費米悖論嘅解釋黑暗森林法則（Dark forest)

救命 我仲要講多幾次
唔係假定一見面必定開槍而係講緊生存策略嚟講 喺某啲情況下攻擊嘅成本同風險比溝通更底低 所以如果存在一定數量嘅文明形成生態圈 喺未克服我上面講嘅限制之前就會呈現黑林嘅情況
同埋我冇否定到冇外星文明呢個可能
同埋「搵唔到隱藏嘅痕跡」有可能係人哋隱藏成功 有可能係人類探測技術太差 各種可能性都存在

個理論本身就assume晒所有嘢之後再任佢噏，然後有班人睇完或者聽過吓就將佢奉為金科玉律，係唔係都撻出嚟

stellaris入面有個機械人文明良心發現去隱居，被人發現之後決定唔還手被人滅咗

重有個種族覺得自己只係生活喺個simulation度，認為只有死亡先可以走出去之後咸族自殺

再嚟有個先進文明發現有個弱小文明，之後黑暗森林上腦想打柒人哋，最後被人反殺

你冇否定到咪即係唔係個悖論嘅解釋
即係我講 呢到冇1粒糖存在
你就話有 只係佢隱左形
係唔能夠推翻我個陳述
即係個法則solve唔到個悖論

冇人話係solve 只係其中一個假設 你而家點都solve唔到架啦

無限接近0

要能源 (比得起,佢只係射一粒粒子過黎印爆你太陽系,或者射d2次元無mass 既野過黎將你降維)

要資源 (好少,同人類殺一隻蟻差唔多)

可能被其他文明發現 (外星太空站射擊,射完就移位,就算被人搵到都係搵到個太空站only)

一個科幻小說作出黎idea, 現實唔好當真

點解國與國之間唔係實行黑暗森林法則呢？
因為出擊一方如果無法立即消滅對手會被反擊 過度擴張會招致圍攻
黑暗森林法則都係一樣 一個星球意圖消滅另一個星球會招致反擊 過份膨脹的勢力會被各家圍攻
既然生存係唯一目標 那麼不被反擊才是目標 因攻擊別家而被反擊係違反目標

其實根本就錯誤舉例
宇宙對人類嚟講大到接近無限
你而家係等於望一眼座山
然後話山入面冇人
而你明明淨係望到方圓廿米嘅樹
行得出5米嘅範圍

我覺得貼地啲諗 比你知地球一個地方有新生物 你都唔會即刻有危機感 但會先選擇遠端觀察

我純粹舉個例講 一樣觀察唔到嘅野係唔能夠成為答案/證據

我從來就冇話係答案
由此至終都係討論緊合唔合理同其他嘅可能性會係點 你哋打稻草人打咗成半個post

質疑都提出哂啦我覺得條法則唔合理
你覺得你答到 我覺得未答到

你上面講啲嘢其實已經顯示你錯誤理解咗佢個理論啦

例如呢

一個幾光年外既文明，點樣影響你生存？
放隻有滅星系武器既艦去幾光年外，又點能夠相信佢絕對忠誠？你係隻艦你又點相信母星唔會猜疑你？
地球艦隊唔夠資源只係其中一個可能既原因，黑暗森林既本質就係囚徒困境，對方有0.0001%既機會攻擊我所以我要先下手為強，但偏偏囚徒困境從來只有合作先可以贏
本書assume左全宇宙都相信博奕論既原則，但又唔會推論到去合作共贏既終極答案，其實只不過係用宇宙黎隱喻文革既中國，根本無諗住將佢當成某種理論

真，然後有班on9仔一見到啲同太空有關嘅嘢就三體上腦
一提Fermi Paradox或者外星人就黑暗森林
一提武器就水滴二向箔降維打擊
我幾肯定佢哋個腦已被人降維打擊咗

物競天擇呢點已經錯

一戰二戰都係挑機開波果邊（which mean 較有侵略性）比人打爆

同埋個設定已經唔make sense
降維打擊呢啲次元級武器點會無成本/用好少能量幾十個黑洞加埋一齊都未必降到維拎住咁高能量周圍走但又覺得自己隱藏得好好

其實個logic根本好簡單
因為你永遠唔知有無文明高等過你/對家會唔會技術爆炸
一旦攻擊=話比全宇宙聽我係敵意文明=自殺
又由於文明根本無乜可能隱藏自己(由你發展出人造衛星開始已經不停向宇宙射訊號，咩射隻艦去外宇宙根本就已經太遲，除非你話你永遠留喺中古時代， 所以你唯一可以做令自己唔會100% 成為眾矢之的既辦法就係努力咁釋出善意

黑暗森林唔會100%令開槍既文明生存(地球就係因為濫用黑暗森林而令歌者覺得唔打唔得), 同樣善意都唔會令你100% 遇到另一個善意文明，但為左令自己唔成為眾矢之的，只能夠不斷靠善意黎碰運氣，無其他選擇。

因為三體對於太空武器嘅描述夠誇張嘛 就好似啲毒撚睇完龍珠就覺得啲人物好撚勁 可以鬥撚死其他漫畫角色 咪覺得自己好撚型
三體明明好重人文氣息同歷史味道 但係成班人就係度攞啲虛構設定出嚟打丁 笑死

我覺得作者雖然用好多科學響個故事，但目的都係想警告人類嘅自大

成個故事設定好正，不停圍繞人類醜惡呢件事去發展，設定咗三體人呢個坎坷但係天生率直嘅族類，映照人類過去幾千年有個咁幸福嘅地球反而互相猜忌到去打生打死。

所以應該解讀做黑暗森林呢個悖論，只適合套落去人類

佢背後個概念係咁：雖然開槍會有痕跡，但前設係個攻擊係對方冇生環餘地（個二向箔其實係一個全宇宙end game map炮，預計地球人技術爆炸多幾次都唔會有能力防禦倒，只有光速逃離，而光速逃離亦唔會有機會短時間內還拖/報牛，因為要生存落去先）

但開槍始終會有痕跡，只不過個痕跡係會俾其他人即刻發現倒，定係要過多幾十億年先俾人發現倒，都存在好大變數，所以先照顧現在嘅前題下，可以解釋為開槍嘅即時後果係極細

所以叫做悖論
因為要假設好多野
咁如果個個都隱藏自己
咪唔會有人去探索出面嘅世界？

即係魚同蝴蝶
各自響水同大地上生活
各自唔會向外探索
咪各自對對方冇威脅

所以其實真係只可以套落人類度
因為人有求知欲，先會想探索