數碼暴龍 絕境求生#3

上個回覆講咗啦
Pokémon 世界第一IP
遊戲賣2000萬
動畫係遊戲宣傳片
動畫佢要做調整點都會高招過一隻喺日本已經等於就瓜
等緊自然死亡嘅IP數碼暴龍
但係Pokémon都要去cut cost代表咩？🤔

GAME 數量唔係話多就搵到錢
你計計數數碼暴龍成個嘅營收有冇Pokémon 嘅零頭？

手機Game 紅唔起就係得2個方向做
一係就送石搏返頭客，一係就渣埋淨低嗰浸
Pokémon 係Pokémon 佢要搵返頭客容易到不得了
但你睇老任龍伴自己都做到執，尾期咪又係無限送石，咁又救唔救得返？
我想講嘅係如果唔係Pokémon 呢個IP，Master呢隻Game單論遊戲質素喺頭半年可能已經煙消雲散

關於Digimon食相 嗰Part 我基本都認同
如果你有玩過新嗰堆暴龍卡嘅話個食相一樣都係咁難睇
咁同嗰堆手機Game一樣根本就唔會入場玩

可能我冇玩過信長原版
我覺得還可以

但我有好捧Digimon？
打稻草人？

任記cut cost代表識計數
鑽珍remake玩懷舊冇新嘢
自然唔駛乜本
唔好忘記佢同期試新嘢出open world阿爾宙斯
佢啲budget就哂呢邊好正路
仲要成個企劃阿爾宙斯個故仔同鑽珍係相連
你想玩新嘅又得
想懷舊又得
食哂新舊兩個market而又設定相通又統一
嗰期個個研究xx係未竹蘭祖先嗰啲
成個youtube都討論兩邊劇情有乜相關
呢啲未就係有planning又高招又識budget control 囉

你成日倒因為果
數碼暴龍冇錢未就係bandai下下殺雞取卵又食相難睇又冇計劃好
未窮囉
呢頭播完01 remake玩熱血
呢排就播02 新故宣傳片
然後就整隻完全冇關係嘅game玩毆打大耳獸死幾個人扮黑暗九唔搭八
小圓咁黑暗玩反差都已經係11年前嘅動畫
而家2022年喇個故仔死下人就話重大突破笑死人啦
你笑pokemon master笑阿爾宙斯笑劍盾得四百幾隻話少寵
望下而家隻digimon game乜春樣有幾多隻寵？
衰啲講佢抄阿爾宙斯出到隻open world捉digimon就算得人哋六七成質素
啲digimon 犯賤死忠已經感動到跪响到啦
不過digimon就係連咁簡單嘅嘢都抄唔到囉

ching分析得好啜核

哭撚左

信長好玩 但係係暗榮整所以無出落去

突破呢家野，就唔係話佢係行業上既突破，單純講緊佢自己系列作品上既突破啦
係咁好笑架啦，數碼呢個IP就係悲劇到2022年既今日，玩黑暗風格都仲可以稱為突破，因為佢過往幾十年都冇
係笨大手既IP，有邊個係好下場而唔係俾人屌
講真，真係死忠既，仲邊會拎咩pokemon來比，大家都知咩事

btw，遊戲同劇場版果到，隻game delay 4年，我諗本來就冇打算做任何電影相關既宣傳作用，九唔塔八好合理

都唔明有乜好嘈，畢嬲digimon 都係粉絲向小眾野，今次都講明主要係睇故事，戰棋只係一個額外可有可無的野，覺得啱的咪買，覺得唔啱，or齋睇故事唔值3舊幾水呢個價咪唔買隻game

仲要成日搵pkm同digimon黎比，要咁比不如拎pkm同gta比仲好啦，pkm依家仲差10年前隻gta5 成9條街啊。

本身兩者制作公司，團隊，背景，定位，方向性所有野都完全唔同，根本就冇可比性。

加上萬代從來都唔重視自己品牌ip就係人都知，如果唔係當年就唔會整到隻俾人屌上天的new Gundam breaker 出黎

就呢隻絕境求生黎講，我唔會話佢係一隻好game，睇番訪談亦知道今次係制作人今次只係繼物語／world系列之外嘗試的一個新可能性，所以佢一開始講埋俾你聽70%故事，30%遊戲，就係想俾定個心理準備你唔好當佢係一隻game玩，當睇下電子小說就算

而就故仔黎緊，雖然黑暗向係依家呢個年代已經唔係d咩好突出的野，但你見到除咗黑暗背景外，在其他方面例如人物背景塑造，性格，形象，同拍擋角色之間的互補關係，都好鮮明同強烈，所以成個故仔睇上去就會俾人一種好強的代入感，死個時亦會有種觸動心情的感覺，而唔係好似tri咁整個芽心出黎發癲就算，咁就証明至少就故事同人物塑造黎講，制作人係有心諗過度過，唔係hea 9你，而且即使面臨制作團隊解散，延期4年都仲要堅持，就知佢係有心想完成呢個作品，只係無咁的能力，而且對住的仲要係萬代呢d完全唔重視個ip的公司（食屎啦bandai）

所以如果夾梗拉埋pkm黎緊，點解我會對pkm咁高要求，而係因為pkm明明有能力整好game出黎，公司亦都重視個ip，有齊天時地利，但就要偏偏要打住出正作名號，整d如珍鑽復刻／lets go pikachu呢d垃圾野黎hea 9玩家，個下先至讓人最扯火

第10章卡住左
剩一個漏斗但係冇哂人
有冇人求下我

新嘗試都要睇下work唔work
呢次又吸唔到新玩家
舊粉絲一半都媽媽聲
個團隊一句努力大哂咩
仲要同佢existing sell 緊01 02 續作remake完全冇關係
呢啲未失敗囉

鑽珍係hea
但食正我女友呢啲細個玩過條水
我女友就係話唔想系統太複雜難上手
呢類重製啱哂佢
衰啲講digimon出返ps隻重製我哋未又乖乖哋課
但bandai就係同fans鬥氣咁連呢樣都唔肯
你吹得佢漲？
如果老任真係咁hea就唔會同期出阿爾宙斯
人哋就係深知懷舊廚同想試新嘢嘅兩班人黎
叫我女友玩阿爾宙斯佢會話頭都暈佢都係去玩返鑽珍
你叫我玩鑽珍我就覺玩阿爾宙斯好過
啲成本調哂去新game好正路
人哋好清楚個市場定位
如果真係hea駛鬼同期出多隻阿爾宙斯俾你？
老任叻就叻在兩邊故事相通
所以我女友冇玩阿爾宙斯見我玩都識話呢個係邊個祖先
我見佢玩鑽珍都可以搭嗲話知隻寵勁
你玩是旦一邊都有興趣知
呢啲未就係ip企劃
响呢方面點解唔比較得？

反正笨大都放棄醫療架啦，踩多幾腳都係唔會反彈

死忠唔係睇唔到缺點，而係個IP仲存在到仲未死已經算好了...

咁好多野你唔試又點知唔work? 今次你可以話佢失敗，但至少俾人睇到製作團隊（係指個團隊，唔係指垃圾bandai）係有心有能力寫個好的故事，咁就會令人對佢下一作的故事性有期待（雖然個ip一日俾bandai控住都難有起色）

至於老任係啊個策略係成功啊，佢見策略成功咁佢以後咪繼續係咁hea出，將來bw，xy都係係咁意hd化甚至唔出就算，仲想玩到好似以前心金魂銀，oras呢d高質復刻？下世啦

仲有，你話佢有兩個作品要出，把d資源撥哂去阿爾宙斯好正常，咁借問點解佢唔把兩個作品分開出？俾多d時間兩個都整好佢？

咪又係因為老任要賺最多的錢，夾梗把兩隻game擺埋一齊差唔多時間出，GF整唔黎，結果咪搞到鑽珍只能外包出去hea出，講真佢市場定位好唔好關我鬼事，我只係想玩好game，依家錢佢就賺盡，但作品就繼續hea，仲點叫人期待？

個個地圖入一次睇睇

傻啦以bandai啲企劃模式
成功都可以整走你成隊team
今次衰咗呢隊team仲有下次？

三線就嚟完, 戰鬥同系統就唔講鳥, 只想講下劇情
佢想學FSN咁但太遲分支分完後有D位都係好重覆
一係就早D分支三線令劇情變化大D
一係就合埋做一條線每章好感度最低果個out好似killer咁
反正仲有個true end點都要玩二周目
而家咁整兩頭唔到岸

吹到老任CUT BUDGET 識計數真係傾唔埋冷
同埋師兄好鍾意拎業界最TOP嘅去同呢隻去比
立場唔同呢啲都唔想再搏

數碼暴龍冇錢係BANDAI殺雞取卵
實際係BANDAI每一個IP 都殺雞取卵
機戰啲食相一樣都係咁撚難睇
點解?因為BANDAI就係一間賣模型都夠發達嘅閪公司
而同時數碼暴龍呢個IP喺日本已經過氣咗廿年
絆喺中港台咁收得，口碑咁好
喺日本先收得嗰3億，出唔到圈外
呢樣野同佢殺雞取卵有冇關係?
佢係殺雞取卵
同時亦已經過氣
而但係就有一堆中港台嘅人覺得DIGIMON 應該要有同POKEMON 一樣嘅高度
冇錯嘅，如果佢長期KEEP到隻6成質素DIGIMON嘅話可能有嘅
呢個IP 所謂嘅死忠係咪每一個系列都有買曬
手錶、遊戲、動畫、TCG
每一樣都礙於BANDAI嘅ON9 MARKETING 同埋質素參差
好似CHING咁中過伏都唔會再上當
咁呢個IP又點維持?
同年回憶真係可以當飯食?

所以返返黎絕地求生
佢得出黎嘅銷量同遊戲嘅質素係相對應架喎
依家絕境求生都唔係講緊係一隻賣過百萬嘅3A打作
係真係同人水準，STEAM 賣緊十幾萬套
你用一個賣十幾萬套嘅作品去同一個賣兩千萬嘅作品去比較
問佢點解做唔到二千萬嘅質素...
我可以答你實際上佢就係冇可能做到
因為BANDAI 就係搵咗幾條友去揼呢個PROJECT

以佢嘅成本出黎嘅呢隻GAME，得出黎嘅野叫合格
我諗呢樣野我可以代表呢隻GAME玩爆咗幾週嘅人去講
而唔係講緊佢同POKEMON 比叫做合格
你拎小圓呢啲業界最高規格嘅作品去踩呢隻GAME真係有意思?
咁我都知寒蟬早廿年已經喺度啦
咁大個劇本係前面絕境求生都抄得唔好

實際上其實我唔覺得我講嘅野同師兄你講嘅野完全係講唔埋冷
只係POKEMON可以用黎比較嘅對象我諗係真係得POKEMON自己

前個PO我都講過數碼暴龍廿年黎從來都冇一個玩得人嘅PVP戰鬥系統
因此你真係要搵佢去同其他遊戲做比較，其實反而係搵PERSONA比較合適
點樣救得起數碼暴龍其實你知我知單眼佬都知，係BANDAI唔撚知
甚至係知都唔會想做
因為就算係賺錢，都賺得唔夠多唔夠暴利
佢都唔會想整
唔好講整到阿爾宙斯咁啦
淨係依家呢隻GAME，遊戲UI 唔好咁柒，
過場比返幾段動畫CG唔好得兩格LIVE2D算數
比多兩幅畫FANS都已經收貨

完全同意
原來已經有人幫我覆咗

我自己爆咗紅綠線
以我認知，
其實紅綠黃線除咗最尾個BOSS同ENDING有唔同之外
個差異真係好細

紅線玩完我唔覺得太差
但係綠線玩完我又唔覺得好好
因為講都尾佢都係


咁然後隻GAME又要人由頭開始玩起
所有對話飛曬一個END可能都要4,5個鐘時間
就係為咗嗰半個鐘對白
呢啲位我覺得冇乜必要
如果佢個系統好少少已經唔駛咁戇居

阿古獸講野未?

https://youtu.be/1pcXKJeR7u0
吹得太大

個個都話4年做D咁既野出黎
又唔諗下佢中間換組重做

仲走去同仆街芒比,你會唔會話機戰高達唔知幾年做D咁既野出黎

想捉黃金劍獅獸，但得6%機率係咪注定失敗

唔使捉啦，用獅子獸黎升

捉成熟期之後搵熊仔獸同小丑皇嗰啲拎石板進仲快手