上回講到都唔知欣欣係唔係反叛期~
飛揚煮好早餐~欣欣就啱啱好梳洗完撐檯腳~
欣欣好鍾意食飛揚煮嘅嘢~咁都好吖~煩少樣~
食飽欣欣就換校服~俾飛揚𥄫到裸背喎!
做乜唔閂門吖?細個都唔係咁嘅!
又奇怪喎!欣欣細個好小心!越大越唔小心咁嘅?
唔知咁多!飛揚都係洗埋啲碗碟先!
欣欣換好校服就著埋對婆仔鞋返學~
飛揚都準備返工!
揸車去老地方等月月~
月月又遲到喇!都唔止!仲要嫌飛揚揸得慢!
『你咁叻你揸喇...』朝朝都要飛揚做柴可夫...
「好吖~你唔驚咪俾我揸囉~」阿月得得戚戚~
『唉怕咗你...你呢個左右不分嘅人...都唔知個牌點考返嚟㗎...』飛揚都係安安全全咁揸好...
「咩左右不分吖?」阿月冷眼打量住飛揚~
『舉隻左手嚟睇吓...』飛揚打左燈...
「係~」阿月舉起隻右手~
『舉隻右手嚟睇吓...』見冇車先Cut線...
「係~」阿月舉起隻左手~
『咁咪左右不分囉...』
「你理我吖~總之就俾我考到個牌啦~」
『你呢啲咪就係馬路炸彈囉...』
「咩馬路炸彈吖?」
『噢Sorry...一定唔係馬路炸彈啦...係馬路核彈啦...』
「專心揸車啦咁多嘢講!」
跟住嘅劇情發展又會係點呢?
準備出文