【冇甜】《與未成年學生妹同居生活之日常》(1)

1001 回覆
16 Like 5 Dislike
2023-01-25 18:31:03
2023-01-25 18:31:17
2023-01-25 18:32:10
2023-01-25 18:53:40
2023-01-25 18:58:43
等文
2023-01-25 18:59:08
2023-01-25 18:59:19
就有文
2023-01-25 19:00:10

上回講到飛揚同阿月飲飽食醉都差唔多~
係吖~再飲飛揚就面紅㗎喇~
阿月都拎埋嘢~
唔使送喎~
邊係送飛揚?係去搵貓貓咋~一齊啦~
飛揚同阿月就去市鎮公園搵貓貓~
啲貓貓見到阿月就勁開心~但飛揚行近啲就炸晒毛~
飛揚係不受貓貓歡迎人物~
啲貓貓咁樣好危㗎!阿月明顯立心不良就咁黐!飛揚好人嚟㗎嘛!就炸晒毛!
阿月冇飛揚咁好氣~繼續同貓貓玩~
阿月又問起賣藝點喎~
佢個死仔好黐佢老婆身囉!
連欣欣都知吖!日日揸定架車去學校接老婆!
真係睇唔出~
同貓貓玩夠,就返屋企~
飛揚都送阿月到樓下,臨走都係依依不捨...
星期一就有得見啦~
返到屋企俾欣欣話佢同阿月出街!
但飛揚買定聽日飛喎~
欣欣見飛揚咁有佢心,開心返晒~
欣欣沖完涼都要飛揚幫佢吹頭~
好有愛吖~
吹完頭仲話要按摩~
咁親密㗎咩?
『好喇好喇~按完喇~』唔好再摸...摸到又諗返起今朝發夢...
「咁就到我幫你按膊~」欣欣就跪到去飛揚背後~幫佢按膊~
真係唔好諗咁多喇...飛揚同欣欣...雖然冇血緣...但都叫做父女吖!
父女...父女...不倫㗎!!!
等到欣欣幫飛揚按多幾下...
『好喇好喇~夜喇快啲瞓喇~唔係聽日冇精神行街㗎喇~』唔好諗...唔好諗...
「嗯~你都早啲抖喇~」欣欣就準備開被~
『嗯~早抖~』飛揚都行返出欣欣間房。
「飛揚早抖~」
唔好諗喇...唔好諗喇...再諗壞腦㗎喇...
TO BE CONTINUED
跟住嘅劇情發展又會係點呢?




準備出文

2023-01-25 19:00:25
[Day 02-共聚天倫] PART 01

「收皮啦陳飛揚~」阿月一個轉身,條白色校裙輕輕飄起。

『喂!羅海月!』我想追上前...

阿月頭也不回咁背住我揮揮手,步出校門口。

走得咁快...

賣藝就行到嚟我身邊,搭一搭我膊頭:「喂~進展成點姐?」

『吓?咩進展吖?』望住阿月嘅背影越行越遠...

賣藝冇嚟正經咁打量住我:「同阿月進展成點吖?」

『咪又係咁...』冇乜點吖...
2023-01-25 19:01:34
「即係點吖?」賣藝一頭問號咁,「我見你哋兩個都好似玩得好埋,應該好事近啦~」

『吓?唔知喎...係玩得埋...但又唔覺有乜好事喎...』總係好似...

「點會吖?玩得埋都冇好事?」賣藝又一頭問號咁打量住我。

『我同你夠玩得埋啦...』我冷眼打量住賣藝,『有乜好事吖又?』

「屌講呢啲~飛機啦~」賣藝一手推開我!

『屌...又係你講先嘅...』就喺呢個時候...

一個女Prefect咁啱就喺我哋身邊經過:「同學!唔准講粗口吖!」

賣藝立即向女Prefect沙冧:「Sorry~Sorry~」

女Prefect見賣藝咁靚仔...就面紅紅咁點點頭:「下次唔好喇...」

賣藝仲要扮晒乖乖仔:「知道知道~」

女Prefect面紅紅咁行咗去...
2023-01-25 19:04:07
『你就威啦~連女Prefect都冧得掂~』果然係四大校草~

「屌講呢啲~」賣藝望住女Prefect越行越遠,「講返你啦~同阿月玩得咁埋,冇理由冇嘢嘅~」

『唉我都唔知有冇嘢喎...係玩得埋...但...都唔知佢知唔知我鍾意佢...』一講到呢點就頭都爆...

即係呢...好似兄弟姊妹咁囉...

「唔會吖化?」賣藝一面難以置信,「唔係一早就知你鍾意佢㗎喇咩?」

『點解咁講呢?』我又好奇喇...

「你個死變態上堂都成日用啲變態目光眼甘甘咁𥄫住人...盲嘅都睇得出啦!」賣藝恥笑住我~

『有幾變態姐...係用欣賞嘅目光...』講到我成個變態佬望住啲獵物咁...
2023-01-25 19:05:20
講到我成個變態佬望住啲獵物咁..

2023-01-25 19:05:41
「唔知你~阿月冇理由Feel唔到有個變態佬成日𥄫住自己嘅~」賣藝成個偵探樣咁點點頭。

『喂唔好再講到我咁變態好喎...』嬲㗎喇...

「而且...」賣藝認真咁諗一諗,「仲應該一早就知道...」

『一早就知道?』

「嗯...」賣藝好認真咁點點頭,「比起一早...更早...」

比起一早...更早...

望住遠處...已經行到遠一遠嘅阿月...快要消失喺我眼前之時...

阿月嘅背影慢慢變成灰色...

整個空間開始碎裂...

掉落...粉碎...飛散...
2023-01-25 19:06:31
當我再次有返意識之時...再次睜開雙眼之時...

『阿...月...一...』早...早...係發...發夢?

我定一定神...諗一諗...

係發夢...點解又...夢見以前...

中學時期...都已經...十年有多...

十年又過去...

我瞓喺床上諗一諗...又呆一呆...抖多一陣...

『都係起身啦~』

我一出房望望欣欣房門...仲係閂埋咗...

係仲未醒?
2023-01-25 19:08:00
我就行去打開欣欣房門...偷偷望一望...就望到欣欣仲瞓喺床上...瞓緊覺...

果然仲未醒呢...不過唔緊要啦~時間尚早~俾佢瞓多陣先啦~

我閂返埋道門,就去梳洗先。

或者你哋會覺得好奇,點解我可以咁隨便就打開欣欣房門。

點講好呢...欣欣係唔會鎖門...又唔係一開始係咁...

一開始同欣欣一齊住,佢係會鎖門。

咁都好正常~細細個嘅欣欣都好識保護自己~

但奇怪嘅係...欣欣大大吓就算喺房都唔會閂埋門...夜晚瞓覺又唔會鎖門...

佢話方便我叫佢起身返學喎...

或者真係啦~不過又奇怪嘅係...佢媽咪未搬走之前...欣欣都係照鎖門瞓...佢媽咪都係敲門叫佢起身咋嘛...
2023-01-25 19:09:02
梳洗完就煮個早餐先。

喺我煮緊早餐嘅期間...

「早晨吖飛揚...嗚吖~」欣欣就行到嚟我身後,打咗個喊露~

『早吖~醒喇?』我回頭一望睡眼惺忪嘅欣欣,『梳洗先啦~梳洗完有早餐食~』

「嗯嗯...」欣欣就捽住眼咁行去浴室。

簡單咁煮咗兩份西式早餐...(煎腸煎火腿煎雙蛋~)

放好兩碟早餐,欣欣就梳洗完行返出嚟。

欣欣精神晒咁望住份早餐拍拍手:「又有早餐食~」

『我怕你食到厭咋~』我放好埋啲餐具。

「唔會啦~」欣欣就急不可耐咁坐低~準備開餐~

我都坐低,就同欣欣...撐檯腳?

是旦啦~我詞窮唔識點形容~大家明就得喇~
2023-01-25 19:09:48
欣欣都食到津津樂道咁~

我就邊食...邊打量住欣欣...

欣欣察覺到我打量住佢,就眼仔碌碌咁問:「做咩吖?」

『冇...冇吖...好奇你點解食得咁開心咋嘛...』其實我都真係幾好奇...

「有你煮嘢俾我食就開心㗎啦~」欣欣繼續笑住咁食條腸仔~

『真係唔會厭㗎咩?』成日都食差唔多嘅嘢...

「都話唔會咯~」欣欣帶住微笑擰擰頭~

『唔覺得好悶㗎咩?』其實...我係一個好悶嘅人...

「唔會吖~」欣欣仲係帶住微笑擰擰頭~
2023-01-25 19:10:45
『後生細女唔係鍾意啲...新鮮啲...新奇啲...日日新款㗎咩?』我一面好奇咁打量住欣欣...

「你又講到你自己咁老咁喇~」欣欣咬住隻叉打量住我~

『吓?』我又講到?

唔係講囉...係真係老囉...

「你都唔係大我好多咋嘛~」欣欣咬住隻叉諗諗~

『吓?仲唔多吖?十年喎...』三年一個Gap...三個Gap㗎喇喎...

「十年咋嘛~」欣欣繼續咬住隻叉諗諗~

『十年喎...』都係嗰句...三年一個Gap...三個Gap㗎喇喎...

「十年係最有愛嘅距離~」欣欣甜絲絲咁點點頭~

『吓?』十年係...最有愛嘅距離?!
2023-01-25 19:11:08



今晚出完

鍾意嘅朋友記得Like同Share俾身邊嘅朋友一齊追~

有咩記得喺下面留言講~我會一一回覆~




三句預告

我當堂嚇咗嚇!

聽到欣欣咁講...十年...最有愛...

「嗯?」欣欣打量住我,「你冇聽過咩?」
2023-01-25 19:12:07
係欣賞嘅目光
2023-01-25 19:13:07
2023-01-25 19:20:07
Wing Wing就戀兄
欣欣就戀父
唔怪得阿月話都係差唔多嘅命運
2023-01-25 22:17:15
2023-01-25 22:23:13
2023-01-25 22:24:21
月月有劇本
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞