧同心法嗰陣，佢會同我講唔好太在意萬惡嘅金錢，主會為我安排好我嘅收入。

「唔賺錢邊度有飯食？」

「你無聽過五餅二魚咩？」

我無眨低宗教嘅意思，但阿賢就係個咁天真嘅人。可能有人會覺得佢可愛，但我反而覺得佢似溫室嘅小花。

我愈嚟愈覺得我同佢一個係AM一個係FM，大家都唔啱青勞嘅⋯⋯

當你發現同一個人唔夾，嗰種感覺只會隨時間增加，佢會愈嚟愈篤眼篤鼻。

學子華神話齋，邊有人咁樣呼吸架！

愛嘅時候，放屁都係香；唔愛嗰陣，呼吸都有罪。

中四嗰年，我同阿賢分手，佢喊住咁問我點解，但太多日常點點滴滴累積而成嘅分手，都唔知從何講起。

點解，係期待對方答一個確實嘅理由。我可以講好多好多同佢唔夾嘅地方，但其實愛的話，幾唔夾都可以忍受。

所以答案其實就真係：「我唔愛你喇。」

主會為我安排好我嘅收入。

我嘅收入喺邊度

推

喺主度

「點解唔愛？」

因為你唔識賺錢？因為你太乖乖仔無刺激感？因為你唔大隻？

我其實都唔知，好似一切都係理由，又好似一切都唔係理由。

「我都唔知⋯⋯」

只係唔想再同佢一齊。

阿賢無辦法接受我就係唔愛佢，一直纏住我，纏咗好耐，甚至講明咗分手佢都唔容許我同普通男性朋友喺走廊傾計。

「你唔好再咁樣騷擾我好無？」

「嗰啲男仔想溝你呀！我保護你咋！」

「我唔使你保護！」

「你要架！」阿賢捉住我隻手唔畀我走。

「如來神掌！」

嗰日係仲有輕微中二病嘅黑龍哥幫我推開阿賢。

「睇嚟你被控制慾惡魔附咗身。」

「阿黑，我哋兩個嘅事唔關你事呀。」

「阿賢，分咗手咪算囉。」

「唔可以算！點可以就咁算！佢係我架！我愛佢！」

「乜你個主耶蘇係教你咁愛人嘅咩？你唔見素怡好痛苦咩？」

阿賢著晒火：「講還講，唔準講耶蘇！」

「你諗清楚，你愛佢點解要令佢痛苦？佢同你分手就係因為繼續一齊會痛苦，你硬係要人痛苦嘅？」

「但佢同我分手我好痛苦呀！點解佢要令我痛苦！」
「素怡講到明唔再鍾意你啦！你唔同喎！你口講愛佢但仲要令佢痛苦！」

阿賢可能都知自己嘈輸咗，只能夠大叫收聲，然後撲過嚟，黑龍哥擋住佢，兩個人打起上嚟。

黑龍哥好型

推！

「對唔住⋯⋯因為我⋯⋯搞到你記大過⋯⋯」

黑龍哥同阿賢打交，雖然我盡力幫佢求情，但都係要一齊罰。

「無嘢喎我，被人踢出校都唔驚架，我可以去魔法學校讀書！」黑龍哥露齒笑。

佢無要求我回報佢乜嘢，純粹只係見到我有困難就幫手，所以我好多謝佢。

難怪佢咁多朋友。

「有無睇過《蜘蛛俠》？入面話過，強者應該要幫助弱小，有人遇到困難我就會去幫手，因為我係強者，我係黑龍哥！」

「《蜘蛛俠》真係咁講？」

「珍珍薯片都無咁真。唔信你去睇吓。」

我諗我哋睇嘅《蜘蛛俠》唔係同一套，又或者句金句根本係黑龍哥自己作出嚟。

嗰日之後阿賢都收斂咗，但佢對我嘅愛明顯轉為憎恨，永遠都係黑口黑面。

果然唔係信咗教就代表你係個好人，講到尾都係睇個人修養。

不過後來我識咗個新嘅男朋友阿峰，阿賢就唔敢再明刀明槍煩我。

阿峰同阿賢完全係硬幣嘅兩面，性格同外表都天南地北。阿賢係乖乖仔，阿峰係壞男孩，爛仔班嘅金毛，但夠高同大隻，仲要打籃球。

亦因為阿峰個樣夠似黑社會，阿賢唔太敢再喺我半徑十米範圍內再出現。

阿賢依啲記一個大過都嗌晒救命嘅乖乖仔，同「夠膽就隻揪，我仲淨兩個大過先會比人踢出校」嘅阿峰根本無得鬥。

阿賢基本上無乜大動作，但我發現佢經濟科進步咗好多，考到全級第二，同我比只係相差好少。可能佢想喺我最擅長嘅科目打敗我？不得而知，因為好耐無同佢講過嘢。

阿峰嘅出現令我可以從阿賢嘅瘋狂之中解放，真係輕鬆咗好多。

可能女人真係天生會被壞男人吸引，阿峰作為籃球校隊成日有女仔埋身，佢自己都成日撩女仔。喺佢身邊，我有種優越感。

副作用當然係被女仔排斥，暗地𥚃就被人鬧係臭雞，同風頭躉一齊我都預咗。