費米悖論嘅解釋黑暗森林法則（Dark forest)

所以我覺得喺我地未解決某啲思想問題之前外星人都唔會同我地接觸

能夠用幾多能量直接決定科技嘅發展同對外擴張嘅能力
而當文明能夠發現高效嘅能量源
佢地就唔洗再為生存而行惡
就好似人類脫離左狩獵文明進入農耕之後 就開始諗點樣建立更多嘅野
狩獵期只能夠諗生存 好多惡係必然為之
但之後嘅農耕文明 就可以有善嘅行為

咁你覺得馬鎦係咪比人更邪惡 如果唔係嘅話人類文明幾時係最邪惡嘅時候

佢地就唔洗再為生存而行惡

你信性善論？

善惡嘅介定隨時間而變
好似宜家左膠連he she都係惡
我用返非必要殺戮=惡哩個定義
咁係人類惡過馬騮
但如果用殺生就等於惡嘅話
肉食馬騮就惡過食齋嘅人
所以我只能夠講 文明進步時應該連同道德嘅提升 咁該文明先會有繼續向上嘅機會 否則會自取滅亡

人類打仗果陣咪最惡果陣

我諗呢度所有人都個法則係錯漏百出
大家都係純粹討論下劇情啫
現實唔止可以做frd,過契做親家都得添
遇著你呢d認真L真係笑鬼死

惡行係來自生存危機或者欲望
如果佢地已經得到生存嘅保證 以及欲望得到滿足
惡行就唔會存在

咁當然 有冇可能出現哩個層次嘅想法 喺現階段嘅人類討論實在太唔現實
就好似原始人討論起唔起圖書館咁

咁係因為你好狹隘咁樣抽空某個context做比較
就算係素食者都好 佢哋生存嘅空間都係清空晒所有其他物種 對比下素食者同埋馬騮身戲區域嘅其他物種數量就知

故事無解釋，但事實上都無必要，可以存在未解既野，只要同已知既野及故事其他設定唔矛盾就得
而最簡單既可以係一d基因改變裝置及智力強化系統，可以由微機械做到

就搏奕論去睇
黑暗森林既隱藏其實係唔可以係生態圈內留到
因為你唔知有無更強既存在，而探知過去既訊息係可行
獨行而唔擴張最後只會滅亡，擴張及可能下結盟爆科技係必要
小說既最後人類都係因為變為擴張先可以變成重要文明

咩係惡？ 洗手你覺得係唔係惡？
現實根本無善惡，只係自我感覺良好
強者根本不在乎弱者，唔會有意加害但無意就可以拉起或消滅弱者

宜家係連1級都未到 個個國家仲爭緊能源
如果去到一級 可能世界已經統一左
起馬個政府可能會係公認既善
去到一級完全掌握就會去其他星體搵更多資源 然後向二級發展

即係宇宙唯物主義

我想要高質啲嘅討論
嗰啲咩「外星人可能係好人」一早已經被覆蓋咗喺個理論之中 如果要咁講佢起碼要講到呢樣嘢可以點樣去到否定呢個理論嘅程度 而唔係停喺呢個位搞到次次都要解釋返一輪 仲要睇佢揸住個自己都講唔通嘅邏輯嚟死雞撐飯蓋

從來冇唔比人質疑 但你都要睇下你質疑緊啲咩 同你本身係咪諗住討論嘅語氣

咁點解呢套解釋套落三體水滴度就唔得

馬騮身邊仍然有咁多物種係因為大自然嘅平衡 佢地都有捕食者
而唔係有意保留身邊其他物種
人類脫穎而出打破大自然平衡 本來就冇善惡可言
只係人類會唔會走去保育其他動物, 就係人類善或惡嘅選擇

呢種方向嘅討論先係我想見到嘅嘢

好啦咁我答返你 宇宙入面高等生命嘅存在極為稀少 可能方圓幾千 幾萬 幾十萬光年（甚至更大whatever)先有一個高等文命 所以會唔會比人發現其實好睇呢點 如果生命嘅密度足夠稀疏 咁的確係可以攻擊而隱匿自己 而點解唔溝通一早解釋到爛 就係溝通成本太大 風險同代價太高 當然你都可以就呢點嚟反駁嘅

依家又話唔善惡可言 你搞清楚你想講咩先唔好搬龍門

一個文明如果要達到高度發達, 佢地必定會有某程度上嘅善
肉食馬騮比起食齋嘅人更邪惡
兩句都你定義
如果你話大自然平衡係無善惡之分咁就唔應該講第二句

不如我換個字眼
一個物種既能力越強(唔理智慧定係武力)必然會趨向馴化或者滅絕其他物種
你有無咩反例俾我？

你都講曬所有可能性啦
人類未搞部份物種都係因為能量不足啫
同埋上面我只係講緊就唔同嘅定義下, 會有唔同嘅善惡論
我自己冇傾向邊一種
300年後嘅善惡標準可能係食肉甚至食植物已經係惡, 用我地宜家把尺去睇未來係無意義

至於你個問題 我認為要自建基於該物種冇天敵 先會有擴張嘅可能性 從而馴化/滅絕其他物種

Ching 咁其實你講咁多嘢都係廢話 因為你每一個字都無meaning
你提出善呢個字但係你都對佢無解釋

我舉一個例子
你: 我聽日會返工
我: 下聽日紅日喎
你: 返工其實唔一定解工作 有啲文化會將行山都叫返工
我:咁你聽日係工作定係行山
你： 我無傾向邊一邊 有機會三百年後返工定義都唔同
？？？？？？？
咁你話聽日返工呢句說話本身代表啲咩？？？

我認為要自建基於該物種冇天敵 先會有擴張嘅可能性 從而馴化/滅絕其他物種

咁我延伸呢個問你個問題
1. 你覺得三級文明仲有無天敵？
2.你有咩理據支持你覺得有呢個可能性係唔會馴化/滅絕其他物種？

點解你一定要咁執着一個人點定義善惡？
我果套善惡觀來自我嘅時空背景 生活條件
而你又可以有自己嘅另一套
我係咪講左我點諗善定惡你會舒服d？

同埋回覆你上面馬騮嘅比喻
我嘅觀點係 善惡係建基於有得選擇嘅情況之下
馬騮對周圍和平 係因為佢既係捕食者又係獵物
所以種群數量維持均衡狀態
但馬騮係唔會諗到要節育/唔踩死蟻去影響大自然 因為佢地遠遠未去到有得選擇哩個狀態

人類好大程度上係可以選擇 先會出現善惡
善：同大自然和平共處 互取所需
惡：非必要地改變生態環境，或是非必要地破壞生態圈

1 三級文明當然可以有敵人 但唔一定係天敵
天敵本身就有“以該物種為主要狩獵對象，或主要令該物種數量下降”哩個定義
三級文明只係星系文明嘅開始 會有敵人係自然嘅事 並唔會因此而不擴張

2 我咪講左擴張會馴化/滅絕其他物種
我認為高等文明唔可能引領低等文明技術進步 或者進化