[年經] 畫樹 心理測驗了解自己

巴打係一個好進取，對自己有要求，係讀書/工作方面會希望自己做到一番成績，會想自己一直有進步嘅人。巴打都係一個好在意別人對自己睇法嘅人，而係成長過程中身邊嘅人亦都應該俾咗啲壓力你，呢啲壓力都令巴打好想自己係人前都有一個好嘅形象，亦都傾向收埋自己嘅情緒。唔知巴打會唔會都覺得攰呢？希望巴打都搵到一個喘息嘅空間俾自己，見巴打話個picture都係來自行山嘅畫面，希望有時大自然都可以讓你有舒服嘅感覺啦！

終於等到你
唔係一般既在意，係超級超級在意，所以呢家極到內向，同人近乎零交談

巴打係因為好好好在意人地點睇, 所以寧願唔同人地接觸?
有時摺耐左 仲難D去返social果個mode播

一日未覺得自己已經裝備好，一日都唔敢hi 人只敢同陌生人講野

不過等自己準備, 又好似好耐都未準備好咁
但巴打反而同陌生人傾又OK?

嘩 好欣賞你畫晒成張紙,仲畫得好colorful, 好豐富啊
成個比例都有種和諧舒服嘅感覺,顏色嘅線條方向都感覺你好有條理!
睇到你都有幾個目標努力追求緊,你都係個自律同時對自己幾有要求嘅人, 宜家朝住目標一步一步向前行緊!
因為你都係一個幾需要安全感嘅人黎嘅
不過絲打可能有時候你會比較需要身邊人嘅愛同埋關心,
有人係你身邊會令你更加有力量去做想做嘅事,
無咁易緊張同焦慮, 而你平時同其他人都維持到一個比較好關係~
btw 唔知絲打你最近係唔係都有D煩惱 猶豫緊啲野?

枝葉摩挲
光可以喺樹葉間嘅空隙流落嚟
樹幹溫暖而粗糙

有啲期待同好奇XD

多謝咁多位巴打絲打嘅支持
不經不覺都覆左二百幾棵樹
希望今次大家都可以玩得開心, 又認識自己多左啦
雖然今次中間都覆得有D耐, 都多謝咁多位包容

今年嘅解樹就先告一段落, 我地會覆埋未解果D巴絲, 之後就會暫停再收樹啦
下年有機會再見

絲打係一個好重視唔同嘅人際關係嘅人，可能少少變化已經令你會比較敏感同緊張，會慢慢產生好多嘅諗法，都會為你帶來幾多煩惱。絲打係人際關係方面唔錯，都會識到好多人，不過當中就唔係好多人可以同你交心/Support你，所以即使身邊有唔少人但你都會覺得好多嘢都係自己一個去面對，咁多年嚟其實絲打都好勁，自己都撐咗好耐。不過絲打有時都唔好太因為別人而忽略咗自己，都要好好照顧咗自己嘅需要先呀！

絲打係一個平時都會積極主動去認識新朋友嘅人黎嘅, 你嘅人緣都係唔錯咁
不過唔知係咪因爲心入面對自己嘅評價比較低，導致絲打好多時候都會無咩自信，甚至有時會好在意別人對自己嘅看法呢？絲打你自己都係一個幾追求進步嘅人, 你都試緊唔同野去充實自己!! 另外都睇得出絲打可能平時俾人嘅印象係好堅强，但其實心入面都好希望有個人可以俾你喺攰嘅時候可以依靠下。唔知絲打會唔會都想試下主動同身邊信得過嘅人講下自己嘅需要呢？記住唔開心有情緒無問題架，最重要係揾到俾自己發泄嘅出口，唔洗成日收收埋埋~ 都歡迎揾我地傾下計呀

巴打你棵樹好Colourful, 幾有夏天嘅感覺!! 你係個好有目標嘅人，好想做好每一件事，不過同時又好似有D迷惘, 樣樣都想做, 但又唔知應該點樣行好..? 如果有太多野想做, 建議巴打都可以先定有一啲先後次序, 慢慢feel下自己對邊D可以易D掌握同埋自己比較鍾意嘅, 之後先再決定朝住邊個方向發展, 可能就會明確D架!
巴打細個嗰時發生咗啲唔太開心嘅經歷，似乎到依家都仲影響得你好深播... 身邊又有冇人可以同你分擔依啲事呢? 而且巴打你好重視人際關係，好想有人陪，好想有人可以倚靠，但好似巴打你似乎仲搵緊呢個/班人播... 如果巴打想搵人傾下, 都welcome你PM我地傾下架

巴打最近係咪都有唔少煩惱啊？從巴打棵樹都睇得出你都積累左好多焦慮嘅情緒喎, 最近都發生左D意外, 都唔係你planning嘅事? 另外都睇得出巴打對自己都係有要求嘅人黎嘅，但係就比較容易受外界影響，有時都會在意別人的睇法，甚至需要喺人地身上獲得安全感。巴打似乎一方面都想自己有多D空間同自由, 但同時又對自己唔太有信心, 唔太有安全感.. 你都有D野想發揮, 不過有時會有D迷惘同爭扎.. 唔知你有爭扎嘅時候會唔會都搵人傾下架? 有時同人傾下, 可能又會有D新睇法都未定架!!

多謝你啊

Thanks 巴打
現況同經歷都好中

簡單、平凡、一般