十年左右果啲都唔係平過全新好多
Keep屋Keep得好都仲可以 有啲都Keep得幾殘下
可能上手業主諗住住幾年就換 無執屋無打理無維修開
一手送果堆電器都比人用到牛肺狀態咁
如果計返800-1000蚊一尺大爆 重置電器同經紀佣金
隨時同全新樓係差唔多
要抵買同平既二手 就要搵返啲舊式設計既屋苑
大約廿中尾至三十幾年樓
即係傳統細大堂 一梯八伙 Lift細細部
廳窗同鄰居戶個廳窗打對角互望
走廊用返最Basic階磚暗暗沈沈果種設計
果啲真係裝修完都仲平過新盤一球起碼
不過以我認識既後生仔女多數都唔太接受買呢啲盤