Lost Judgement 審判之逝：湮滅的記憶 討論區 4

我ex hard試過一兩場飛車發覺難度比起normal提升左好多,所以放棄左,直接完主線算

白金一定要打exhard飛車？

唔駛,只不過我一周目normal時town go爭仙藥未完成就貪心諗住跳去ex hard開二周目一次過完成主線順便完埋仙藥拎100%,點知打落先發覺校園支線雖然金冠左但唔計percentage（即係校園支線要全clear多一次for ex hard),咁我好彩有舊save求其飲100次仙藥,開左盃先再load返ex hard save衝主線算,就係初初玩ex hard個時打過一兩場ex hard飛車發覺難打左好多

Save係好緊要
屌我記得啦第一代要小心貓啊搞到我打撚左三次

打三次好慘,佢仲要同一個save開哂14隻貓,呢個唔預先睇trophy list真係好易中伏

睇左但分得太耐打到最後miss左

towngo啲成就用ex easy解吧

隻GAME好撚悶

第一集故事好精彩, 雖然有D mini game好煩但整體都好滿意.

今集故事就真係麻麻. 主題很好但劇本差, 完全浪費左.
前半段真係唔錯, 但澤老師死後越泥越鳩. 木村次次都係講澤老師的犠生又點, 好撚煩, 個論本質就根本就同其他人一樣, 你澤老師的死就要將真凶承之於法, 但俾人欺凌班真凶你又講唔出如何伸張正義. 只係一個理想主義者的論點, 玩家如果冇一樣想法 (如我自己) 就玩到好冇代入感, 應該係個人覺得比第一集遜色好多的要因.
仲有D對話成日不斷重覆. 例如同東一齊入去打阿久津之後已經講左相馬係公安spy, 但下一個scene出番去機舖又對佢講多次.
最後跟本就只係同桑名各有各講, 以拳頭壓制佢. 但又無啦啦放佢走, 明明你為左證明澤老師的死係要公開全事件關係者各人. 最後交代又係勁hea, 講左楠本江原入罪但其他關係者的結局就唔清唔楚. 相馬冇提之餘, 間宮+其他未死的欺凌者最後都可以安身?

青春劇故事唔錯, 去個中段都可以以Chekov gun原理估得到professor係邊個但諗唔到係咩原因. 點知個原因係你點都冇可能知, 要到最後解決事件時先天澤細佬爆出泥D關係者有咩connection. 就好似咁日劇"輪到你了"咁營造左推理劇的氣氛但其實玩家冇可能本格推理. 仲有個奇怪點就係糸倉見到天澤細佬好憎唔想同佢一齊, 但去到Robo部見到櫻君又冇同一個反應, 呢個令我一開始就就估錯左以為Robo部係被外部陷害. 最後解決果時完全係暴走部+Robo部搶哂風頭, 寫真部滑板部電玩部冇任何劇份又冇contribution完全係浪費. 特別係滑皮部最可惜, 明明最後去到公園挑虎牙係完全可以俾板友D戲份.

最後, 青春劇D mini game好閪難玩啊屌你老母. 有冇test過ga. 暴走族玩到想掟手掣. 另外電波mini game都係柒柒地, 成日都好難搵到邊個先係真方向. VR side case就更加閪, 果7條友難到呢...

搞笑料今集都冇上集咁正. 上集個警察"為了愛"又天台跳落去果個side case笑撚左我十分鐘, 今集冇一個ネタ可以媲美.

TLDR: 好題材但劇本令人失望. 上集太出色顥得今集形相見拙. 遊戲性改良地方好了但新mini game設計+難易度問題更大.

d minigames好難玩咩? 我覺得還好
Vr除左杉浦之外, 其他都好易過
同埋d敵人都弱左, 上集打老虎係超易死
暴走族用dlc車升爆晒先玩好易
但就算唔用, 打晒d卒, 留返4個爆氣
就到終點先一次用晒, 基本上boss都唔會追到你

minigame黎講
好似得機械人社NT小隊係難d
其他都唔係難
無人機同VR都易左好多

不過打拳同暴走族就好似長左d
始終呢類比較快厭唔應該整到咁長
跳舞例外 好想佢整長d

所以話，今集整體質素黎講同上集差唔多..稱唔上進步，有d失望
審判2小遊戲,可玩性(校園支線故事)同戰鬥系統好過1代，
但主線劇情,溝女支線,支線案件,boss戰+過場打鬥動畫全部都差過1代

教授個動機第一次見到糸倉個陣已經講左
同埋你係想講車崎下話？
車崎應該係被動跟左大隊，所以糸倉無咁憎佢

今集劇本唔完滿係因為現實對欺凌都未有好既解決方法
所以結局係理念VS理念，無話邊個岩邊個係正義
而木村點解咁執著要繩之於法
上面有巴打解釋左，係因為第一集既故事令到木村性格要將問題訴諸法律，不管法庭既裁判係咪「正義」

我覺得今集最大問題係演出好差
全部推理位都由角色把口爆曬出黎

溝女支線我覺得好左，劇情係短左同老土左
但係第一次拖D女行街有插入對話，幾好
仲有D女用技會幫手，無一代咁花瓶

溝女要買DLC先有唔買就得英美里
溝佢仲要玩個撚屌酒店麻撚煩

唔係好喜歡今集溝女個設計同舖排
上集會係先發生幾個side case,然後先同條女熟絡左再發展好感度
之後先再係溝既過程多D對話知道個人物性格
今集係將D side case放入去發展感情入面,我認同加左行街拖手係好左
但一開始都未發展就行街拖手會唔會有D本末倒置
而且冇得閒聊,次次按入去都係還是算了
英美里個段太過重覆,先要溝另外三條女先可以接近佢
而且girl's bar個玩法太悶而且又有bug,你話每個女都有唔同特技挑戰下唔同mini game都仲叫有心思D

其實溝女都好廢姐又冇戲玉睇做咩咁有興致又唔係溝檢察官女角

其實唔係好鐘意人龍系列係咁講角色互有好感但係永遠唔會發展，反而啲唔關事嘅閒角可以溝定係日式故事係咁，啲漫畫又係永遠唔撚發展感情但係不停講呢個鐘意果個

又cut左send message 就可以約出嚟玩
成功溝到（其實全部女女做主動）鬼妹
每次搵佢都重要課金2000yen

Hard / Ex Hard 暴走族係難到癲架 唔撚係人玩
仲撚難過部Master System啲Game

你到底有冇玩? 點會對欺凌冇解決方法?
咪就係身邊嘅人見到欺凌行為出現要行出嚟say no
一開波點解木村要喺課室裝喇叭咪咁解
最尾嗰幾位同學又自己做一次

咁都叫解決咗？其中一班嘅一組人停止欺凌就冇事？之前死嗰7個呢？連呢單case嗰班人都係被迫幫老師唔係有悔意，個女人到最後都係被迫講真相係冇後悔到

即係你覺得今集好完滿
木村可以對桑名講
只要有有人阻止學生就唔會發生欺凌
邊個去阻止
你真係覺得呢種空想論夠說服力
不如我問返你有無玩，九十九咪講左欺凌係因為青少年賀爾蒙問題
咁點解捉班細路去打針，仲快啦

今集故事係無咁好， 個 人覺得原因係今集有一點偏離左系列以往d 風格。 人中一向係賣輕鬆搞笑為主， 70％嘻嘻哈哈， 30％溫情熱血打鬥， 遊玩過情係好小要有深度思考， 亦唔會混雜太多沉重情緒

但今集個歡樂元素太量減少， 較為輕鬆嘅項目只剩下熱舞社， 沙織做公關， 木村海藤兩個頭塞進同一塊廣告牌， 忍者個 妹， 變態王下集，而溝女過程開始唔新鮮無太大感覺， 青春劇有其幾個社根本可有可無，支線內容無太深刻， 極招式無太大突破， 亦小左好多惡搞招數。 玩人中， 最大動力係想係日本城市嘻嘻哈哈， 而唔係想為個陰沉退休警周圍搵證據

主題上亦處理得唔好， 坦白講校園欺凌爭議太細， 去到最後只係變成另一個 又係復仇嘅故事。 復仇故事同人中風格根本好難配合，令人好難代入戲情， 結局亦無咩張力， 我反而覺得， 青春劇個故事更有潛力， 如果把有人刻意教壞中學生去組織一個日本新黑社會， 發揮空間會更大

人中1 出色在故事較合理，支線有突破， 真係做到70％時間都係輕輕鬆鬆嘻嘻哈哈，30％時間有深刻劇情故事， 明明人中係一個歡樂類型遊戲， 何必去混雜一d咁不討好嘅校園欺凌加復仇故事呢？

呢個系列唔係人中, 無咩必要跟佢風格
同埋不嬲都係支線先歡樂, 主線唔係
人中咪又係咁, 人中主線唔沉重咩?
審判1咪又係沉重, 沉重過今集添, 一開頭就..
但故事係繼人中0之後既好, 所以都係劇本問題
btw搵得木村, D惡搞野就會減少左, 無計

上面想講係審判1出色唔係人中1

審判1 好歡樂喎， 沙織做公關 ， 搵瑪麗姐底褲， 變態王 ， 同全個神室町做朋友， 木村玩變裝做機師吸血鬼， 都令成個遊戲好歡樂 ，

主線都唔沉重， 做人體實驗無左雙眼係恐怖一點， 但故事本身其實只係講一個陰謀， 無咩太大道德批判或者包袱

而且審判1 玩溝女舒服好多