【冇甜】《與未成年學生妹同居生活之日常》(1)

1001 回覆
15 Like 4 Dislike
2023-01-18 18:25:35
唔會係鄰居掛
2023-01-18 18:32:03
2023-01-18 18:35:35
2023-01-18 18:40:18
2023-01-18 18:45:05
2023-01-18 18:52:14
2023-01-18 18:53:19
2023-01-18 18:53:38
2023-01-18 18:54:14
唔通用津貼買又話你知咩
2023-01-18 18:54:24
就有文啦
2023-01-18 18:55:07
我住大西北貧民區喎
2023-01-18 18:55:32
2023-01-18 18:55:43
就有文啦
2023-01-18 18:56:10
2023-01-18 18:56:37
2023-01-18 18:57:12
2023-01-18 18:58:34
2023-01-18 18:59:40
2023-01-18 19:00:03

上回講到飛揚就同阿月行街街~
阿月揀衫都會問飛揚意見~
但飛揚件件都話唔掂~童裝就啱阿月喇~
玩嘢吖?!
其實阿月一直都長唔大咁嘅樣~唔會老~黑山老妖嚟㗎!
問起因咩事甩拖,阿月話唔夾喎~
唔夾又一齊?
唔一齊過點知夾唔夾吖?好似飛揚咁咩~早婚又離婚~
唔係阿月,飛揚會早婚?
都話咗佢哋唔可以一齊咯!一齊會世界末日㗎!係唔係想分開得遠啲吖?
唔係唔係...而家可以同阿月做Friend都唔錯~
睇唔啱啲衫,就話去食嘢喎~
咁啱飛揚都覺得餓喇喎~
阿月冇問飛揚意見,就話去食壽司~仲拎埋飛~
不過又啱飛揚胃口喎~
佢哋兩個仲邊使講出口㗎~
去到仲要等陣,咁就企喺度等等~
在場唔少男仔都𥄫住阿月...一睇就知大部份都係細個阿月...好多好多...十幾歲嘅中學雞...
佢哋睇唔出阿月大過佢哋成十年都唔出奇嘅~都話咗阿月仲係成個𡃁妹仔咁嘅樣~著返件校服話佢係學生妹都冇人質疑~
而且又好難怪有咁多男仔𥄫阿月嘅~
由第一日開學,阿月嘅出現根本就係震撼彈~
佢哋成間學校同級又好~師兄定大師兄都好~個個都俾阿月嘅美貌吸引到神魂顛倒~
咁多年嘅中學生涯,阿月都係佢哋嘅校花!
冇一個女同學可以超越佢~從來都冇~就算要比都冇得比~
唔係佢哋學校冇出過靚女~佢哋學校年年都有靚女入讀~就係冇一個比得上阿月~
到而家...阿月都仲係咁有魅力...
同阿月再企多一陣,佢都冇為意有幾多男仔望住佢...唔在乎啲男仔嘅目光...
然後突然...阿月挨喺飛揚身邊!
跟住嘅劇情發展又會係點呢?




準備出文

2023-01-18 19:00:18
阿月半挨半企咁,我就成碌木咁企定定俾佢借力。

而同一時間,我就聞到由阿月身上散發出嚟嘅...香味...

係熟悉嘅香味...阿月獨有嘅香味...

聞咗咁多年,我以為已經習慣...習慣到冇咗刺激...但原來唔係...

阿月靜靜咁半挨住我借力,半企咁等...好似冇乜嘢咁...

阿月呢個女仔都算係咁~話口未完,就有一對情侶個女仔等到唔耐煩,黑晒面咁走咗去。

而個男朋友就死晒狗咁跟住喺佢女朋友身後...

識阿月咁耐,佢份人都冇乜皮四~最起碼一定唔會亂發囉~

不過可能係做Friend嘅關係啦~做情侶又未必會咁好老脾~
2023-01-18 19:00:32
2023-01-18 19:01:18
「喂到我哋喇~到我哋喇~」阿月好興奮咁拉住我行入去~

入到去坐喺二人世界卡位...

『好彩都唔使等好耐姐~』我就拎啲筷子杯杯碟碟抹幾抹~

「都話咗差唔多㗎啦~」阿月就拎部電話出嚟撳撳撳撳撳撳~

小蟹柳~

阿月手速超快咁撳撳撳撳撳撳部電話~

『喂...你點嘢食都唔使問我想食乜㗎?』我都仲未抹好晒啲餐具...

「得㗎啦~信我啦~我哋之間仲使乜問嚟問去㗎?」阿月撳多兩撳,就放返低部電話,「搞掂~」

『係係...你話係就係啦...』我都抹好晒啲餐具,仲斟埋茶。
2023-01-18 19:02:52
啲嘢食一路嚟...一碟兩件~我同阿月就一人一件~

嚟親啲嘢都真係好啱我胃口~

或者真係...識咗太耐啦~

『喂!你對蝦敏感㗎!』我立即夾走阿月對筷子之間隻蝦刺身!

「嘻~唔記得咗添~」阿月伸伸脷~

『又唔記得...次次都唔記得...自己嘅嘢都唔好好記住...』呢個阿月真係...

「一隻半隻咋嘛~」阿月又唔緊唔緊咁~

『一隻半隻都夠死啦!你上次呀!就係同你男朋友去飲吖!飲都好似冇嘢咁!自己返到屋企就敏感發作!抖唔到氣!仲要叫我送你去醫院!』又唔係唔知自己嘅敏感有幾嚴重!
2023-01-18 19:04:00
「係喇係喇~有你吖嘛~」阿月仲係大安旨意咁~

『喂萬一我嚟唔切又或者你打唔切俾我就暈咗咁點算吖?死人㗎!』自己啲嘢都唔著緊啲嘅...

「邊有咁多萬一吖~」阿月又大安旨意咁想夾隻蝦刺身~

『喂都話咗你對蝦敏感咯!仲夾?!』

「一時唔記得吖嘛~」

『你可唔可以好好咁記住?』

「有你幫我記吖嘛~」

同阿月一路食,我就一路睇住佢。

佢自己又唔記自己對乜嘢有敏感...佢張敏感清單又鬼咁長...都係我幫佢記住...

唉...總係令我好唔放心...

不過阿月又唔係樣樣都令人咁唔放心嘅...
2023-01-18 19:05:00
阿月大啖大啖咁飲埋罐可樂:「嗄~飽晒~」

其實阿月都幾食得...

佢嘅食量同我嘅食量可以話係一模一樣...

我一個大男人都食到好飽...阿月人仔細細咁...又食極都唔肥咁...

呢啲就係天生麗質難自棄?

「食飽喇嘛?食飽就行喇~」阿月拎個銀包出嚟~

『嗯...』我都拎個銀包...

「唔使啦~呢餐我嘅~」阿月拎咗啲錢,又拎起埋張單~

『邊好意思吖~』

「尋日嗰餐你出咗啦嘛~今餐咪我囉~」阿月就起身行~

『多謝喇喎咁~』
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞