代一位巴打尋人
呢位巴打同絲打傾左好耐,兩個都係讀中國文學,但係最後冇交換到contact,佢好想搵返位絲打,如果你就係女主角,去facebook inbox我啦
原文如下:
========================
致 " 肚腩膠 " :
初初只係同你吹下水,因為見到你個topic寫住肚腩膠幾得意,所以就入左去。你好神秘, 好多私人d既野要chok下你,你先會講出黎,有d就算chok都唔會講,不過咁先係你可愛之處。
個陣同你大家鬥左陣嘴,然後講到我係讀中國文學既時候你唔信,因為講真,香港讀中國文學既男仔真係好少,一間學校講緊得 1 - 2 個,所以你即刻出題考我,而我答岩左比你睇,我再講其他中國文學會考既文章,你先真係信我。
開始大家愈傾愈投契,我係一個鐘意寫文既男仔,而你都鐘意寫文,但因為呢個網係 sd 唔到相,雖然你話想睇我既文已經講左好幾次,但係可惜最後我既文章都到唔到你手,我同你都因為一D原因,做左中國文學既叛徒,最後都冇讀返文科,你讀左social science,而我就係工程,所以大家都會叫大家做叛徒,個種親切既感覺至今仍未忘懷。
當大家傾到去鐘意既歌手時,先發現,原來大家鐘意既歌手係一模一樣,周杰倫,張學友,陳百強,張國榮,個一刻我真係好開心,因為仲會聽咁舊既歌既女仔真係唔多,而全部舊歌都聽既係我識既人中真係得你一個,張學友仲要係我既偶像,個一刻既感覺,就好似一個係海上迷路既人搵終於搵到北極星,我個刻係到諗,我,終於搵到我既北極星了,好光,好亮,好璀璨。
直到之後,我同你講我晚晚都會跑步,你話我聽,我都有跑開,但因為懶懶下幾個月冇跑了,就連跑步既興趣都一樣,個刻我就係到諗,係你啦,北極星。可惜,開心既時間過得特別快,大家第二日都要返工,要訓啦,雖然大家一直講訓但又唔肯訓,不斷愈講愈多話題,然而呢一刻始終都會黎到,個一瞬間,我好驚第二晚搵唔返你,所以就問你拎contact,而你,就同我講,文學係浪漫既,有機會聽晚再傾,我地有緣會再見嫁。你同我講,你第二晚同一時間會用返呢個topic等我,而我會用返同一topic搵你。
到左第二晚,呢個網剩低既都係虛無,完全搵唔到你既影子,肚腩膠呢?然後呢個浪漫既故事,得唔到童話入面既結局,肚腩膠,我好掛住你,希望,搵得返你。。。。。。北極星既位置唔會改變一直係北方,而我亦都會好似北極星咁,繼續係呢個網到等你。
" 岩岩跑完步返到屋企 " 上