【日文】2021年12月JLPT檢討+交流區 (2)

呢樣我估係因為變左腦內翻譯
即係將日文轉左做中文先理解
咁就會慢一拍
以前讀書考英文listening
阿sir 話學外語最忌就係譯返做母語先去理解

你唔專登聽就一次過聽晒成句先理解
你一專登聽反而一個個字聽啓動左個腦內翻譯

我會話可能0分毒撚未開口講過

ばけもの

語彙音讀同訓讀有同一意思我自己傾向學訓讀先

但係かいぶつ　ばけもの呢個例子既話日本人一定係用後者多啲

建議唔好浪費時間係N4考試
上N3, 有漢字，下午時間考另一個世界嚟

利申: N4炒三次改考N3 一take pass

聽yoasobi咪かいぶつ
睇動畫咪ばげもの

ばけもの*

同埋3 4出題既方向都幾唔同 同意大家咁講 唔合格唔好困死自己係一個n度

冇上堂?

想問下邊套有日字
我睇小丸子，妻、小学生になる都無字幕嘅

我用iPad睇，右上角開

漢字語彙呢D真係日積月累,
我考試期間買過兩本滿點系列既N1漢字同N1語彙,
但係我都好肯定話你知冇用, 因為我如同買多左兩本字典係屋企.
冇句子夾落佢係唔會刻到個字入腦,
與其浪費時間睇呢D書, 我寧願你聽多幾篇新聞可能分分鐘學到仲多.
所以都係要靠你平日多接觸日文, 同埋唔好規限自己既接觸範圍,
動畫, 漫畫, 日劇, 輕小說, 短篇, 新聞, 專題報導, 最好題材夠廣泛, 自己有興趣就更好.

其實語彙方面我建議可以考慮呢幾本EJU既聽解書, 順手考下聽力,
佢地既聽解內容唔似JLPT講來講去果D日常生活主題, 反而D專題性多, 有埋SCRIPT, 聽完你發現好多生字你日常生活好難接觸, 但又好實用.
唔知對你考N1有冇用, 但我覺得值得分享下.
https://www.amazon.co.jp/gp/product/4909907041/ref=ppx_yo_dt_b_asin_title_o05_s01?ie=UTF8&psc=1
https://www.amazon.co.jp/gp/product/4931315232/ref=ppx_yo_dt_b_asin_title_o05_s00?ie=UTF8&psc=1
https://www.amazon.co.jp/gp/product/4909025359/ref=ppx_yo_dt_b_asin_title_o05_s00?ie=UTF8&psc=1

另一位巴打問既VOCAB問題都係一樣道理,
我冇溫過, 我諗我學日文而來, 除左頭一年之外,
就冇專登背過生字, 第一年我係背到想喊, 成日拍打自己個頭,
不斷鬧自己垃圾死廢物, 後來先發現唔需要記,
比100張黑人既相你點記都唔會記得, 但當有一個係你同事既時候,
你自自然然認得佢.
人腦係冇可能識得晒所有野, 只要你每日睇日文,
要記既字你自然要記得, 唔需要記得既字自自然然會係腦海中淘汰,
你只需要做既係保持你接觸既日文唔好過於狹隘,
咁你要識既字自然可能有一定程度既闊,
其次係你一種語言越高程度, D字會變得越黎越易記,
正如至今我都覺得片假名係勁難記一樣, 就係因為你同佢唔夠熟.
所以呢D都係靠時間, 同D字既相熟程度浸出黎.

不過我都有個FILE係KEEP住記低D VOCAB,
同自己消化左既解釋, 加埋例句,
等自己有時醒起少少又唔記得果時可以快速查返自己消化左既解釋.

講完等於冇講, 總之都係靠大量聽讀.

唔該囇
啱啱我都搵左個Q&A
原來safari係睇唔到字幕，要用其他

比100張黑人既相你點記都唔會記得, 但當有一個係你同事既時候,
你自自然然認得佢.

笑了 又幾啱
想問多句咁巴打你果個vocab file係手寫定係入電腦

我自學 所以一定學習方式出晒問題

N1裸考 錯2題都滿分

有冇推薦？
睇開ann fnn但好悶

咁會唔會揀番上堂？

新聞？
ANN同FNN已經相對娛樂性較高(ANN仲要被日本人稱為動物台)

yt 或者radio
唔一定新聞

搵啲同自己興趣相關既youtuber黎睇

最好搵啲本身落埋字幕既

神到
完美cert

我諗我自學N3N4程度果陣走過去讀個日協N5一年, 諗住由低學起,
我唔明間野網上口碑會咁好,
我淨係讀過佢, 唔知而家有冇改善,
1.老師日文底好麻麻 (我果個香港人黎, 不過可能撞手神, 唔可以偏蓋全 )
有D基本概念錯到離晒譜, 最簡單經典例子, た型=過去式, 我又唔好意思出聲, 只能為其他同學嘆息.
2.成日播D 課堂內容無關既YOUTUBE片, 介紹日本文化,
完全浪費時間, 要睇片我自己上網睇好過.
3.勁多人遲到走堂, 每堂就係為果幾條木咀追進度.
4.課室極細
5.罐頭式教學, 基本上老師唔會有咩特別見解睇法幫到你,
唔知老師問題定受校方唔比老師亂發揮個人睇法
所以基本上你好難學到本書以外既野,
即使係本書教既人生活層點多數點應用都絕少出現.
6.運用日文機會少, 太多人, 講既機會少, 寫文既更係少之又少
7.過度重視文法, 但係教法又唔獨到, 基本上感覺冇咩特別, 唔會令你特別靈機一觸.
8.考試非常垃圾, 試題同平時測驗/練習一樣, 搬字過版, 極冇誠意, 浪費時間, 感覺佢唔想咁多人肥, 收多D學費.

考完個試CERT都冇拎我就走左, 我至今我當自己冇讀過, 唔會當比佢地教過

PASONA唔知, 不過你問我如果呢刻要係香港揀間黎讀, 一定揀佢,
練口語太重要, 基本上幫埋你生字語彙呢D一雞幾味.
有D人成日話日文老師教文法唔夠本地老師好,
呢個其實可以自己上網搵資料惡補, 反而你搵個人同你練口語就好難.
同埋好多時文法我覺得係運用語言黎講應該重要性算排得後,
同埋相對易隨住你講得多而自然識用,
正如日本人都唔會學は、が , 但佢地由細到大係運用期間會自然掌握一樣.
而口語正係JLPT唔會考到你既野, 你係果度讀, 考到N1合格, 我諗你一定勁過好多其他香港既N1人