劉仲敬對香港評論整合 (10)

campus係畀真大學生
大學應該係有宿舍 住hall
係好似英國咁嘅自治法團 弟兄會 甚至有自己選區
唔係連登仔以為嘅勞工分配部門


至於偽大學生睇video都無所謂
反正都係一張cert for佢階級上升

大學生件袍其實係神父袍、修士袍嚟

香港既真大學生都唔會留係香港讀啦

所以更加應該留住真大學生

以前香港係遠東唯一一間讀大學嘅地方 仲早過新加坡
研究乜乜反而唔係好緊要

真大學同真貴族係共生產物
正如錢穆既新亞同大中華膠都係共生關係

真
只不過教授/校長一定唔想自己重要性下降, 大學擴招唔係咁容易逆轉

大學擴招冇得逆架喇
依家本身就需要多左人做技術研究
盡量將真大學同技術學院分返開已經好好

唔覺得專科/科學以外嘅科目有必要存在
liberal arts之類應該係所有人都識少少, 極少數有天份嘅人可以去做研究, 但係專登開個學系就係浪費資源

美國主導嘅社科同經濟理論 (從psychology到business)
係當代《四書集注》《性理大全》
讀完考秀才
咁睇會容易d


係全球帝國秩序輸出現象

盡量技術學院化佢地
削政府層面既funding,逼佢哋自力更新
咁啲so sci反政府學者就會自然消失

至於歷史 哲學 政治等等偏門嘢
讀完乞食係匪疑所思
本身係貴族博雅教育(負責政治決斷)嘅範疇 居然會有人用嚟搵食結果乞食

係要養人「捍衛香港價值」，做嘈交軍團既
但係唔需要咁多徒子徒孫
極端啲講，寧願當佢係國老咁白食
好過逼佢講學教壞人

咁jupas制度係將大學文科放係ive 理工之上
依個係制度問題
有傾向咁鼓勵人為左入大學個名而放棄技術路

so sci學者係無可能消失

正如琉球國唔可能唔用大明朝《孝經》科舉取士




你一日喺美國秩序下

一日就要接受一班美國先進經濟學家仲有先進社會理論過嚟指手畫腳 指導你

呢個係政治現實

荷蘭咪將工程，農業依啲實用科目擺落理工大學而唔係大學度

所以黃金神棍咪成日話讀理工科既係tool, 佢個仔就係讀文科既

呢班人係無用
大學校長教授有幾多個師？

國際儒風先係重要原因

唔好送徒子徒孫比佢地
掛research post 而唔比佢地teaching
總之就係削減公知既社會影響力
屈佢哋返去象牙塔咁啦

咪一於睇下佢個仔果啲墨水可以領導倒咩人囉
重設polytechnic 係啱
但依家太多大學排名果啲外物
唔知可以點推行

個社會要有對抗進步人既決心

美國輸出嘅學者係小事



每年畢業普遍位最多嘅係business同sosci
先係大事世界性現象

避無可避

我一次過覆埋呢次最後一勻啦

關於官名
英國人定嘅官名，從來冇變過，依家保安局長，仲係Secretary for Security（1969之前係Defence，但係一樣意思啦）
漢字名，從來係一班師爺絞盡腦汁去搞d按「漢/中華文化」標準係「信達雅」嘅譯名。呢班師爺仲喺度架，依家叫「法定語文事務部」。
而我過去十年，慢慢從愛國唔愛黨嘅民主小清新，過渡到今日嘅民族主義分子，過程之中了解嘅歷史多咗，就發覺呢d腐儒行為全部多餘。
按照粵語嘅自然傳統，你鍾意英國人遺產個話，噉直接用英文詞就得。按照脫支程度弱到強來計，保安局長Secretary for Security，就可以改叫「保安石決廚」->「保安Secretary」->「Bou On Secretary」->「Security Secretary」。漢字Latin alphabet混用，乃至拼音化，只有漢文化腐儒先唔鍾意。
無論係按英國人傳統，定係粵語傳統，都唔應該得出復古嗰d華人師爺諗出來嘅支那嘢嘅結論。
順便一提，你覺得共產黨推嘅漢字簡化係恥辱？即係暗示「識寫傳統漢字」係光榮？漢字簡化又唔係共產黨第一個做，元明以來大把「俗字」。而我從粵本位角度出發，漢字點樣簡化繁化，更加唔會涉及榮辱。我都唔係漢人，更加唔係漢儒。 全部寫Latin字母仲好。
嗰個鬱林嘅事例，由秦朝殖民嶺南之前開始，到20世紀掃盲運動之前，當地人口99%都唔識漢字，一d都唔影響人人都知當地地名叫「wat lam」。所以漢字改成點，其實同廣大嘅本土人口、粵文明有咩切身關係？只有漢化咗嘅人先care。生番幾時理你漢人嗌佢哋「人」定「獠」？
你所講嘅嘢，暗示你嘅出發點都係漢人士大夫。

「黑」社會嘅用語？
話事、揸數、叔父，只可以係「黑社會」、「三合會」嘅用語？
我嘅睇法，南粵呢d三合會，本來就係清國流官政府系統以外嘅自發嘅準政府組織。套用劉阿姨術語，清政府管轄到嘅範圍，就係龍騎兵地區。但係龍騎兵以外廣泛嘅南粵鄉土，就係呢d南粵本土組織維持個社會。你話佢係黑社會又得，話佢係自治小團體又得。義安公司、蘭芳共和國、和勝和，本質上都係官府jurisdiction以外嘅南粵社會self governing bodies。
senate詞源就係老男人。叫叔父啱好異曲同工。不過以今日男女平等計，改個gender neutral詞叫長老可能好d。
話佢哋係黑社會，算唔算係抹黑？可唔可以解讀成，係支那主流輿論污名化南粵鄉土自組織嘅手段？就算係支那人歌頌嘅孫中山，都係洪門紅棍。

上邊嗰d係術，所以折埋。下邊係道。
你一話要復嗰d支那嘢嘅古，我本能反應就係唔妥。要問點解，冇得解，就係唔鍾意支那嘢，費事畀人碰瓷。所以用粵語又好，抄和製漢語又好，去發掘壯語苗語又好，直抄英文都好，就係支那嘢唔好。
但係下邊我可以嘗試深入分析下，點解我咁反感。
尤其是你將d支那詞，講成係「英國立足東方異土嘅努力」，噉只反映一樣嘢，就係

你完全冇政治決斷力。你連自己要復古呢d漢字詞嘅行為，都要將責任外判畀走咗嘅英國人。

「布政司」係「英國立足東方異土嘅努力」呢個講法，從「術」嘅角度，都大把嘢彈。知唔知布政司呢個名都係改過幾次？大法官叫按察司又係改過？以前叫過「正臬司」？噉點解你要specifically roll back to布政司、按察司呢個version？
答案就係，因為係「英國人」係「當年」噉做，佢哋臨走前最後係噉。
英國人一走咗，我就乜都唔識架啦，呼吸眨眼都唔識架啦。所以我諗唔到英國人如果冇走應該會變成點，搞唔出新嘅官名事小，新嘅制度、新嘅社會組織……事大。
講句笑話難聽d，好彩係英國人1971年廢除《大清律例》，否則如果係支那人1997年廢除，噉按照你d理論，一定要恢復大清律例啦？因為英國人當年採納大清律例來管治華人，係「英國立足東方異土嘅努力」 再撈d姨學術語，恢復大清律例一夫多妻，係封建自由。男人有本事就三妻四妾，武德充沛，人丁興旺……

實際上，係你冇學到英國人嘅道，只學到人哋嘅皮毛。
人哋Tunku Abdul Rahman李光耀，當年係見識過英國人日本人之後，自己企出來同英國人講：「唔該你哋返屋企。我哋自己國家，我哋自己搞掂。」
你d諗法，同多數港豬、民小一樣係，英國人走咗25年啦，仲心思思求英國人返來。乜嘢都要英國人幫你作主，連「非英文官名」咁濕碎嘅嘢自己都唔夠膽話事。

香港人需要認清兩項殘酷現實係
1 香港99.9%嘅情況底下冇地利吸引到英美重光。
2 即使有噉嘅地利，英美都仲係好可能唔來重光。
首先做一個思想實驗，假如香港人口瞬間100%消失，噉香港嘅價值變成乜？係0。星加坡、台灣嘅人口100%消失，佢塊地嘅地利仲係100。外國勢力一定唔會放棄。香港同上下川島，金門馬祖，所有東亞大陸沿岸島仔，冇分別架。如果有外國勢力要操控南海，寧願霸海南島、南海諸群島，都唔會霸香港啦。事實上香港島本身應該比上下川島更不如，歷史上長期上下川島都係更重要嘅樞紐，Francis Xavier都死喺嗰度。香港島係勝在離廣州港近，畀英國人相中，從此港口貿易飛速發展，而上下川島今日仲係農田。
即使香港地利唔係0，香港緊唔緊要得過Suez Canal？英法自己親手建造，對歐亞航運線有重大戰略價值，佢都要嘔出來，返唔到去。未來嘅香港，點樣可能引到外國勢力登陸？而且世界decolonization潮流之後，你睇Aden、Oman、Ceylon、Malacca、Singapore一連串節點，英國有冇重光任何地方？香港他日大難臨頭，外國只會撤走晒僑民，之後嘅古仔，上海、西貢、Beirut等等已經上演過無數次。

當你認清呢兩個殘酷現實，你就應該明白，就算你冇李光耀咁夠pok1，你都冇得揀架啦，呢個香港你一定要自己話事架啦。你唔話事，就係讓畀人哋。而人哋，可能係支那膠，可能係大粵主義者，可能係中華民國膠……
現實就係英國人已經走咗。無論你覺得我係咪自大，係咪「英國人做得到嘅嘢 我中國人/大粵人一樣做得到」，無論我有冇能力，我都要頂硬上架啦，都要去盡力踐行，世界上各個自強自立嘅民族、國家，佢哋嘅生存之道、政治策略。

你，可以選擇繼續哭求英美返來，繼續幫你包生仔包棺材山地，萬分之一嘅機會佢哋真係返來（但肯定唔係因為你喺度喊），99.99%嘅機會係你喊到畀張獻忠消滅咗、畀雜狗拖落水核平咗……
亦可以選擇，學習承擔自己嘅政治責任。

Rahman、李光耀，自己行出來勇於承擔。
香港人，喺英國人畀支那人 paang1 走咗廿年之後，先瞓醒，先至拉牛上樹開始學習承擔，冇得再推辭架啦。
你聽得明，定係牛皮燈籠，唔關我事。我已經起步，向住建國獨立走咗啦。睇下natural selection最後淘汰剩返邊個囉。

集會夠大型 其實都要預先知會差佬 差佬例牌會到場睇住

順便提提澳洲單嘢。我覺得分唔清有冇鬼。
按好心估計，應該只係當地香港人太散沙，搞到一班人挑釁另一班。事前溝通好d，應該就唔使噉。

假如香港人口瞬間100%消失，噉香港嘅價值變成乜？係0。


我諗你未搞清楚一樣嘢
香港100%人口消失 係唔會導致香港價値嘅消失
係有香港嘅法制同法制保障下嘅自由
先有香港嘅價値
你鍾意用新加坡 我鍾意用瑞士
新加坡係戰略要衝 畀支那呑併只會一日比一日衰敗落去
瑞士係一塊爛地 山地 無戰略價値亦無資源
一樣經幾百年自由下 連不毛之地都可以變地人間樂土
善治世界敢認第二
無人敢認第一




當你話假如香港人口瞬間100%消失，噉香港嘅價值變成乜？係0。
我已經知道你未搞清楚一樣嘢
自由>民族主權
自由先係香港之所以昌嘅基礎
民族主權係保障自由嘅手段
唔係目的


你係刻意誤導又好 無心又好
我一直堅持嘅立場
唔係要等英國人返嚟
而係你廣東話人要接英國人嘅班
香港嘅法制同法制保障下嘅自由
屬於唔止廣東話人
仲有怡和匯豐嘅自由 南亞人嘅自由 好多無數作為主權者而唔係freerider嘅人嘅自由
喺廣東話人能夠同八旗武士一樣無愧 講香港屬於廣東話人之前
水上人同話事堂主要放後
做廣東話人專制易 廣東文化係現成
做好英國人離開後 各種勢力下平衡嘅管家難
廣東話人唔係大曬
昨日唔係 今日97後老鼠上桌依然唔係


無廣東人
即使香港由黑人穆斯林由非洲過嚟填充
一樣可以成為人間樂土


廣東話人要首先問自己：
配唔配得上呢片土地？

廣東話人如果好似以前咁freeride 莫講話香港呢片土地搞大粵


連做400呎樓業主都唔配