〔逃脫7〕請選擇目的地：

我個人見解就係文宣手足
嗚嗚捉到就宇宙角安發

兒家剩低呢round好似係由第5個po一路帶落黎，因為推得太快

仆街唔知係咪睇太多outlast
覺得就算匿埋都會比推門隻野發現
係唔係應該諗辦法入金毛個鏡像世界匿埋

金毛入鏡像世界應該都要靠某種秘法/道具
我地冇時間啦

同埋入左去單程路返唔到出來
佢退後一步都可能係因為知自己依家打唔贏怪物

唔通好似天奇咁，鎂光燈嘅焦點？

仆街

真 同埋睇得出樓主好認真對待自己寫既故事

好想快啲出文 但又唔捨得個故完

暫時睇落應該有三個結局

1. 逃走：收集字條，圖書館解密，上天台逃脫

2. 戰鬥：幫助清零，搵設計圖打敗狼人

3. 入鏡像世界

文雀條死仔有賊心冇賊膽
見到乜都嗌 冇得講

都可能係同金毛講野發出聲響引人入來睇咩事

樓主應該係織好曬所有設定同agenda先出po
選項故來講真係算好高質

清零個名，可能代表要狼人清零

應該係呢個先啱巨人個敬禮冇手指公㗎



連虎圖示一覽
https://lih.kg/vGHHvrX
#159 回覆 - 分享自 LIHKG 討論區

啲人話放水
點放
放水依家會唔會有人上嚟

我覺得啲紙條可能係call 直昇機用

兩喜三悲

喜局
1. 戰勝
2. 逃脫

Bad ending
3. 入鏡
4. 被審判
5. 戰死

一嚟
我都有搞過類似嘅game
樓主做緊mc 時，當你揀咗一樣選項
樓主就會因應受影響嘅parties 去郁個棋盤
不受影響嘅就按既定模式運作

成個post無live資訊又大爆炸好多感觸都好多野想講
首先講左啲自high 9up嘅先
@事先聲明有啲腦洞大開，比起總結分析更加似9up
@同埋會mix埋香港概念同時事，唔鍾意可以跳過呢個reply
@我會再下一個reply先分析金毛仔文本同埋下一步應該點做
@同埋巴絲們回應唔好quote呢兩個回應
@我打啲長文好撚長我已經有啲自責，再quote就變金剛棒架啦

墨顯巴都借金毛仔講口講得咁白
我都嘗試套入香港時局去理解返成個故事同背景先
首先由阿倫果句「金毛小子害得我們可慘了」開始先

可想像喺文雀(主角)失憶day1開始之前
學生以金毛仔為首發起左一啲反抗，而最尾係失敗收場嘅
而少部份(即係金毛仔)就退守到鏡中世界
以地理位置嘅差異暫時避開左校方嘅追擊

想像到呢度，我諗起嘅係國共內戰國民黨失勢退守台灣嘅歷史
所以，鏡中世界=台灣，而金毛仔就係叫緊我地過台灣避難啦
當然，鏡中世界都唔係完全安全
金毛仔單係俾提示接人過去都好危險
因為呢個地方依然持續地受到校方嘅壓迫同目前有限度嘅傷害

講到台灣，TW
就會諗返起紙條嘅線索Connect to:TW
換言之，
進入鏡中世界嘅方法/線索就喺電腦室鍵入TW之後嘅螢幕上面
講到紙條固然就要提埋另一張：Tel: U
Tel可以係打電話，相信電話象徵嘅道具會喺其他地方出現

但點解台灣係TW，U淨係得U一個字?
因為U可以有幾種意義，可以係UK，可以係USA
最重要嘅係U代表嘅係不受校方威迫嘅外國勢力

呢度就有少少跳返去金毛仔最後尾二果段說話啦
「真的想離開，別想大門口了，
依著我們先前調查紙條的方向繼續研究吧，
我不相信自己可以成事。」
不相信自己可以成事，即係要搵幫手啦
所以估計金毛仔講嘅另一條路就係搵校外外援啦

講到呢度，不禁就要諗埋淨低果個反抗勢力
何清淩，ching0小姐

留低嘅人、設計圖、實驗室
一間學校可以有啲咩設計圖?
可以係炸彈嘅設計圖但唔似係學校會有嘅野
而且個人更傾向建築設計圖、圖則
而個人覺得唔係炸彈，係因為實驗室本身就可以造出爆炸材料
「是那傢伙想的東西嗎?應該又是那些瘋狂的東西吧」

諗返轉頭，何清淩次次出場都咁暴躁行為暴力
佢先應該係最相信以暴易暴嘅人
點解無直接去打鳩啲無面人同狼人?
因為佢謀劃緊更根本性更破壞性嘅野，何清淩就係攬炒派
佢計劃透過設計圖搵出學校承重柱同爆炸最有效嘅位
炸毀成間學校，呢個就係佢嘅「道」

OK講到呢度，呢間學校當然就係香港啦
都唔會唔似，全間學校都漆黑一片了無光明
日日俾人迫住落禮堂打啲唔知咩野入個身度
今日避得過聽日都要形形役役驚俾人拖落去
無飲無食無生活，封鎖哂成間學校你想出去隔離公園散心都唔可能
有啲大粒野喺後台唔知算計緊啲咩野
發現到嘅媒體/主角就要俾掀開野獸面孔嘅佢地封殺/殺死
日日都有規矩加上去，但都唔代表守規矩就係安全
就算規矩無寫到攞凳企上去係犯規，都唔代表你有自由咁做

喺呢度最安全嘅做法就係加入佢地，抹走自己嘅眼耳口鼻
假以時日你都有機會做高層
就算做唔到狼人都可以有權力武力拖人落禮堂
喺呢個環境已經係一大娛樂同享受

「騎士夜晚會解放一切」
我地總會幻想有晚有國家派隊騎士落黎我地就會自由
但日日除左排隊落禮堂咩都唔做

「只要離開香港，一切就會完結」
真係咁就可以...?

接下來嘅係金毛仔文本分析
金毛仔完全就係一個明燈，線索提供器
我無諗錯再問落去我地可以知道哂所有路線嘅方向添啦
無怪乎墨顯巴要安排劇情殺打斷佢
首先list返哂所有問題出黎先
一、「我要離開。」
二、「你知道真正怪物的弱點嗎？」
三、「要怎樣過來？」
四、「你知道設計圖是什麼嗎？」
五、「地下是什麼情況？」

首先大家都揀左嘅一，反抗路線
得出黎嘅就係天台金毛仔嘅物資
同埋明確知道主角文雀嘅開鎖能力能夠去到天台嘅情報

二、我相信都係反抗路線需要嘅野
同上面一嘅情況相似，我地估到天台有料到
估到文雀應該可以開到鎖上天台但唔confirm
如果問呢條金毛仔嘅答覆結合埋《怪物的弱點》
應該就會確實嘅狼人嘅弱點同應對方法
相對地，我地而家無呢個情報，
到時候真係要打甚至未必有果個選項
樂觀地睇就算有果個選項，
我地都會因為信息不平等而令選擇風險提高

三、逃亡路線，我相信就係同紙條Connect:TW同電腦室相關
同上面一樣，打落去有啲咩都係估估下，佢答左就會清晰哂
好彩嘅話一打TW入去就會END添
但可能都會係BAD END，記號提示都要冒死做
金毛仔字裡行間都透露左鏡中並唔係安全嘅世界

四、自然就係何清淩嘅攬炒路線
金毛仔都已經回答左喺圖書館入面

五、地下，我相信係同反抗路線相關
因為地下通常有校務處，而校務處通常都會有電話
而電話同金毛仔要我地研究嘅紙條Tel:U相關
同樣地，如果唔問我地就估估下，佢答左我地就有個大概

==================================

之後方向就視乎幸運生還與否黎決定啦
如果生還，就梗係順手上埋天台睇下搵到啲咩啦
再黎就視乎時間，如果仲係13:00-18:00之間，可以搜索埋4樓班房

而我認為比較大機會嘅就會落禮堂
咁可以開拓埋地下，睇下有無Tel:U相關嘅資訊

圖書館就比較尷尬啦有燈入去都睇唔切書
雖然可以撞彩同上次一樣有狐獴帶路睇書先開燈
但入得去同狐獴建立感情得黎都未必再有時間去其他地方
教員室曾經有狼，不宜冒險
除非地下無電話相關嘅情報又急切想解紙條Tel:U嘅方向
音樂室都係一個好選擇，七除八扣下有銀器嘅機會的確係有嘅

今次唔死我地仲有3日同3HP
係決定想行嘅路線之前搜集盡量多嘅資訊可以有利大家有一個更無悔嘅決定

戴返個頭盔先，上面講啲野講到好盡但未必真係咁
仲有好多地方未去好多資訊未搵到
所以咩路線都好，繼續發掘新情報一定係大方向

再戴多次頭盔上面好多都係個人設想
有更多係自high 9up
覺得有用請參考，覺得無撚用跳過就好

暫時睇落係咁

lm

知道巴你上面篇文睇到我濕左（對眼）
真係好似香港

代入文雀本人嘅話 真係會好感觸
我地一定要贏呀

覺得外國勢力/台灣/電腦室嗰part有少少似諗多左
但整體路線不變


來緊大步檻過一定係上天台