【冇甜】《與未成年學生妹同居生活之日常》(1)

上回講到飛揚同阿月執好唔要嘅嘢，就去捐～
原來係一間將捐贈返嚟嘅垃圾賣俾有需要嘅人～
咁都幾好喎～你眼中嘅垃圾，其實係人哋眼中嘅寶物～
阿月同飛揚仲簽咗個大名～
不過飛揚就有啲驚驚喇...
咁揚...會唔會俾人拉㗎？
車～個名飛揚簽咋嘛～係都拉飛揚啦～
又陰咗鑊！
阿月見飛揚幫咗佢，就請佢上屋企食飯～
買完鹽同貓貓罐罐，阿月就親自煎牛扒～
飛揚就梗係趁有機會，就𥄫𥄫阿月個賢妻樣啦～
有牛扒，當然要有埋紅酒～
飛揚賺晒啦～
其實都係想陪阿月飲姐～
斟埋兩杯紅酒後，飛揚同阿月就開餐。
『嗯！真係得喎！』七成熟～啱啱好～淨落鹽已經好好味～牛扒嘅鮮味出晒嚟～
「梗係～你唔記得我以前家政攞S㗎？」阿月得得戚戚咁？
『有S㗎咩？打機吖？仲有我係話塊扒得咋～』叻唔切～
「塊扒得都要煮得好先得㗎～」阿月死唔忿氣～
『煎塊牛扒有幾難吖？』你當飛揚唔識吖？
「啱啱好七成熟就難啦～太熟你又咬唔到～太生你又食唔到～」阿月半帶恥笑咁打量住飛揚～
『我吖？我食唔到吖？食唔到嗰個好似係你喎！上次個Job有人話五成OK！結果返到屋企又屙又嘔到九彩咁喎！』
「好明顯係間嘢唔掂啦！我份Report有寫㗎！唉做我哋呢行就係要帶埋條命接Job～」
『明明就係你個胃唔受得啦～又寫埋落Report度～誤導吖～』
「嗱講還講唔好拎我嘅專業嚟講吖！」
『係係係...你最專業...』
「食啦咁多嘢講～」
『係係係...食啦～』
跟住嘅劇情發展又會係點呢？



準備出文