【愛情】《青梅竹馬真係最難追》ＩＩ／／你有無試過鐘意一個自己以為好了解既人?

留名G chi

如果係咁我會要求驗尿

B

唔想故仔女主角係做呢D野
但係呢個故就係講緊每個人都有唔可以比人知既過去

B

B

A

推

b la 唔但值得喺細比賽？食禁藥

咁妍妍

樓豬未寫出黎姐 我估同佢點解可以隨意切換模式有關

可能之前果D都唔係男朋友，係金主

睇下冷面比個咩理由解釋童桐點解要賣

係喎 冷面仔塊面依家點？

唔通係間諜

第十一章：唯獨不可以輸給自己
（奧義解放．魚腩盃半決賽）

他看著我，我看著他；鏡中的我看著我，我看著鏡中的自己。

再三確保廁所的門被我從內反鎖後，我掏出了那藥瓶。

「呀遊，記住，射箭既目的唔係要射中靶心。」

英姐當年的教導在腦中響起。

「而係要做到所謂既“立正”，立係動詞，唔係叫你企直個人，而係樹立正念，立下正道，姿勢要正，心念要正，存心要正。」

只要服下這藥，我便能勝利了。

我將會以勝利者的姿態站在童桐面前。

「射箭同其他運動最唔同既地方，就係對手只有自己一個，換句話說我地並唔係要戰勝對手。」

張弓後的英姐，合上了眼。

完全沒在，也沒打算瞄準。

一直在箭會玩手機，看影片的她也很少全神貫注地瞄準。

「並非要戰勝對手，而係唯獨唔可以輸俾自己。」

「咔！」響片回彈發出聲音。

「嗖！！～嗡！」箭矢離弦飛出。

「咚！！」靶心被貫穿。

我打開藥瓶，倒出畢索洛爾。

「…哼。」

然後扔到馬桶中，按下沖水掣，馬上藥丸消失在漩渦的盡頭。

破釜沉舟？不，我沒這樣大的決心，只是…可能我真的如童桐和其他人所說，我除了射箭之外甚麼也不懂。

也就是說，這是我最擅長的東西。

推門而出，窗外的陽光燦爛。

反正要輸，那麼我寧願豪賭一次…而且，童桐也一定喜歡我這個決定吧。

但願她不會討厭我這個害自己輸掉的笨蛋。

「歡迎大家返黎晏晝既賽程！再提提大家，選手會係晏晝進行最後一輪比賽，然後以全日最好一輪既比賽成績計算，小組第一名就可能出線！」

「A組既個位oppa射出今日全場最高分既356分，非常驚人！不愧係來自射箭強國既韓國！而D組既台仔都唔弱，係第二輪射出左353分！…」

旁述正在總結著，我走向準備區。

「搞掂啦。」英姐說，「你幾時攝左入去個倉？衰仔，計下你交少左幾多期儲倉費先！」

「我…今晚過返數俾你。」我苦笑。

畢竟，我家已經有一組反曲弓了。

「…哼，你晉級到既話，我就既往不咎。」英姐說，「個少少儲倉費就豪俾你啦。」

「咁我預先講定多謝先。」我說。

「包緊尾都咁大口氣啊，呀遊。」英姐說，「雖然你個人木木獨獨，但就係射箭個時有呢種氣勢，唔好得個講字呀。」

幫我調校好那把反曲弓的英姐走回司令台，又玩起了手機來。

「呀遊，你返黎啦？」童桐走過來說，「食完飯咁耐先見到你既？」

她真的在擔心我嗎？

答案是肯定的。

只是可能不只我一個。

這是好事，我不能怪她，我也不捨得。

「反正D組無咁快，咪Hea多陣先至返黎。」我拉筋稍稍熱身。

「…如果你唔想既，不如我地返屋企啦？我可以去你度…」

「要去我度既話，就今晚過黎慶功。」我說。

這才是破釜沉舟，現在把話說得這樣漂亮，真是不贏不行了。

但我也只是賭賭看罷了。

「慶…功？」連童桐也傻眼了。

司令台的廣播再次響起。

「男子反曲弓，D組，第三輪比賽，準備。」

看到台仔的表現，二號線四號線的那兩個人的樣子都有點沮喪，又有點緊張。

所以，那台仔似乎對我有點好奇：為甚麼包尾的我，這樣處此泰然呢？

因為我要連自己也要騙倒，這樣才能贏。

「C組，比賽結束，選手抆箭，工作人員更換靶紙，D組選手請準備，你地有兩手箭時間練習，調校器材，瞄具。」

「童桐，可唔可以幫我拎把弓過黎？」我說。

我故意這樣說，動機也很簡單，就是想在她交給我時近距離再看她一眼。

不同選手，在比賽上也有自己的準備方式，好像一些運動員會帶上自己家中的小被子在比賽前用被子罩住自己一會兒，完全沒有理由可言。

而我的方式，就是童桐。

「依加D組準備練習啦喎！…咦？！喂，喂，資料係唔係有錯？條友輸到傻左？」旁述說，接著麥克鋒內傳來他向司令台確認的聲音。

童桐把弓遞給我。

我以右手接過。

「三，三號線，馬川遊選手，決定係比賽前換過另一把弓！同佢係預賽用既型號一樣，磅數同樣屬於重磅弓，但係…但係！呢一把！…」

然後以左手握住。

「呢一把！係左手弓黎！！三號線馬川遊，呀遊佢竟然係比賽前一秒突然決定換成左手弓！」

大驚小怪。

「呀遊！？」

連童桐都知道，射箭是講究穩定的運動，護具，器材，以至場地，姿勢，重現度愈高成績便愈好，我買了新弓轉了新器材都要花時間重新磨合。

「童桐，我可以射箭既，唔只得右手。」

除非，我在自己最為熟悉的場地。

除非，我早就用左手練習過千萬遍！

即使是我，也有足以令童桐吃驚的東西呢。

「射箭時前手頂住弓身，用既係全身骨架，即使隻手岩岩好返都唔大問題。」我向吃驚的童桐解釋。

「拉弓既後手連埋背肌先係最大負擔…既然係咁，我既左手就岩岩好。」

反曲弓有分左手弓，右手弓。

剛剛在Locker下定決心不用禁藥時，我望向身後的倉庫，才想起之前為了教箭班時示範給左撇子的學生看，我可是練了很長很長時間的左手弓。

其他時候，我是右撇子的，畢竟我天生就是右撇子。

但是努力可以超越界限。

早就，超越過去了！

唯獨在射箭這件事上，我有我的驕傲，我有我的絕技！

我有！我的奧義！

「呀遊…」她不知為何眼眶沾淚。

取箭，搭弓，引弦。

最後，是 “立正”。

「係岩岩岑大師教我。」我說，「事在人為…！」

冥想開始。

明鏡止水—超．絕．集．中。

由於之前成功解救植嵐題，準繩心得提升

屏息靜氣的瞬間，來自四方八面觀眾，選手，評判的視線消失了。

有如當日解救植嵐題時瞄準的手感，如一切在心中澄明一樣，這時那一幕不但沒有化為恐懼，而是轉化成我的頓悟。

—奧義解放—
左 右 開 弓

「咔！」響片回彈發出聲音，如英姐那時一樣。

「嗖！！～嗡！」箭矢離弦飛出，如英姐那時一樣。

「咚！！」靶心被貫穿，如英姐那時一樣。

靶心的X位被箭頭沒入，清脆的命中聲和弓弦的回響在眾人凝視下消散，我放下弓身示意較準已完成，剩下的五箭無需發射，節省體力。

而且比剛剛台仔還要快兩箭。

「點會…」旁述目瞪口呆。

校準？同一條靶道，同一把弓，同一批箭，我練習的時數可是以年月計，這才不是較準。

這是演武。

／／／

「呀遊緊咬不放！台仔呢一手只領先一分！」

「呢一手呀遊已經反超前喇！」

「雙方會唔會進入要計算X位分勝負呢！呢一手望落X位既數目差唔多！」

「台仔呢一手最後一箭失左手，呀遊最高分數唔及佢，但勝在每一手平均！」

「黎到第五手！雙方再次平手呀！下一手箭就係最後一手！」

「D組第三輪比賽結束！！」

身後傳來眾人的呼吸聲，不是開玩笑，觀眾們都看得屏氣凝神，生怕呼吸重一點也影響到我們。

然後，掌聲響起，沙發區那邊傳來掌聲。

我輕輕鞠身道謝，然後走回準備區。

「呀～遊～！」

童桐一下子抱住我，然後才放開，但雙手還是捉住我肩膊：「你…你然後左右手都得架？！」

「只係射箭…」完成了比賽後一放鬆，我感到整個人都累得要散架似的，也藉機向童桐撒撒嬌。

「都已經勁啦！英姐話原來你教班個時已經練埋左手，咁咪即係練左好耐！？」

「就…有d學生左搲，都…都要示範俾佢地睇，同埋示範個時如果唔中…你笑咩？」

「你射箭個時真係另一個人黎。」童桐可愛地笑著。

「…嘿。」我輕摸童桐的頭，感受到手中傳來的順滑。

分數應該咬得很緊吧，可能還有些壓線之類的爭議，評判竟然還沒有結果。

這時沒想到台仔主動走過來。

「＠＄＆︿＆＆！＠＆＊＠﹀ 」

甚麼鬼。

「！＃＠＄＠！＠」童桐說，「佢話第一次見到有人用非慣用手射箭都咁勁，問你係唔係天生就識左右開弓喎。」

童桐用台語和他對話，因為童桐的爺爺嫲嫲都只會說台語，所以她也會說。

而因為她自小被爺爺嫲嫲照顧，童桐的母語是嚴格上來說是台語，她看恐怖片時受驚或喝醉後都會飆台語。

「我係右搲，只有射箭先有練相反手。」

「！︿＠％︿～＠！」又一輪台語對話。

「佢話…甘敗下風。」童桐說，「佢睇得出你係右手傷左先轉左手，但左手都同佢咬得咁緊，所以投術較量都係你勁D。」

「又唔好咁講，呢度始終我主場，我都有熟習優勢。」

結果出來了。

「要大家久等啦！男子反曲弓D組，綜合全日成績，以最高一輪計算，最高分既選手係…三號線馬川遊！第三輪成績353分！雖然台仔最高分既第二輪都係353分，但計算X位，呀遊多一個X！所以成功晉級！」

「！＄＠＄＠＃！」童桐試圖翻譯。

咦不對，旁述明明就只有粵語…

「恭喜泥，啞遊。」他以生硬的粵語說，「禾識聽，嗯識講…哈哈…」

「幹，騙三小。」我禮尚往來。

比賽結束後，我馬上就看到決賽的最大敵人是誰。

「個oppa好靚仔…」

「又高大，又高大。」有女生連話都不會說了。

A組第一名的那個oppa，連男神級的植嵐晨站在旁邊也變得如普通人一樣，我們這種普通人直接消失在其光芒下，在半決賽的成績也比我和台仔也還好。

值得使出全力挑戰。

／／／

童桐的好感度上升了

現時童桐的好感度：80％
現時童桐的親密度：100％

／／／

賽後。

［贏左？黎慶功啊，去你屋企］Beta史上第一次說要來我家。

［下？半決賽咋喎。］我回覆。

［我同情聖順便傾佢結婚Ｄ野］

Beta這樣主動，還決定離開一下那家網吧，真夠難得。反正我家也沒有甚麼見不得光的東西，所以我答應了。

第十一章：唯獨不可以輸給自己
完
第十二章：沒有蟻穴不代表不潰堤

我滿足了

beta要見童童？！

要黎既始終要黎

Beta要見Dora