我同ex啱啱分開,我係佢初戀,而我已經拍咗幾次拖。之前拍咗兩年幾,分開咗兩個月,之後一齊番一年幾,依家又分開咗。但佢呢幾日已經有新男朋友,真係好唔開心同好心痛,冇諗過佢咁快可以move on。分開嘅原因同之前一樣,話太平淡,敵不過新鮮感,佢覺得呢個世界好大,唔知自己想要咩,想咩都試下,咁就分開咗。之前分開嗰陣,佢有人其他追,最後冇一齊到。我同佢因為某啲事情遇見,甚至經歷過生死同低谷,我以為佢明白細水長流嘅愛情先係最珍貴,所以先同佢一齊番。我真係好蠢,原來個問題一齊都係到,但我又無視咗,冇好好珍惜佢,可能同佢一齊番係一個錯誤。依家好似死屍咁,我日日都搵野做,去填滿時間表,但無論去邊,做啲咩都諗起佢,好想好想佢可以陪住我。我知道應該向前望,但我對愛情好似死咗心咁,一個所有野都好夾嘅人,甚至得到大家認可可以作為一世伴侶嘅人,都可以搞到咁。我真係唔知道仲應唔應該仲相信愛情。
見到呢度咁多復合嘅例子,我都鄧你地開心。我一直都以為自己係故事嘅主角,可以同認定嘅女仔一生一世,但原來自己係再普通不過嘅路人。