上回講到結果佢哋都俾人請離開~
月月就好爽咁~飛揚就慘啲~成身都係紅酒~
都話咗只係唔理飛揚感受㗎啦~
唉是旦啦...
月月話要去貓貓Cafe傾返頭先個Job喎~
明知飛揚係不受貓貓歡迎人物都要去~
又係勁多貓貓黐住月月~連Ca姐都有貓貓玩~
其實啲貓貓係黐女仔㗎囉~
佢哋三個繼續邊食邊飲邊傾公事邊玩貓貓(佢哋兩個女仔玩...飛揚冇份...)
要傾嘅都差唔多傾晒...細節都有好好咁傾過...
阿月就再三提點:「咁大家就以我哋頭先所得出嘅總結返去寫返份詳細報告喇喎~」
「嗯嗯~」Jessica都好積極咁點點頭~
阿月碌碌部電話:「喺Deadline前大家都要再一齊坐低傾一次先去同個客匯報...」
Jessica都仲係好積極咁點點頭:「明白~」
「咁好啦...」阿月點點頭,「嚟緊我同飛揚就係要去同個客匯報...會帶埋你去...份報告Send咗俾你~你睇睇同埋聽聽我哋點傾法~」
Jessica又好積極咁點點頭:「好~」
望到Jessica個積極樣...真係幾吸引...
嗱嗱嗱飛揚所指嘅吸引唔係話鍾意嗰種吸引!
係...對工作嘅熱誠...
飛揚唔知大家有冇同一種感覺...工作得耐...係會磨蝕...係會漏氣...
總係提唔起幹勁...就算係放完假返嚟又好...加人工都好...
之但係...當有一個青春嘅新人突然喺你面前出現...呢份幹勁...又好似重新燃點起嚟!
痴線啦...邊有咁易燃點吖?純粹覺得青春真好~Jessica好Charm姐~
跟住嘅劇情發展又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~