性同愛咁易分開就好啦,就算係男人,都冇咁易分得清
我唔會隨便同人上床,因為我係一上完床就想幫人埋單嘅白痴仔嚟
所以我只中意同女朋友做
比我都接受唔到open relationship,因為我嘅觀念就係性同愛冇咁易分得開。所以如果我女朋友同一個好正嘅仔做愛,我覺得佢會好容易愛上咗佢,反之亦然。愛係自私冇得分享嘅,你愛別人多一分,就愛佢少一分,最後都係二選一,你明白㗎。
我同意人會被多於一人吸引,但呢種吸引唔係愛
再多嘅吸引都只係引發你動物本能,即係你男朋友只係好似一隻發情嘅動物一樣,只受本能驅使,唔好介意我講得難聽。而愛係唔理性嘅,唔理性到你會為一個人喜悅,為一個人犧牲,為一個長相廝守,而放棄你未來同其他人所有嘅可能性,只因為你希望返到屋企,見到嘅人係佢。
如果樓主都同我一樣思維,就請你盡快同你男朋友分手,因為你近乎冇可能接受到呢種關係。醒啦!要分嘅手,都總要分手,加油