【冇甜】《與未成年學生妹同居生活之日常》(1)

1001 回覆
15 Like 4 Dislike
2023-01-17 19:00:24
[Day 01-平凡生活] PART 02

同阿月行街,行入大型連鎖時裝店睇睇衫褲鞋襪。

「喂呢件點睇?」阿月拎起件花花吊帶連身長裙放喺自己身上。

『花成咁眼都花...』我擰擰頭...

「咁...呢件呢?」阿月又拎起件韓Tee放喺自己身上。

『太過成熟啦...』我又擰擰頭...

「吓...咁都成熟?咁呢條褲呢?」阿月又拎起條牛仔褲。

『咁長...』我又擰擰頭...

「呢樣又唔啱...嗰樣又唔啱...」阿月冷眼打量我一眼,就繼續行。

『喂呢件啦~呢件襯你吖~』我隨手就拎起件童裝加大碼連身裙~
2023-01-17 19:01:40
講開又講,我好似未形容阿月係點嘅樣。

阿月嘅身型都係瘦底又細細粒粒...個樣又細個...仲要剪個平陰...髮長過膊...真係成個𡃁妹仔咁...

佢同欣欣拍埋一齊邊個𡃁妹仔啲?絕對係阿月囉~(欣欣係瘦底高挑囉~)

由中學第一眼見到阿月,佢就好似一直都冇變過...冇長大過咁...

長唔大...又唔老...成廿五歲人都仲係好似啲十五六歲嘅𡃁妹仔咁...黑山老妖嚟...

「玩嘢吖?!」阿月一手搶走我手上件童裝加大碼連身裙!放返好!

『喂真係襯你㗎喎~』我唔係玩㗎喎~

「襯你個頭!」阿月冇我咁好氣,擰擰頭繼續邊行邊睇。
2023-01-17 19:03:46
『喂...講返先啦...咩唔夾姐?點唔夾法姐?唔夾又一齊嘅?』我都係想問返阿月做乜咁快散。

「唔試過一齊又點知唔夾呢?試過發現唔夾咪散囉~乜都要試㗎嘛~唔試點知啱唔啱~唔啱就要盡早離場~邊似得你咁咁早結婚吖?結果唔啱又要離婚~」阿月不忘要串我兩句~

『嘩你仲好講喎...唔係因為你?』呢個阿月...真係不負責任㗎!

「咪話咗我哋唔可以一齊囉...」阿月邊睇衫又邊隨口噏。

「係係係~你啲夢境吖嘛~」又講...

「都話唔係夢境!係過去咁多個時空嘅影像!我哋都係帶住相同嘅命運...每次都會發生差唔多嘅事...唔會有太大嘅轉變...只可以盡量避免...但總會遇上差唔多嘅事...」阿月一邊睇衫,又一邊一輪嘴好似唔經大腦咁講出口。

『得得得得...咁我哋有冇一次係一齊過先?』唔會咁多次都係得個吉掛?

「有...仲唔止一次添...只係最終都係導致世界末日咋嘛...其實而家我哋咁近已經好危險㗎喇!你係咪想要分開遠啲?」阿月冷眼打量住我。

『唔係唔係...』阿月真係痴線㗎喎...

「唔係就唔好再諗我哋可唔可以喺埋一齊喇...」阿月就繼續睇衫。

『好好...』不過點都好啦...我又唔想同阿月分開...

只要好似而家咁...喺佢身邊...我都好滿足...
2023-01-17 19:04:59
行咗一陣,阿月都係買唔到衫。(怪我俾唔到意見佢囉...)

「喂有啲餓,去食嘢咯~」阿月就拎部電話出嚟撳撳。

『好...我都有啲餓~食乜吖?』唔講唔覺,一講就想食啲嘢。

「壽司吖~拎咗位喇~而家行過去應該差唔多~」阿月俾我睇睇佢部電話,然後又袋返好。

『嘩...你真係唔使問我意見㗎喎...』自己話晒事...

「我哋之間邊使開口問㗎?行啦~」阿月就拉住我行~

又...又講得啱...

我同阿月...好多時都唔使開口問...不論係私底下...定係工作上...佢都會幫我諗好...決定好...

我就只要跟住做就得...

而且每樣嘢都總係好稱心滿意...恰到好處...

總之就係好似為我度身訂造...天衣無縫...天作之合...

我喺度噏緊乜?

乜都好啦~總之我哋就好似...命中注定咁啦~
2023-01-17 19:06:55
行到去壽司店門口,見到都有好多人喺度等緊...

「唔......」阿月睇一睇,「仲未到添...」

『少有喎~竟然你都會失預算?』難得難得~

「差少少咋嘛...等多陣就到我哋啦...」阿月谷起塊面豬登~

『係係~等多陣~』

我哋就企喺度等...又睇睇身邊嘅人...

唔少都係情侶...一對對年輕情侶...

有啲就企到呆晒咁...有啲就個女朋友黑晒面發緊皮四咁...又有啲個男朋友就四圍望...望住阿月...

在場唔少男仔都𥄫住阿月...一睇就知大部份都係細個阿月...好多好多...十幾歲嘅中學雞...
2023-01-17 19:08:18
佢哋睇唔出阿月大過佢哋成十年都唔出奇嘅~都話咗阿月仲係成個𡃁妹仔咁嘅樣~著返件校服話佢係學生妹都冇人質疑~

而且又好難怪有咁多男仔𥄫阿月嘅~

由第一日開學,阿月嘅出現根本就係震撼彈~

我哋成間學校同級又好~師兄定大師兄都好~個個都俾阿月嘅美貌吸引到神魂顛倒~

咁多年嘅中學生涯,阿月都係我哋嘅校花!

冇一個女同學可以超越佢~從來都冇~就算要比都冇得比~

唔係我哋學校冇出過靚女~我哋學校年年都有靚女入讀~就係冇一個比得上阿月~

到而家...阿月都仲係咁有魅力...

同阿月再企多一陣,佢都冇為意有幾多男仔望住佢...唔在乎啲男仔嘅目光...

然後突然...阿月挨喺我身邊!
2023-01-17 19:08:51



今晚出完

鍾意嘅朋友記得Like同Share俾身邊嘅朋友一齊追~

有咩記得喺下面留言講~我會一一回覆~




三句預告

阿月半挨半企咁,我就成碌木咁企定定俾佢借力。

而同一時間,我就聞到由阿月身上散發出嚟嘅...香味...

係熟悉嘅香味...阿月獨有嘅香味...
2023-01-17 19:09:07
2023-01-17 19:12:29
2023-01-17 19:12:50
2023-01-17 19:15:05
高才鳩有啲諗法
2023-01-17 20:02:03
2023-01-17 22:23:31
2023-01-17 22:26:38
2023-01-17 22:36:36
2023-01-17 22:49:18
2023-01-17 23:35:18
呀月勾引飛揚
2023-01-17 23:57:58
2023-01-17 23:58:20
感情好姐
2023-01-18 00:14:28
捱落男人道喎,一間大肚點算
2023-01-18 00:20:57
拖手先會㗎
2023-01-18 00:21:57
掂到就會
2023-01-18 00:31:08
我會負責任㗎
2023-01-18 00:34:24
家計會喺嗰邊
好行唔送
2023-01-18 00:39:45
養大個女之後又可以有嘢搞
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞