【冇甜】《與未成年學生妹同居生活之日常》(1)

上回講到阿月挨喺飛揚身邊！
其實阿月呢個女仔都算係咁～冇乜脾氣～（可能因為做Friend姐～）
等多一陣就入得去食～
阿月又自把自為咁點嘢食～不過點親都真係啱飛揚口味～
佢哋兩個之間，仲使乜講出口吖～
不過阿月又唔記得自己對蝦有敏感！
成日都係咁！要飛揚提！
阿月又大安旨意飛揚照顧佢喎～
唉...冇計～
飲飽食醉，阿月埋單～
出到嚟話想睇戲～仲要睇鬼片！
阿月最驚鬼㗎喎！
呢頭都未講完，阿月就已經買咗飛～
去到戲院就梗係買嘢食先啦～
「唔該我想要嗰個乜乜乜二人套餐～」阿月指住個牌～
靚女服務員撳撳部機：「一個情深深意濃濃不論心中甚至眼中只有對方情侶二人套餐？」
「嗯～」阿月點點頭，俾埋錢～
靚女服務員收咗錢就去撳可樂～鏟爆谷～
『而家啲名真係長到...』長到飛揚都已經唔記得個餐叫乜名...
「唔滿意吖？下次接到佢哋Job咪同佢哋講聲囉～」阿月又好似冇乜所謂咁～
『關事㗎咩？』呢樣好似唔關㗎喎...
「提議咋嘛～咪當額外嘅意見囉～」阿月繼續冇乜所謂咁～
『你話事啦...你係大佬吖嘛～我唔係～』飛揚做細嘅～
「講呢啲～不過講開又講...」阿月諗一諗...
個靚女服務員就將兩杯可樂同鴛鴦爆谷就放到嚟佢哋面前。
『咩吖？講開又講咩吖？』飛揚拎杯可樂同爆谷。
「都係睇完戲先講～」阿月就拎埋杯可樂～
神神秘秘咁...
跟住嘅劇情發展又會係點呢？



準備出文