費米悖論嘅解釋黑暗森林法則（Dark forest)

https://youtu.be/xAUJYP8tnRE
雖然都唔係咩新野
不過見kurzgesagt出新片講所以都想再討論下呢樣野 唔知大家呢睇呢個假設？

簡單用字介紹一下
黑暗森林係由三體作家劉慈恩喺作品入面描述出嚟嘅一個假設 用嚟解釋點解我哋觀察唔到有其他高等文明

首先
生存係一切生命嘅唯一要務

然後
宇宙尺度下溝通嘅延遲極大

所以
文明之間互相交流嘅可能性好低 可能講句嘢都隔咗幾百年（光速限制）你唔知呢段時間入面人哋嘅科技進步咗幾多/係咪籌備緊打你 萬一係想打你嘅話 先手者有絕大優勢

即使
有愛好和平嘅文明 但物競天擇底下 會留低嘅文明只會係生存落嚟嘅文明 而愛好和平嘅文明喺生存競爭上明顯比侵略成性嘅文明嚟得弱 所以喺宇宙生存落去嘅法則就係

-保持安靜唔比發現
-一旦觀察到有其他文明 二話不說直接開火

差唔多係咁 大家可以試吓討論下先

唔知人地咩料然後直接開火

黑暗森林理論唔係由佢發明/發現
而係佢應用喺故事入面 亦都解釋得好具體

的確喺生命體有限壽命嘅原則下
黑森係比較利己嘅想法

不過若果有文明突破3級宇宙文明, 存在對佢地而言已經係另一個層次, 就唔再需要有哩種負面理論
倪匡講過, 一個文明如果要達到高度發達, 佢地必定會有某程度上嘅善

其實開火都有風險
除非你可以確保一野炒起對家
否則你嘅攻擊可能會造成對家技術爆炸, 或者引起其他高等文明注意

你見到蟻竇會趕盡殺絕？

假設外星人係高智慧過人類
佢地思想仲會唔會同人一樣先

你假設左佢地思想同人一樣先有黑暗森林呢支歌仔唱

開火即係畀對方發現，所以一同二矛盾

由於宇宙尺度同光速限制，若果文明分隔程度令有效溝通不可能，咁你走去打人，又點知去緊嘅過程之中，對方會唔會進化到你到達時已經打唔贏？除非對方文明低到你肯定去到都未演化到咁叻

但當對方文明程度咁低，開火並非唯一選項，例如你可以扮上帝呃呢啲低等文明同你服務，就好似star wars: the return of jedi，昆啲本來唔關佢哋事嘅熊仔星人幫你打仗，將利益最大化

因為你唔知你唔開人哋會唔會開火
你想溝通嘅話 句嘢傳到過去已經係幾百年後 要收到回覆最起碼都要再等幾百年
你點知對家都想點

其實仲有個位係能力差距問題 書入面有個前題係所有高等文明已經擁有撳一粒掣就可以消滅一個文明嘅能力 咁梗係撳粒掣方便過同你傾偈啦
就好似係屋企張枱見到隻蟻 會順手撳死佢咁 你對隻蟻其實冇任何情感 又唔係憎佢嬲佢 純粹係有咁嘅能力又方便喳嘛

人類幾十萬年歷史
到有文字記載嘅歷史不過五千年左右 而近呢百幾年科技嘅進步係幾何等級上升 呢個又係書入面講到嘅另一個概念 科技爆炸 你以為佢哋仲係原始人 殊不知你隔咗幾百光年望到嘅只係人哋幾百年前嘅面貌 實際上可能已經爆咗做星際文明

費米悖論講緊好似銀河系入邊就已經有1000個星際文明
但係去到今時今日唔好講話直接同外星人溝通
連間接嘅證據都冇
不如話搵到一啲唔係有人類所產生出嚟嘅太空垃圾
當然大前提係政府冇隱瞞

黑暗森林法則講緊係唔知個森林入邊有冇其他人
但人類有科技去觀察宇宙,
而係可觀察宇宙入邊我哋睇唔到有外星文明

但唔打嘅話 你又唔會知對面會唔會打你/發現咗你未 隔咗幾百光年好多嘢都確認唔到

如果係一個私人地方 主人無啦啦發現有個蟻竇當然會 問題就係地球會唔會係處於一個某個宇宙私人地方 而仲未俾人發現
利申ff

所以話呢個只係假設
用嚟解釋費米悖論

好似有科學家警告過外星人未必係友好 叫人唔好嘗試接觸外星人 但黑暗森林嘅具體內容好似係佢講先

我毁滅你 與你何干？

除咗利用對方，仲有其他應對方法，例如：
加強防衛
同對方結盟，以應付第三個更強敵人
逃跑

問題就係 你好難同對家溝通到啊
隔咗成幾百光年
訊息光速傳遞都要幾百年
人類幾百年前仲係封建社會

個問題係你唔知個蟻竇會唔會進化, 會唔會突然獲得技術反CUP你
而且人見到蟻 唔會將蟻視為同等生物, 就算踩死左都唔會有咩可惜

高等文明嘅人望住我地都可能係同樣

若果佢地嘅文明發展比我地更耐同更高等
除非佢地有先天上嘅缺憾 (例如三體人係靠思想溝通, 所以冇得欺騙人)
咁佢地一定會有諗過哩種理論
因為喺佢地進入太空之際都會想知道其他文明嘅存在, 同人類宜家個情況一樣

同埋好重要嘅一點係我上面都有講嘅
即使有文明唔係咁諗
但只要有一部分嘅文明係咁嘅時候
最終淨落嚟嘅都只會係獵人
當然呢個中間有討論中間
例如你話文明發展到可以超光速嘅通訊咁咪可能唔使直接打

咩私人地方，宇宙係地球咁大嘅話，我哋連一粒塵都不如，高等外星人根本見唔到/遇唔到我哋
就算見到，知你響邊，都唔會為你浪費時間
到咗果種高度會有另一種你唔明嘅意義/目標
你會為殺一隻亞馬遜森林嘅蟻而過去嗎？
假如你幻想外星人其實係森林中嘅食蟻獸/其他動物
會唔會太睇唔起佢哋？
畢竟人哋個科技力勁到可以於星際間穿梭

防衛同逃跑，自己搞掂，唔使同人傾

結盟的，你咪飛去先同對方傾，你去到話佢聽，拿，嗰邊有粒惡人星，遲早殺過嚟，單獨打的話你同我都打唔贏，但我地聯手就仲有機會，咁囉，然後昆佢做炮灰

我諗你可能冇睇過本書
Btw我都再講一下
你飛過去傾可能係通訊速度係再慢幾十倍（基於你可以以光速幾分之幾嘅速度嚟航行）而等你去到 已經係唔知咩世紀同埋科技應用於攻擊永遠係大於防守

可以唔係點浪費時間
用書入面嘅劇情 高等文明通常用一粒接近光速嘅質量彈打過嚟 直接爆咗你粒行星