[年經] 畫樹 心理測驗了解自己

巴打又唔洗驚, 都係睇左你嘅樹去試下解畫架咋
btw 巴打係驚D咩呀? 宜家搞到我都驚埋一份

大自然 寬敞 休閑

你話我擔心好多野嘛！
做乜驚埋一份

咁巴打最近係咪都好多野煩架?

其實我自己都唔知，多謝關心！

畫得好衰，picture from 行山既畫面

1. 險象環生
2. 安寧
3. 無遺憾

多謝大佬

巴打你內心係個好願意花心機去追求你想要嘅嘢嘅人，不過可惜現實嘅情況又令你覺得好無力，同時亦令你有D迷惘，唔知自己具體應該要點樣做先好。雖然身邊都有D朋友係度，其實有事身邊嘅人都會SUPPORT你，但巴打你都傾向收埋自己，就算有唔開心都好小開口同人講，默默承受。
巴打有時都會諗，會唔會有時過下寧靜而自在嘅生活就算了？ 你都希望有人主動關心下你支持你，但似乎身邊嘅人都無特別好主動咁做? 你安全感都唔太多，有時都因為咁，自己收埋左D心事就算。BTW巴打如果有需要，都不妨同身邊信得過嘅人傾下計呀，或者都可以搵返D力量返黎架

絲打，係你嘅樹度睇到，似乎你都係一個幾積極嘅人，一路以黎成長都有唔少支持。不過絲打最近係咪好多野諗野？唔知係因為D咩而煩惱呢？甚至都因為諗好多野而有D焦慮不安播... 或者你而家仲未係好有明確嘅發展目標，但你對未來都幾有祈盼，呢個已經係一個好好嘅開始。最近你似乎都放左D時間係人際關係上面，如果有煩惱，都不妨同信得過嘅人傾吓，話唔定就會搵到方向㗎。相信只要你有個開放嘅心，慢慢探索自己，未來嘅路上會有好多機會等緊你㗎！

巴打，你嘅樹好得意呀！
巴打你係一個幾有想法嘅人，不過果D想法好多時都未必轉化成行動，或者咁講，巴打對未來其實都唔係話太樂觀，亦唔太有想法，似乎係生活上都有啲沮喪嘅事局限左自己，甚至覺得有啲不忿添。
巴打內心都有D爭扎，過去好似面對左D好大嘅困難（宜家都似乎仲係?），你都好想絕處逢生，開返條路比自己，但其實都唔係咁易...所以你都有D懷疑自己，好似無咩信心去做咁。呢啲想法令你覺得好無奈，又搵唔到情緒嘅出口，好多野都收埋左自己思考。
人生嘅低潮期都真係唔係咁容易度過，但其實你都希望有一日可以證明到自己嘅價值，做到自己想做嘅野！希望巴打你嘅路向慢慢都可以開明返D，如果唔開心嘅話都可以搵我地傾下㗎！

絲打你嘅樹好可愛呀，絲打你係一個對未來幾有希望嘅人，亦一路裝備緊自己去面對未來嘅生活。 不過絲打唔知你過去係唔係有發生過啲咩事，而令你個人都唔算係好有安全感，都希望身邊有人陪伴你，支持你，比到你一啲關顧。你個人都幾有energy，不過你有時都比較收埋自己真實嘅想法，或者你都好在意人地對你嘅睇法同期望，所以你都希望將自己開心嘅一面放出黎。不過絲打如果有唔開心，建議都將自己真實嘅想法同你信得過嘅人講呀，大家坦承啲，可能對大家嘅相處會好啲呢

巴打 你呢棵樹幾有feel wor 巴打你最近會唔會覺得生活有D乏味, 悶悶地呢? 你都係有D歷練嘅人, 你其實都幾有想法, 甚至有啲志氣想好好發展自己嘅事業同人生。 你都算係幾積極去探索自己, 但似乎就未係好有具體嘅方向點先好。 不過巴打你都係一個穩打穩扎嘅人, 你做事都會比較傾向打安全牌, 唔會話太take risk
你份人都算係open, 咩都試下咁, 如果係嘅, 都希望巴打你會搵到你想發展嘅方向啦

巴打, 你嘅樹個feel好似動漫入面D角色呀!!
不過巴打似乎一路以黎都有D野鬱住係心播? 一路成長都唔算話太開心, 甚至係有啲想法係希望自己重頭黎過, 而過往都會有唔少後悔係度? 不過 巴打你似乎對未來都唔係太悲觀, 甚至希望可以絕處逢生, 亦慢慢試緊唔同野, 希望可以比到個機會自己, 我都希望巴打可以搵到自己真正想要嘅野啦。

Hehe多謝你讚我棵樹可愛
真係好準！幾乎講中曬！！！
我真係勁冇安全感，我真係好像有個人會一直係我身邊陪住我。但係我個人又成日收收埋埋，連見社工個陣都係咁，真係唔知點搞好

btw前排我先係隔離心事台講其他人對我嘅期望太大，搞到我壓力好大，咁都被你分析到，你真係好叻好勁！！

最後！多謝你幫我分析我棵樹，辛苦曬你啦