〔逃脫7〕請選擇目的地：

好鍾意你對佢地三個嘅詮釋
其實真係超級fit香港嘅時局

樓豬明明咩都冇講 但已經咩都講曬


至於探索順序方面我會咁排：
天台-->圖書館-->音樂室-->2A-->剩餘課室-->教員室
中間應該會穿插交付設計圖、避怪物、吞精（希望唔好）、郭倫等劇情

文雀加油

冇錯 摸佢都計入輪次
而且入夜佢都會自己消失 圖書館唔係無限探索

唔同意電腦室排第2，因為我認為答案唔似係就咁打TW咁簡單，覺得要睇埋密碼書OR搵埋剩低嘅紙條先砌到

而且電腦室又有次數限制又會引狼，冇十足把握我都唔係好想入去住

所以如果天台冇電池，我會揀音樂室（希望同時觸發特殊情節）同埋課室（搵物資同紙條）先

屌 有嘢漏咗講

我地時間好似唔多夠用
大家會唔會冒險係 18:00之後再出去探索？
畢竟1800後嘅世界真係0資訊+之前2樓極多狼
但係1800就瞓覺又真係浪費咗好多時間，我地正常人都凌晨先瞓啦

所以我會諗夜晚會唔會有特別嘢搵到
大家點諗？會唔會博夜晚增加探索機會？

分析得好
補充返：
TW 要睇書解，點都係圖書館先電腦室後

3,4樓同音樂室：時間有限覺得順路慳時間有用，只要冇嗚同避開風紀就ok

2B課室1300後個個去哂吞精時候仲有冇無臉人喺嗰度?
冇嘅話﹐代表係經2B嘅窿入2A嘅好機會?

KNIGHT NIGHT EMANCIPATE EVERYTHING
一入夜亂走= 嗚嗚嗚嗚嗚

你特別分開2A，我會咁睇：2B有X有人睇住算係難入既班房，偏偏我地去左果度訓，仲攞埋紙仔。
我估Tel:U 係高難度道具，其中一個攞法係2A捐過去

可能可以試下入夜後先探課室，有咩事就直接躺平瞓覺，建議睇睇呢個下晝（遊戲時間）進度如何再決定

+1咁樣安全夠靜

分開2A只係因為近水樓台
去完圖書館音樂室最近嘅課室就係呢間
而且有個窿都好令人在意佢係咩來

夜晚有狼人喺走廊亂走喎1800後嘅世界未必安全（根據目前騎士論，夜晚啲狼係可以自由行動+複數）
而我地去唔同樓層所需嘅回合數都多 好難保證能夠安全探索

甚至連返checkpoint機會都未必有

我自己傾向1800搵吉房休息

又係
個窿可以係偷睇X房用，偏偏我地成個人行入去試左被捉

同埋一切進度都要睇餸食飯
視乎樓主想唔想饒雀仔一命過到廁所呢關就可以上天台拎野了
但過唔到就只能吞精 吞完基本上就冇機會再冒險（遇狼可能扣盡所有HP）

真 我好鐘意香港果到打哂冷震

我地嗰晚都係被迫入2B，唯一選擇來
音樂室方向有狼 主角聲稱聽到2A有狼 複數+極近距離

只係朝早嗰陣唔應該忽視無面風紀（不過大家依家都學精曬）

你咁講我覺得金毛可能鬼佬嚟

冇錯，吞精即刻hell mode

另外補充一點，就位置而言教員室都有機會係特殊情節地點
但完全冇線索入面又有隻狼就真係好鬼驚 要撞特殊情節就試咗音樂室先

果晚真係冇計，而家大家識玩，應該易避好多，除非樓主突然間話用左好多時間啦

篤灰怪唔係嗰班著住同樣校服嘅無臉學生？

每日吞精可能代表洗腦，所以每日都要準時9點落去洗腦

「我今天會知道。」其中一個衣服印著「宋文山」的男生不住微微顫抖，轉頭瞟了你的手錶一眼，對你說：「早晚你都會知道。」

另一個印著「郭倫」字樣的男生拉拉宋文山的衣袖，示意別說了。
你瞧到他的手錶上寫著「5日」。

不太明白呢......
他們又準備走了。

睇返呢一段真係好撚心酸 代入宋郭二人真係唔知佢地點樣捱

郭倫知道反抗歷史、知道審判下場、又認識金毛等人，絕對唔會係完全順服權力嘅一群
但當身邊嘅宋文山面臨審判驚到震曬，佢知道來緊會發生咩事 但已經咩都做唔到
只可以落禮堂吞精+送好朋友最後一程，然後為自己嘅生命倒數
喺反抗同順從間 想必佢都做過唔少掙扎，最後先喺絕望中認命

我諗郭倫就係隱喻緊港豬/認命黃絲

同埋有樣野我地笑錯左文雀
主角唔係完全唔識打交架

佢喺電腦室曾經有 E.使出拳擊呢個選項，唔係淨係得個走字

雖然以佢身手我諗都冇咩好下場