上回講到飛揚就係睇咗Ca姐一眼,點知佢醒唔醒目姐?
感覺吖!用感覺!
飛揚冇乜感唔感覺㗎喎...講返今日嘅Job先啦~
今日都唔係好多嘢做,唔好嚇親新人吖嘛~
傾好就搵埋Ca姐出發!
飛揚揸車~好吖~無謂俾月月手車嚇親新人吖嘛~
Ca姐都坐得好斯文~
然後月月就爆晒飛揚啲私隱俾Ca姐聽~
咁㗎...不過算啦~飛揚可以專心揸車~
然後就去咖啡店坐低傾傾今個Job啲細節~
阿月就開始講:「今次我哋係要去一間餐廳做神秘顧客。」
Jessica好認真咁點點頭:「嗯嗯!」
『嗯...』原來係去餐廳。
阿月一邊講,碌碌手機:「而今次我哋除咗一般要注意嘅事項...仲有要測試突發事故嘅應變反應...詳情我Send咗俾大家~」
飛揚同Jessica都拎部電話出嚟睇...
阿月Send咗條Link俾佢哋...
撳入去睇...係一份表...都係平時嗰啲一間餐廳應該要做嘅評核...之外...備註仲有...寫住突發事故嘅應變反應...
『喂...都冇寫乜嘢突發事故嘅?』咁鬼知咩突發事故吖?
「我而家咪講囉!」阿月谷一谷塊面豬登!「就係...我哋做情侶~」
做...情侶?
『我...』飛揚指一指自己,再指指阿月,『同你?』
「嗯~」阿月點點頭,「我同你吖~」
『咁...』飛揚打量住Jessica,『Jessica呢?』
跟住嘅劇情發展又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~