首先係面料嘅問題啦，我住北美坐皮凳、佈凳冇咩問題，冬天仲好暖笠笠添。不過如果你住香港....除非好似我個妹咁長開冷氣囉
...其次就係個弧度，電競椅個背板好多時都係直板，而同個坐墊接近成90度角，所以好多時會送埋個腰枕、頭枕俾你就係咁解，整體坐得仲衰過木凳
我都廢事講點解個背板唔應該係直板，你自己上網搵下的X-ray相，睇下你條腰骨係咩樣
另外，張電競椅用賽車凳嘅包邊同柔軟度係極度唔合理，賽車凳作用係吸收shocks and virbrations，等你唔好跌出個座位先咁包邊
咁試問聲你喺屋企打機你可以跌得去邊呢？個座位仲因此改窄咗，我屌
簡單講埋最後個樣，所謂嘅電競椅營商手法
就係將張椅嘅外觀搞到有幾誇張得幾誇張，將的普通配件講到天上有地下無，求其搵幾個電競明星sell張椅，再係咁掉錢掉椅俾直播主長賣廣告，再set高個價錢去到400~800%成本價。咩話，唔知成本價點計
你可以走轉淘寶，睇下其他廠做翻同一功能嘅椅要幾多，￥200
俾盡你靚料（電莖布
）啦好未，￥1000 都唔洗，其餘個三千你當課金俾佢個品牌啦下
我了解過佢個brand，我覺得都係有名牌效應，同電競椅個品牌效應有的似，當然HM有料、有歷史、有設計，但HM Aeron今時今日個價錢同舒適度有的言過其實。
