馬來西亞/新加坡 討論區

大馬去檳城，Langkawi ,沙巴同馬六甲最好玩。試吓當地水果例如大地菠蘿，紅毛丹咁
我有一段長時間外地工作，所以先發覺香港好多嘢都好正同特別其他地方都搵唔到（雖然香港依家好多嘢都唔見晒變晒）單係檸茶奶茶已經搵唔到，例如大馬啲檸茶俾狗飲，得一塊檸檬，重要冇茶味，無論幾蚊馬紙定十幾都係垃圾，奶茶又甜到痴晒線

留名
八月中同女朋友去新加坡慶祝生日

LM

真 同樣行商場/市區
綠化好好多 商場大得嚟無咁迫
上次食個自助餐4百蚊左右
食得好舒服無香港咁逼
西餐區中餐區海鮮區分得又開 揀嘢食唔洗逼嚟逼去
香港邊有呢啲地方

去完古晉第二次，幾舒服

黃梨酥，當地人過年食
雙子塔近地鐵站出口有間

白咖哩麵，咖吔醬呢d

諗起icc pudu，好多人去排果檔連登

大家有冇Penang同Ipoh必食推介

土司工房同亞坤我都食咗好多次
我覺得都係OK的
另外今次都試咗都有幾多分店嘅fun toast都唔錯

暫時我覺得hawker center入面嘅嘢食種類都好多丫
每個唔同嘅hawker center入面都有特色舖頭
唔似香港咁來來去去都係得嗰幾間

但其實邊到食榴槤會平啲呢?
因為依幾次我都喺ChinaTown同某啲hawker center 到食
唔知算平定貴但我見平過香港

但而家最近嗰啲景點M+故宮sky100等
全部用錢堆砌出嚟但係好垃圾
人哋個Gardens by the Bay一樣用好多錢堆砌出嚟
但係去咗幾次都仍然覺得好正
就算新加坡啲商場其實買嘅嘢都差唔多
但係你都會覺得好好行
但香港啲商場真係比狗行

怡保-雞絲河粉，rojak ,炸料（大樹腳同大家樂出名），nasi lemak有一間幾出名,白咖啡加燒麵包，芽菜雞（好出名但唔明有咩好食，芽菜同雞分開兩碟冇交集嘅）不過怡保芽菜同河粉出名，真係好食嘅，雞就麻麻
檳城好多嘢食，炒貴习，鴨粿條,cendol ， ice kacang 等

講開檸茶又真係香港係最好飲
但係奶茶依樣嘢我又覺得唔同地方唔同口味
港式奶茶係好飲
但係我覺得台灣嘅珍珠奶茶泰式奶茶甚至新加坡飲到嘅teh都好飲喎

大馬好平

首先喺香港如果食夜晚buffet起碼已經要八百幾蚊起跳
仲要其實係唔好食

反而我好有印象10年前我喺馬來西亞嗰啲街邊檔食咗半個貓山皇
大概港幣二百幾蚊

星加坡咪同大馬嗰啲一樣，不過覺得大馬平啲又好食啲

香港越嚟越冇眼睇啦
星加坡啲商場以前真係冇嘢好行好買，香港多嘢行好多

台灣珍珠奶茶好難飲根本gimmick嘢完全冇茶香，泰式奶茶甜到阿媽都唔認得，teh算最好飲但都係太甜同埋茶香唔夠，係滑嗰方面有得比吓

香港buffet 不嬲垃圾，貴到離譜

2.5嗰陣？大機會你被人劏不過有一排啲榴連俾晒大陸所以冇貨睇季節，三十幾蚊馬紙到七十至八十蚊（出口嗰排）啦一隻

我都唔知，我見阿羅街食野普遍比其他地方貴，但榴蓮又唔算特別貴。相反去grab 司機介紹既ss2或者其他小販檔，其實都唔平。不過ss2有d次貨榴蓮賣（細粒/形狀奇怪），10-50港幣一粒，幾得意。

另外如果自己揸車，有時去景點路上有d馬路邊既㰙檔，果d都平但品種好似唔係咩靚品種，同埋果d馬拉人只識講馬拉話，我好彩有對華人幫我溝通試過下，都係100港幣左右一個2kg

芽菜雞我都唔明有乜好食但一定要試下既

怡保早餐我大推長江白咖啡，飲凍啡+蒸面包，好正

檳城千祈唔好去紅園夜市同關仔角夜市，我全程最伏就係去左依兩個地方，求其一個商場foodcourt 都好過佢

依家嘅長江係老闆娘嗰仔重開，老豆係香港人，以前舊鋪嗰陣成日去打牌要老闆娘痺痺吓都要係咁沖咖啡整麵包，阿仔就好孝順細細個幫老母捧餐依家長江嘅咖啡唔係老闆娘沖，差咗好多，燒面包都唔夠以前好食，不過蒸面包真係正嘅