唔知你真心咁諗定假膠,不過照覆下。
第一,即使係 quadratic 或者 basic calculus 咪照樣 apply 到我講嘅嘢
你一開始係學公式,學點解條公式係咁,人手做夠練習學識咗咪用計數機。
第二,year 1 學完寫 paper?大部分寫到屎咁撚樣
睇都覺得傷眼。唔好話 year 1,有啲 PhD 寫出嚟嘅嘢都係不通前文後理。攝取大量資料然後過濾同埋整合,本身就係學習過程嘅第一步,喺過程中你會慢慢加深對相關知識嘅記憶,到你需要用嘅時候就可以喺腦海入面揾返相應嘅嘢,去講返俾人聽又好,去做一啲創新嘅嘢又好。吸收咗嘅嘢係你自己,唔係話無咗 chatgpt 你就企咗喺到乜都唔識。
啱啱講到話要「講返俾人聽」,呢個正正就係對你知識嘅測試,能唔能夠好精簡而有條理地教識其他人你學咗嘅嘢。而寫文章就係考驗你去structure 知識嘅能力。寫呢啲文章唔需要追求好艱深嘅文法或者句式,而係clarity。所以唔駛喺到拋咩語言系咩中英文系出嚟講。
其實可以好 organize 咁教人呢個能力並唔係一啲 trivial 嘅嘢黎,大家中學大學遇過幾多垃圾老師就知。唔單止係文字上,呢樣能力係會延伸到你去做 presentation,去話俾人聽一啲 idea 嘅時候能唔能夠令人地明白你想講乜,能唔能夠 impress 到人。
我嘅立場好明確,喺學習階段係唔應該用呢啲tools去代勞去bypass你個學習過程,但出到黎做嘢你中意用咪用。