[年經] 畫樹 心理測驗了解自己

絲打似乎最近有啲煩惱咁喎，唔知係咪同將來嘅發展有關㗎呢？睇絲打棵樹，絲打對自己都有啲要求，希望自己有啲成就。但現階段對於將來絲打未係太有方向，亦都對自己唔係好夠信心。 絲打亦都會想得到多啲人嘅關心同支持，不過絲打似乎唔係好多朋友，身邊嘅人都唔係太supportive，我諗有時都令絲打有啲辛苦。如果絲打都未搵到一啲方向，不妨試吓唔同方面嘅野，一方面可以探索吓發展可能性，一方面又可以識吓朋友咁！

巴打係咪讀開數學？對你有少少好奇
睇巴打棵樹，巴打似乎係一個自我保護意識比較強嘅人，平時唔係太輕易相信人，都需要觀察一個人比較耐先會安心同佢建立關係。可能都同巴打係成長過程中身邊都唔係太多人關心你同支援你有關，令你都習慣好多野要自己處理，反而有時要同人相處， 同人夾去處理一啲事嘅話對你會有啲挑戰。有時朋友都唔一定需要多，搵到一兩個志同道合嘅朋友都好足夠，唔知巴打滿唔滿意自己而家嘅狀態呢？

巴打係一個非常有大志嘅人，對自己亦都有高要求，會好希望自己做到啲成績出嚟，得到身邊人嘅一啲認同。而巴打嘅人際關係都唔錯，有好多朋友，而成長過程中屋企人俾你嘅自由度都好大，令你都可以有好多嘗試，我相信巴打你繼續咩都試的話，一定會搵到合適自己嘅發展方向，繼續加油。

巴打應該都係一個好有活力嘅人，成長路上都有好堅強既信念去支持你~
而且都有一啲目標想去實現，而且你都好有信心自己係有能力做得到嘅！
不過似乎係人際方面都好似有遇到一啲狀況，感覺上好似有一啲野限制咗你去同人發展關係，唔知係唔係都因為你本身個人可能比較著重需要安全感多啲？
唔知對於人際關係方面係唔係都比較多野諗.. 或者容易都會比較多嘢焦慮架？

絲打都應該係一個比較重視安全感嘅人，都好著重想同人建立關係同埋維繫。而且對於自己嘅生活上都會想追求一啲唔同嘅成就，同時都會好渴望有自由嘅空間。
不過似乎都有一啲過往唔開心嘅事仲係影響住你，所以可能都係會有少少焦慮嘅感覺?
唔知身邊有冇人可以陪你傾下計呢都?

絲打你係一個幾隨心率性嘅人, 你都算係能力面對一啲未知之數, 亦比較ready去面對挑戰
不過亦因為你份人比較隨性, 有時面對一啲轉變時你會變得無咩方向, 唔太知道自己想點而變得迷惘, 亦比較少主動去為自己探索一啲新方向
絲打近來個狀態好似都OK, 但如果都想比D突破自己, 都可以試下一啲新興趣/體驗, 話唔埋會有啲新發現架

巴打你好呀, 你畫得好有心機呀!!
睇你嘅樹, 見到巴打你身邊都幾多朋友, 你都係一個好可靠嘅人, 所以身邊朋友都幾樂於搵你傾下計傾下心事
不過唔知巴打最近係咪面對緊一啲轉變或者挑戰而令你有D壓力? 果個轉變有時都會令你諗好多野, 你都比較傾向收埋自己嘅想法, 好爭扎, 唔知自己會唔會做錯決定而失去左啲野?
巴打你有時都未必對自己好有信心, 安全感都麻麻地.. 或者巴打你如果有煩惱, 都可以同身邊朋友傾下, 或者同我地傾下都得呀!

勁中，辛苦晒巴打

絲打 如果要你用3個字形容你嘅樹, 會係啲咩呀?

多謝巴打
對自己有要求同無乜信心都好中想得到關心同支持都係不過其實自己應該都算係多朋友 好熟嘅都有十零個 只係我成日會覺得好似佢地未必會好主動關心我有時都會冧可能係我太忙冷落咗佢地所以呢啲關係嘅野都係雙向不過我都知道佢地都好珍惜我呢個朋友 就好似我都好開心有佢地咁

可能係我成日都會擔心自己係咪其實無乜朋友 所以反映咗喺幅畫度 好奇想知係邊部分睇得出

巨大
危險
帥氣

茂盛,粗壯,翠綠

寧靜，幸福，和平
麻煩曬，希望唔好介意我啲小學雞畫風