Mirror已經變左商業化既怪物

唔講出意外後, 講意外之前, 其實Mirror已經變左怪物. 阿Mo個意外, 只不過係病入膏肓既一個訊號.

Mirror壟斷整個娛樂圈產業, 所有創作都俾佢地公司用錢買起, 再夾硬套落12 個人身上面, 成個創意市場單一化. 所有音樂, 電影, 廣告都係佢地把聲, 已經變到唔可以百花齊放. 佢地壟斷娛樂產業, 有幾多細公司或做獨立創作既會有機會俾人見到.

另外就係創作質素, 佢地d 歌同電影好多都係短時間創作, 為既係要用最快時間攞市場主導. 係, 佢地的確做到, 但趕工既創作永遠都唔夠人花幾年時間創作既做得好. 而且因為佢地太多商業合作, 限制左佢地創作既多樣化特性, 成隊既創作都係大眾口味.所有音樂電影都變曬商業性質, 根本做唔出好既產品.

佢地公司力捧Mirror係合理, 都想像到, 個公司目標係整一隊香港BTS出黎, 又放曬風叫姜濤講咩要衝出亞洲. 所有佢地講既說話, 都係佢地公司寫出黎既講稿. 有人會覺得Mirror好成功, 但間公司只不過係將韓國果套搬過黎, 但人地韓國係講緊由10幾歲訓練, 講緊既係系統軍訓式訓練, 唔係參加完一個比賽就推12 個新人出新歌既訓練.

的確, 香港整到一隊Mirror望落好勁, 但香港社會本身已經無咩文化產業, 係嚴重商業化既社會, 當一隊有名氣既新組合彈出, 如果公司沒有好好保護佢地, 佢地就會俾商業社會同化加侵蝕. 講得簡單d, 佢地拍廣告用盡佢地既精神, 仲點有能力去打好根底. 就算佢地勤力捱得, 佢地既精神同心理狀態根本做唔到好既創作.

Mirror既出現, 本意幾好, 但奈何香港係嚴重商業化社會, 佢最尾只會變左幫商業產業壟斷香港社會藝術文化. 唔講包裝佢地既人唔識音樂, 講佢地既粉絲都唔係個個有質素. 當所有野夾埋, 就會變成宜家隔兩日又anson lo請大家搭巴士, 又姜濤請大家搭電車.佢地公司已經唔止要佢地壟斷娛樂產業, 仲要壟斷日常生活. 呢個係一間公司用錢建立既極致marketing. 原則上無錯, 市民有幾日免費巴士電車, 但講到尾都唔係健康既社會. 已經唔講果幾日免費搭車既marketing活動令粉絲聚集阻礙同影響其他人.

到最尾, 慢慢Mirror已經俾商業社會控制, 投資同市場價值愈變愈大, 令佢慢慢變左怪獸. 根本失去控制咁變大, 最尾個演唱會就已經係最尾既一個訊號, 而如果呢個怪獸仲喺到, 唔同訊號只會一個接一個出現. 演歌會單野, 由真係出左事到宜家, 間公司無諗住俾佢地停, 因為已經唔到佢地控制, 講緊佢地手頭簽左既天文數字商業合作既合約, 佢地根本無辦法解散Mirror, 當間公司俾錢去控制住, Mirror佢地就已經變左好危險既怪獸, 而間公司一定會用唔同方法迫佢地繼續表演. 呢個對12 個人係好危險.

個人對12 個人唔反感, 都覺得佢地好幾勁, 但佢地呢個公司係一間要搵錢既公司, 而且係一間喺商業化社會失去左控制既公司, 當佢地繼續利用12 個人去搵錢, 娛樂文化產業就只會喺未來出現更多林林總總既風浪.

如果唔停, 根本番唔到轉頭.

重點係歌又唱唔好,舞又跳唔齊,本身唔勁,PR舖天蓋地吹到好勁,D人又信,呢樣先最危險即係任何野都可以俾輿論帶風向,可能大部份鏡粉都係水軍,最驚係中共控制香港試驗品,令到個個無哂自由意志,一味唱好

2018年選完出黎其實除左姜先生之外，無人識咁濟
講得出12個人既名我都話你叻
去到2019年之後，大約8-9月左右，突然造神
去到有人係各大平台話佢地係黃，有良心
之後就一堆應援，之後成班香港人跟風追星

似唔似豬肉威呢D手法?
其實熟悉李生既手法都知佢一向玩開小本利大，個陣由盈科動力吞香港電訊仲要可以食埋成個數碼港同埋貝沙灣
以前有跟過魯生係黃頁做就知，佢係要用最細成本去拎最大利益
個陣D手法，我諗有做過黃頁一定好清楚
詳情唔多講，簡單一句，仆街就總結到

好啦，先唔好講ViuTV本身係國務院旗下
本身李生根本就唔係黃，魯生亦唔係黃，花姐又唔係黃，成班PR就吹到佢地係黃，又乜又物，結果好似Sunny 咁，上左神台

不斷拍廣告，不斷幫老電賺錢，印象中有人話2021年，佢地幫老電賺左超過10億
講緊係純利
而且有D用佢地名開既鋪頭，原來背後亦係某個人做金主
呢D係計唔到
當然，佢地個12+4個係有得賺一D，但大份一定係某金主賺

其實仲有好多野係唔見得光，差別在於爆出黎會唔會比人估到邊個係爆料者

由廿年前已經知道，網上世界吹幾下已經可以可以玩哂
記唔記得2003年，香港可能變成疫埠？
之後成班師奶短短兩三個鐘可以搶哂全香港D鹽?

有d長無逐句睇
好似無講到嗰12個有d出嚟無耐已經有自己品牌賣帽賣衫

講你就講啦

你講得都岩, 喺商業化社會, 中共可以好容易用錢控制隊野, 佢地好醒, 有時侯識企喺後面令人察覺唔到.

本身有一隊偶像俾我地追捧係幾好, 但如果我地俾成隊偶像控制, 而班偶像又俾商業社會控制, 而最後控制商業社會既係中共班人, 咁就好危險.

你細心睇下其實已經講左唔少

背後有金主借佢地名開鋪頭

係喎, 呢個都癲.

我都想知有咩唔見得光ching 講d 唔講d

Ching 好似知好多野

要最唔見得光果d

唔見得光就用錢用權力掩蓋哂啦仲俾我地呢d蟻民知咩

TLDR嘥
其實都係可以各有各玩嘅啫
鏡有鏡班死忠狂捧 到一個接近annoying嘅地步
(要講嘅Kpop班乜鳩army其實咪又咁上下)
小眾偏鋒好似serreni王宛之都有佢自己生存活間&死忠
當條女紅到鏡咁 又會變調做唔返自己㗎啦

Mirror係一班marketing 從業員

咁都係, 愈多人知佢地愈難搵錢.

師兄同老電幾有淵源咁wo

Mirror好似係為左拍廣告整出黎既組合,
廣告永遠大過佢地音樂.

公司想攞完市場再做音樂, 就已經已經變曬質.
而且一定唔會好似林家謙張敬軒果d 咁.

連古巨基都要抆車邊同edan 合作就知出事.
電影又係咁, 幾套都為左多人睇同多人講, 夾硬又搵一兩個鏡仔上去客串.

似

AK嘅歌其實唔商業化

放心，我本人無做過老電既工作
但太多朋友係老電做過，爆左勁多野出黎

呢班人老是常出現
已經去到令人煩厭地步
去到邊都見到

商業手法, 你唔想煩厭就要中意佢地.
迫到你肯中意為止.