網絡小說集中討論區<25>

搵到本糧草
成為怪談就算成功，個設定幾得意，個風格有d 似驚慄樂園

以已經完本嘅穿越/末世小說嚟講，我在末世有套房算唔錯。我覺得個尾收得幾好。

我的細胞監獄睇到100章
決定棄書
本書冇任何情緒起伏
好似係飲一杯水咁
之前睇遮天睇到覺得垃圾好嬲都叫屎味既水
後尾睇大奉打更人就似可樂
同埋唔知點解 好難投入劇情
主角個人設同佢既行為好唔合理
好多位都會有衝突感
劇情推進快既位並唔流暢
有時要翻睇果幾段先ff 到個場景
睇咁多年書第一次kb咁既情況

睇多你百幾章
個主角好似怪物吸引者 咩怪咩鬼都可以俾佢魅力吸引到 頂唔順棄咗

https://sto520.com/book/2751/

試下？

有冇架空歷史書？
睇左秦吏 漢闕 覆漢
有西方都得
唔該

新海月1既書都唔錯，主要都係歐洲架空歷史，新果本係掛住奇幻個名寫領主政治

近期完左本終宋 好睇
川蜀戰一流

仲有本紹宋都好睇

赤心離莊之後真心好撚正
但係

已經睇到live, 等佢真係收到尾先會考慮睇唔睇
呢本嘢死撚硬, 個作者前期成日一諗唔到寫乜就灌水, 搞到去到1400章都先堪堪去到4階邊緣
個系統整果個都起碼8階以上, 以佢咁既進度本嘢起碼要寫超過3000章先完到書
我就真係未見過有書寫超過3000章都仲好睇 維持到咁上下水準都已經算個作者叻, 都可以foresee到後面基本上好似無腦升級文咁

Er...首先多謝你睇到live先
但係你嗰comment畀我ge感覺好奇怪...
呢本書會有水，但係理應唔係真係水得好嚴重
好多都係鋪排同講解啲前因後果
同埋你話 "維持到咁上下水準都已經算個作者叻"
咁其實你係咪覺得好睇或者都ok? 但你又睇死呢本嘢死硬...
最後用自己ge經驗，未睇過有書寫超過3000章都仲好睇
就直接推論出呢本書去到後面會好似無腦升級文咁...
呢段comment嗰感覺就好似分別有幾個人有唔同ge睇法
然後再砌埋一齊咁...

而對於呢本書我反而覺得唔會死
作者好明顯係有plan過成本書係點樣寫
有咁多燒腦嘅劇情作者一定落咗好多心機喺呢本書
（唔太明白點解你咁悲觀foresee到後面係無腦升級文）
另外作者一直都有雙開寫另一本書（live 緊）
未見質素下滑ge跡象
對呢本書充滿信心

殺妹證道

按照星星老爺爺序列1本尊比阿蒙殺左跌落序列2計
阿蒙應該跌落序列1
偷盜者序列最多可以有兩個次一序列分身
本尊比克萊恩殺左，失去唯一性、序列1特性

不如你話返俾我知有邊本寫超過三千章仲好好睇
依家伏線都解咗一大堆 咁你覺得後面仲寫到啲乜出嚟？
你睇咗幾多年小說 呢類型嘅你估都估到啦

反而師兄你好似被其他有3000章以上嘅小說害，有種固有思想所有過3000章嘅小說都會唔好睇。但你肯定真係一本都冇？就算冇，點解呢本唔可以做第一本係寫到3000章以上而且好睇？
雖然伏筆係解咗好多，但係都仲有好多未解…巫師文明,共生者,變異者,一開波執嘅戒子,黑龍,鳳鳴路,末日系統,深淵世界,祭壇,貫穿全文嘅”我們是一體的”……呢度一堆未講，你竟然覺得後面會冇嘢寫？
咁有一大堆伏筆未寫嘅情況下，你點知道後面嘅劇情？你竟然靠估……

你講幾個都係設定嚟 伏咩唔伏筆? 至於我們一體咪解咗 你係咪冇睇到live架
咩黑龍,鳳鳴路咪又係高級啲嘅副本
去到5階都神明啦, 不如你講下個作者除咗寫到好似鬥破蒼窮呢類升級文之外仲可以點寫?定你係想講佢好似諸界末日咁無視等級, 戰鬥淨係睇金手指
而且咁多本3000章既小說都寫唔掂 請問你邊到嚟信心覺得呢本一定寫得好? 定係你就係作者本人
前面幾百章都還唔錯, 去到千幾章都唔識收已經唔對路
仲要一諗唔到就寫 主角做某某事=>其他人用成大半章煞有介事討論一定唔係主角做既=>然後就打面=>loop
仲有一大堆問題好似主角升太快 其他救世小隊成員被甩幾街 成個設定毫無意思, 仲有咩忠誠度又係廢嘅。
又好似首都果到, 去到3階都已經無敵又唔衝入去搞掂, 偏偏四階都出埋嚟先識死, 憑主角同楚安呢個算無遺策嘅會留咁大嘅禍害係到?
當下無腦升級文咪算, 咁認真仲乜呀

見到神秘復甦完本
一晚追哂最後個幾百章
雖然好多坑無填，後期戰力失衡+變爽文
但呢本既設定真係無人能敵

雖然最後bad end，主角團基本死哂
意難平，但都不失為個好結局....
最衰都係亡妻三少玩舉報！食屎狗！

其實本書係唔係你寫的打手到咁
我都buy 3000章基本上都=爛書 呢個point
通常都係個架構唔完整 諗到咩就寫咩 好多水分
所以先呃到咁多字數

但overall黎講 呢本一定係垃圾書先

鷹視狼顧

唔可以講好神，文筆還可以，但有啲問題寫到後面有啲情節唔太合理，主角性格描寫又太極端

同埋中後期會有後宮情節出現，我自己唔鍾意但佢啲讀者鍾意，所以佢之後會寫多咗

我們是一體解咗？ 好似仲係講得好模糊bo？

睇到國戰就放棄左
最後羊皮紙係乜？

無講應該係一隻預知未來嘅鬼，所製成既靈異物品掛