【冇甜】《與未成年學生妹同居生活之日常》(1)

同阿月埋埋張單後，行出壽司店，佢就拎部電話出嚟撳兩撳：「啱啱好～去睇戲咯～」

『睇戲？想睇咩戲吖？』呢期有乜好戲睇？

我淨係知有套動漫...

「呢套呢套～」阿月隊部電話埋嚟俾我睇～

我望住阿月手中部電話...個Mon就顯示住...

『半夜三更返屋企...聽到有聲勿回頭？！』睇個名都知係...

「係吖～聽講好好睇～」阿月點晒頭咁～

『鬼片嚟㗎喎！』乜咁玩吖？

「係吖～鬼片吖～」阿月仲係點晒頭咁～

『喂鬼片喎！你最驚睇鬼片㗎喎！』阿月天不怕地不怕，就係怕睇鬼片！

「邊係吖？」阿月又成條小蟹柳咁～

『仲話唔係？你次次睇完鬼片都驚到唔敢自己一個返屋企！仲要發晒惡夢咁！』唔好扮喎！呃我唔到㗎喎！

「邊有咁誇吖？」阿月唔理我，繼續撳撳部電話～

我冷眼打量住阿月...

「買咗飛喇～買咗飛喇～而家過去就差唔多入得場喇！」阿月就拉住我嚟行～

睇鬼片...睇鬼片...

俾阿月拉住咁行，好快就嚟到戲院。

阿月第一時間都係走去買嘢食先。

「唔該我想要嗰個乜乜乜二人套餐～」阿月指住個牌～

靚女服務員撳撳部機：「一個情深深意濃濃不論心中甚至眼中只有對方情侶二人套餐？」

「嗯～」阿月點點頭，俾埋錢～

靚女服務員收咗錢就去撳可樂～鏟爆谷～

『而家啲名真係長到...』長到我都已經唔記得個餐叫乜名...

「唔滿意吖？下次接到佢哋Job咪同佢哋講聲囉～」阿月又好似冇乜所謂咁～

『關事㗎咩？』呢樣好似唔關㗎喎...

「提議咋嘛～咪當額外嘅意見囉～」阿月繼續冇乜所謂咁～

『你話事啦...你係大佬吖嘛～我唔係～』我做細嘅～

「講呢啲～不過講開又講...」阿月諗一諗...

個靚女服務員就將兩杯可樂同鴛鴦爆谷就放到嚟我哋面前。

『咩吖？講開又講咩吖？』我拎杯可樂同爆谷。

「都係睇完戲先講～」阿月就拎埋杯可樂～

神神秘秘咁...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 01－平凡生活] PART 03

我同阿月一入到去坐低，佢就食爆谷～飲可樂～

我就趁住仲有燈就望望四周...

已經將[Day 01－平凡生活] PART 02 Upload上Penana

你upload快咗好多喎
平時19分先會upload完

熟手咗吖嘛