9成按揭/ 高成數按揭討論-16

正職 + 大公司兼職（有向正職申報）
加埋月入約55K，做唔做到9成按？

最簡單計法係咪月薪乘一百
首期700k
月入38k （做HA）
買5m 上車盤係咪都有難度

兼職收入間間銀行計法唔同，有d計7成，有d計8成，有d計一年再計個平均數。
做唔做到9成按視乎你買個層樓幾錢，人工月入數目某程度上控制左你可以借到幾多錢

買現樓，冇外債，首置，穩定收入既話是可以的，但最後借唔借得足一切以銀行為最後依歸。
另外，除左首期，你仲要比稅，律師費，aa 佣金，有1m係手會好d

如果想買680萬樓，加多個月入20K既擔保人做九成按揭係咪穩陣，唔計兼職

正職固定收入$34K
擔保人20K
現金有120萬

應該做到九成？首期應該夠？

兩個人都冇其他外債，首置，收入穩定，加計埋兼職少少的話都大機會批，當然最後借唔借得足就睇銀行決定，建議你申請多幾間。
首期+稅+律師費(應該唔洗1萬)+aa 佣金大概1m, 你仲有大約20萬剩，萬一銀行借唔足你都有buffer抬錢上會

好多謝你詳細耐心解答，如果唔計兼職大唔大機會？

我到時會問多幾間銀行架啦，好驚到時俾左訂做唔到按揭

另外建議邊幾間銀行好啲

巴打你呢個app叫咩名？

兩個人都冇其他外債，首置，收入穩定的話，680萬樓，月供25390，月供唔超過你收入的50%，月入只需要50781，唔計兼職你而家兩個人加54k，所以係合資格，但壓測後，供樓支出佔左你收入67.5%，之前規定既唔超過60%壓測你過唔到，但用林鄭plan 的話，按保加10%保費就可以唔洗過壓測都借到9成，講多次前提要兩個人都冇其他外債，首置，收入穩定。我諗冇人100%答得實你係咪一定批足，但有唔少爆壓測成功借足既例子

聽呢道其他師兄講，共銀西亞穩陣d。

最後補返句，最後借唔借得足一切以銀行為依歸

美聯地產個app入邊個按揭計算機

巴打真係有心

好有心，多謝

信人不如問番你間律師樓。但提提你律師樓都要睇對家律師樓做野。

分享我當時要求90日成交，30日簽到Offer Letter就改提早成交，最後點快都只提早到一個月，原因為對家律師樓唔願覆，所以同自己律師樓傾下啦