[年經] 畫樹 心理測驗了解自己

巴打似乎對自己都有一定嘅要求，希望自己有一定嘅成就，得到其他人嘅認同。不過巴打現階段好似冇咩目標，唔係好知自己想點咁。巴打會唔會可以訂立吓D細啲既目標俾自己，一步步去發展？或者係現階段做多D嘗試先，再去搵合適自己嘅方向？

巴打你最近會唔會都有啲壓力呀? 好似呢排好多野令你好心煩咁播... 唔知係唔係身邊有啲事令你近排覺得好大壓力，壓力有時甚或都幾影響到情緒添你現時都有啲目標方向想追求，都一路努力緊，但宜家仍然未有好明確嘅結果

巴打似乎都比較少同身邊嘅人傾下心事，即使近排承受住好大嘅壓力都好， 巴打都盡力頂住
巴打如果唔介意，覺得好煩惱嘅時候，都可以同我傾吓㗎

絲打棵樹都真係幾得意喎，比人一種調皮嘅感覺，絲打都係個好有童真嘅人，心裏面對未來都有好多憧憬，不過就似乎未必咁有信心可以完成到一啲目標。絲打不妨都可以試吓將目標分吓優次，focus係一樣嘢先，可能會容易啲達成！ 另外絲打都好著重人際關係，好在意其他人點諗，絲打亦都好想同其他人有好嘅關係，都好想佢哋可以多啲關心下你。絲打有冇試下同身邊嘅人直接表達你嘅諗法呀？有時可能絲打會怕煩到人而唔敢搵人，但其實可能你嘅朋友都未必介意～

巴打，你幅畫望落好特別好有創意呀，睇得出係一筆過咁畫。
但係你依排係咪有嘢煩緊啊？巴打似乎覺得自己只係凡塵中嘅一粒微塵，成日都會看輕自己，但其實你都好想可以做突出嘅嗰個。巴打不妨搵吓自己嘅長處，學習吓先好好欣賞自己！而巴打身邊亦都唔係有太多人可以support到你，如果巴打有啲咩都可以PM我傾吓㗎！

感謝巴打

多謝巴打

全部都講得好啱，我覺得自己最大問題係好多想法，但唔知點樣落地實行

以前我會覺得自己消化咗佢就好，唔使麻煩到人
後來發現溝通好緊要，真係會幫到手，搞清楚自己諗咩

目前努力練習緊表達自己
但打開自己個感覺真係好唔secure

巴打棵樹畫得好有生命力，仲加埋自己嘅身高做高度參考 巴打係一個好有上進心嘅人，對自己嘅要求亦都好高，係一個好自律嘅人嚟，對於自己要做嘅嘢會有一定嘅堅持。巴打亦都係一個諗嘢都比較仔細同現實嘅人，有多啲仔細同可行嘅計劃會令你覺得有多啲安全感。不過現階段巴打應該都未滿足於自己嘅表現，而巴打好似係哩條努力嘅路上都有少少孤軍作戰，好似唔係好多人support自己咁，唔知係咪有機會身邊嘅人都未必好支持巴打你嘅一啲選擇呢？

絲打都應該係一個幾上進同埋活潑嘅女仔，平時人際關係應該都幾好，你都會好照顧身邊嘅人，朋友都覺得你好靠得住。
不過唔知係唔係你都好想比人嘅感覺係好靠得住，可能有時啲行為都會比人覺得有少少aggressive?
同埋可能你相對都會希望有更多嘅自由空間，唔想比一啲嘢限制住你嘅發展，相對可能都係比較有野心啲?
希望你都可以好好咁發揮到你嘅才能去達到你心中嘅目標同高度啦！

絲打最近係唔係都比較多心事同煩惱阿? 似乎呢啲野都困擾住你，令你都有啲焦慮嘅感覺出咗嚟。
絲打都係一個好著重人際關係嘅人，不過似乎同係成長過程當中，都冇咩人support你? 令到你都會渴望同人建立更好嘅人際關係
而且絲打都係一個有上進心嘅人，有追求同埋有遠大嘅志向，目光係比較睇得遠嘅！
不過希望絲打係追求嘅過程當中都要好好照顧自己，有需要既，真係搵身邊信任嘅人傾下啦！

唔知畫入面嗰個係咪巴打你呢？巴打你係個好有責任心嘅人嚟，你都好照顧身邊嘅人，唔知屋企係唔係有啲野都係要你主力take care嘅？一直以黎都辛苦巴打了。 不過巴打唔知係唔係因為都有啲野幾困身，而令你都唔係好有機會思考自己嘅未來呢? 你好多時都係自己默默承受，身邊冇咩人可以幫你處理到啲煩惱同壓力，你其實都希望可以有人比你依靠一下。另外，巴打你最近係咪都擔心緊好多嘢？有時都好多野諗，搞到情緒唔係太好。btw 巴打都不妨試下搵身邊嘅人幫下手呀，唔洗咩都攬哂上身架。 如果唔介意，都可以PM同我地傾下架！

絲打，你幅畫好靚啊，好似講緊個故事咁，比人嘅感覺都好似好可愛咁，但係現實中又好似係相反咁啵..
絲打似乎都係一個好保護自己嘅人，唔會好輕易同人講自己嘅野，亦都唔太會希望人地了解自己太深入嘅野
所以對於一啲唔熟嘅人，你會比人一種好似長滿咗刺嘅感覺
唔想比人咁接近自己
但另外一方面，你又好希望得到安全感，尤其同屋企人嘅關係上你會希望有多啲嘅support，但似乎屋企同你之間嘅關係並未話好好..
唔知係唔係都因為咁，絲打都容易會覺得好灰機
有時成日勉強自己撐住都會好辛苦架！ 有需要時都可以PM我地傾下架

thx

你搞到我好鬼驚
Btw多謝你嘅回覆！