剛剛通關Enderal了
主線故事寫得真係好精彩....
不單係劇情本身引人入勝
最重要係佢講故事既方式好有技巧
作為沙盒遊戲, 好多時故事劇情都好散漫
但係Enderal既劇情講得好有神秘感, 致使玩家不斷好想追看下去
故事由序章開始, 就不斷係好多地方散發住懸疑
令人好想好想搵出真相
加上個個成日播既好懸疑又好淒美既主題BGM
好狠正!
唯一不足既係支線太少, 這明顯同資金有限有關
地圖好大好多地方去, 地穴又超多
個主城本身都大, 而個個地下城同樣好大, 而且好有風格
但係地下城得一個支線, 主城又係得幾個, 所以好唔夠喉!
這個Enderal真係幾唔錯, 如果B社之後既沙盒遊戲, 個劇情都可以咁正就好了
雖然其他地方都好正, 但係B社最好一定要先收呢個團隊入面負責劇情部份既人!
最後曬下主角照, 由於沒有美化mod關係, 直接用男角色
發現用男角色既代入感真係與別不同, 特別係同基友發展友情, 同女主發展愛情時, 感覺更加正.....
而且, 如果用女角, 除非本身設定係硬派角色, 如果唔係, 一個少女著住一堆硬派盔甲, 其實幾違和
有無人同我一樣 睇唔到個人喺邊
你指邊個人啊?
朱古力gay test
一黎冇人睇二黎打到唔似簡介
呢度起碼有手長絲會同你傾lore
我成塊面貼左落玻璃度 我同佢屎忽嘅距離只有一塊玻璃同一塊牛仔布
