上回講到原來Ca姐係要演第三者!
月月咁有諗頭,去做作家吖笨~
唔好理,照住演啦!
一去到目餐廳,月月同Ca姐都好入戲~係飛揚遲鈍啲~
當佢哋三個坐低冇幾耐,月月就嚟料喇!
月月潑到飛揚成面紅酒!
玩到咁大吖?好吖!就同你玩大佢!
飛揚就用言語反擊!
啲顧客都望咗幾眼!
『男人係咁㗎啦~全世界嘅男人都睇身材㗎啦~好好好唔睇身材喇~人哋都細過你幾年啦~」
「我睇起上嚟仲細過佢囉好唔好?!」
『睇起上嚟吖嘛~睇起上嚟就唔係真㗎啦~男人就係鍾意啲年輕㗎啦~大幾年就大幾年冇得呃㗎~」
「你...」
就喺呢個時候,終於有兩個侍應行過嚟...
其中一個男侍應帶住尷尬而不失禮貌嘅微笑:「唔好意思...唔好意思...你哋咁會影響到其實顧客...」
阿月怒視住個男侍應:「你同我收聲!我未鬧完!」
個男侍應嚇到呆咗!
阿月一手拎起餐檯上把餐刀!指住飛揚:「你呢個渣男!」
飛揚都立即喺餐檯上拎起把叉:『你識我嗰日已經係咁㗎啦!』
「我識你嗰日你話過愛我一生一世!」
『我識你嗰日話愛你一生一世姐~冇話一生一世只愛你一個吖嘛~』
阿月二話不說就拎起支紅酒就向住我瘋狂咁潑!
『喂喂喂!嘩喂!』
「小姐唔好咁...小姐你冷靜啲先...小姐...小姐...」
「我好冷靜!」
『喂喂喂你冷靜就唔好再潑啦!!!』
跟住嘅劇情發展又會係點呢?
準備出文