【愛情】《青梅竹馬真係最難追》ＩＩ／／你有無試過鐘意一個自己以為好了解既人?

hb 🎂

生日快樂

生日快樂

生日快樂！

生日快樂!!

生日快樂

生日快樂

生日快樂

生日快樂
會唔會有生日大放送啊

生日快樂呀

生日快樂

生日快樂～

生日快樂
但都要出文架

生日快樂

樓主生日快樂

生日快樂

生日快樂！

生日快樂🎂

生日快樂

生日快樂巴打

樓豬生日快樂

第十章：沒有無緣無故的愛恨

［神犬勇救大學生 箭俠飛斧力敵死神搶命］

跌打鋪的鐵師傅垂下手上的報紙，老花眼鏡後的視線看看標題，然後又看看正上半身赤裸伏在床上，被藥料敷著肩膊和背肌的我。

在那時接住植嵐晨和做cpr時拉傷了肩膊的我，在當晚已痛到覺得差點想把手斬下來，而這是英姐介紹的跌打師傅。

「就係你？」他說。

「係…我。」我說。

「……今次唔收你錢。」他放下報紙。

「下？點好意思。」

「英姐介紹唔緊要喇，咪撚婆媽。」

「咁多謝晒，鐵師傅。」

「你講多次個魚腩盃係幾時？」他走到百子櫃抽出一格後不知在抽屜中弄著甚麼。

「下星期。」

感到鐵師傅的視線斜眼看過來。

「練習係無可能，死左條心佢。」他掏出一根香煙塞到口中，他點煙還是用火柴，是個相當老派的人。

和這兒裝潢一樣呢，倒不知說是懷古還是破舊。

「嗄…但係…」

「唔使但係喇，你想成世變獨臂刀既就去練啦。」

獨臂刀，好像是老電影，他用字也很老派。

「但係如果我完全唔練習就落場既話…」

「安全第一，健康第二，友誼第三，比賽第四。」鐵師傅靠在窗邊抽煙，我現在才發現他連煙也是手捲的，是很仔細用紙捲起一縷煙絲的那種，恐怕就是剛剛他在百子櫃那邊弄。

「……」我不甘地垂下了頭埋回床上。

「你依加唔練，專心養傷既話，好彩既下星期你或者都可以上場。」鐵師傅說，「但如果你監硬去練習既，後果自負，唔好話我無勸過你，不過就算上場你要用輕D既弓。」

「下，咁樣手感會唔同晒…」

鐵師傅怒瞪我一眼。

「好啦…」我投降說，畢竟皮膚黝黑的他加上身上的紋身那一瞪還是挺有氣勢的，待會兒開罪他被他追加正骨便不好了。

「放心呀鐵師傅。」我身邊的童桐說，「我唔會俾佢踩入箭會一步，我同箭會老板娘講左，列左呀遊入黑名單，佢上到去都唔會有門口入。」

「嗚…」我哭喪著臉說。

「你都攞晒彩，上晒報紙啦。」鐵師傅說，「個比賽贏唔贏有咩緊要。」

但如果我說其實是我害到植嵐晨自殺呢？所以根本不是甚麼攞彩，簡直是良心有愧，如果我還有這東西。

當然我不會說。

我打算餘生都不說。

「咁我都算運動員既，身為運動員…」

「運動員更加要識放棄。」鐵師傅，「盲目堅持，只會自取滅亡。」

他語氣中似乎有點噓唏。

放棄嗎…我的話，除了童桐吧。

「我會好好睇住佢架啦，鐵師傅。」童桐說。

「有個咁好既青梅竹馬，執到喇你。」

我明明還期待他會誤伯我和童桐是男女朋友呢？！

「你…點知我地係…青梅竹馬？」我問。

「一睇就知唔係情侶。」鐵師傅說。

可惡！

鐵師傅看到我的失望樣子，冷笑一下轉身再抽一口煙後把煙蒂扔到窗外花槽上的鐵罐中，使那座小山丘又再高了一點點。

「小妹妹，講多次點敷。」

童桐拿出手機看著剛剛的筆記：「每晚敷一次，每次一個鐘，要全程伏係度，敷緊個時唔準掂，一個鐘後要清走所有藥膏，然後用熱水抹乾淨。之後只可以自然風乾，但唔可以用風，用冷氣吹，然後乾晒先可以著衫，呢段時間唔可以做粗重野，包括放狗…」

「岩啦，依加我再示範一次點樣刮走藥膏，留心睇。」

「唔該師傅…係呢我可唔可拍片？」

「隨便你，唔好影到我個樣就得。」鐵師傅說。

弄了一大輪後，鐵師傅把一大堆藥和敷料交給童桐。正當我下意識打算幫她拿著時…

「喂！！」鐵師傅把手縮回，「屌你呀？！咪講左唔準做粗重野！」

「我黎得啦呀遊。」童桐拿過，馬上被重量把身子拖彎了背。

「唔重咩？」看樣子就很重，我心疼童桐。

「少少啫，我無你想像中咁潺囉。」童桐說，「你唔好拎。」

「…幫你地叫左的士，我請。」鐵師傅看樣子挺欣賞我們，剛剛只收了診金，然後開了一大堆藥分文不收，還預先幫我們叫的士，他其實是口硬心軟的那種？

「多…多謝鐵師傅！」

「快Ｄ扯，蝕大本呀今日，無拎漏野啦嘛？下個！」

是的，他就是那種人。

「無漏野喇，拜拜！」

身後的鐵師傅關上門。

「呀遊你行到？」這是唐樓單位的跌打醫館，所以沒有升降機。

「我又唔係傷腳。」我說。

「嗯，咁你慢慢行，小心D。」

「你岩岩拍個條片Send俾我阿媽啦，同埋筆記。」我說，「佢應該唔識。」

「唔使啦。」

「嗄？」

童桐這時在樓梯上超車，我沒法看到她的表情：「我…我之後每晚都過黎幫你敷，咁咪唔使煩到…姨姨，我仲可以同亞基里斯玩，嗯，仲睇埋之前個堆戲…」

她一口氣摔出一堆理由，不過每晚能看到她我也樂見。

而且童桐這樣一邊亂說理由一邊說服自己的樣子也很可愛。

某個晚上，又回到網吧當中。

「如果係咁，至少你係童桐面前型左一次啊。」情聖說，「好感度應該都升唔少。」

「………」Beta不發一言，他的IPAD屏幕上看著一個…日曆？行事曆？

「一次就話巧合啫。」他低頭說。

「Beta？」我問。

「咁未好囉。」他關掉IPAD,「唔使客氣。」

因為事件始終是由Beta仔細搜集植嵐晨的往事，選擇最大破壞力的人或渠道，最後由我引爆，始終是不見得光的事，所以我和他在情聖面前也沒有說這件事。

「唔使客氣？」情聖，「你有份幫手架,Beta？」

我連忙說：「個時係佢屋企搵唔到佢下落，係Beta建議去睇佢電腦。」

「哦…」

「依加童桐每晚黎同你敷藥？」Beta凝重地問我。

「係啊，同你講真係好撚爽，有次佢沖完涼先過黎搵我，個陣洗頭水沐浴露香味真係正到癲，好在我係伏係梳發度，有幾次佢直頭放個枕頭係佢大脾上面叫我扒落去，嘩屌！我幾撚驚自己唔小心連梳發都隊穿…」

「你你你你冷靜Ｄ先！」Beta的眼鏡倒映著剛剛的日曆，「佢大概係幾點過黎？」

「下？你問黎做咩？」

「無，問下啫。」他說，「有無試過十二點後？」

「佢早就訓左啦十二點，佢話女仔要早訓唔係好易殘。」

「……即係無啦。」Beta說，「祝你比賽趕得切。」

超生硬的話題轉換。

「唉我唔想去了…依加咁唔練兩星期，都唔知會輸到幾難睇，仲要係童桐面前輸，唉慘啦咁次…」我掩著臉說。

「如果佢真係鐘意你，又點會介意一場比賽輸贏。」情聖說。

「咁贏左追點都好過輸左追既。」我搖頭否認。

「我反而覺得你依加係佢面前救左佢咁重視既朋友，應該加左唔少分，係時候乘勝追擊。」

「追擊？」我放下手說。

這時，桌面上除了我們每人面前的一支手工啤外多了一個小錦盒。

上面是一串法文，是某個珠寶牌子的名字，一看就知超貴。

這尺寸是…戒指，鍊墜之類？

「我問你，你幾乎最恨拍拖，最想有女朋友？」

「大時大節掛。」每年聖誕我連下樓放狗也沒動力，連樓下公園也是一對對狗男…一對對情侶，不過最後還是被亞基瘋狂抓門逼著我下去，人家牽著女朋友，我牽著亞基…

「點解係節日？」

「因為一街都係情侶囉，你想講咩呀。」我有點煩躁。

「無錯！就係呢種心理！連平時話唔會結婚，唔鐘意小朋友既女，係見到人靚靚著婚紗，扔花球個時，一定都會心郁郁！呢個就係兩性關係專家口中所謂既伴娘效應！！同你大時大節見到情侶會特別灰，特別恨拍拖一樣！去婚禮個時特別想有男朋友，有關係，有結婚既機會！呢個就係伴娘效應！」

「邊個專家。」我問。

（陳立正）

「我。」情聖答。

「挑！！」我竟然差點信了。

「Any肥，簡單黎講就係我要做老襯結婚了。」他打開那個小錦盒，入面是一隻戒指。

「下？！咁突然？！」

「背後…有原因，總之，我的確係想同佢過人世，我亦自問玩夠。」情聖說，「你就當係我最後獻身黎幫你追童桐，我可以安排佢做伴娘之類，你做我兄弟，利用伴娘效應激發童桐既空虛寂寞凍，絕對係百利而無一害。」

我想起那天我離去後Beta和情聖私下在聊不知甚麼，大概就是和這件事有關。

似乎我和他都分別私下自己找Beta。

「我諗童桐咁貪玩都應該得既…」我說。

「咁你問下佢先。」他收回錦盒說。

結果當然毫無疑問地，事後童桐一口答應了這件事；就說我了解她，至少我自認為是這樣。

［你仲唔返黎敷藥？］童桐傳來訊息。

［返了］

當然回去躺童桐大腿比起在這兒和兩個男生來得愉快，所以我別過了二人站起來回去。在路上的時候我順便搜尋了甚麼鬼伴娘效應，果然是情聖隨便亂掰出來。

但似乎有點說服力。

從網吧下樓時，我以為自己巧遇了一個人。

「唷，呀遊。」

是很久不見的妍妍。

「妍妍？咁岩既？」

「唔係咁岩。」妍妍走過來，「我係專登搵你。」

「係…咩事？」

她把嘴巴湊到我耳邊，以耳語向我說：「植嵐晨，係你害到佢咁係咪？好似係叫核彈？」

本周雙倍出文完成
多謝大家既祝福

睇嚟毒撚beta打飛機途中懷疑dora係童桐，對下時間就確定了
情聖攪出人命？