留低你地成功復合既故事

而家呢個階段你係將辛苦 但老土啲講句 時間會幫到你
我都好努力係痛苦中走緊出黎
其實呢條路好多人陪緊你行
唔好放棄啊 佢唔值得！

Ching我睇左你好多留言 你試下唔好咁chur啦
冷凍下唔好搵佢唔好聯絡等佢試下真係冇左你嘅日子
如果佢試完覺得唔開心嘅咪搵返你囉
如果佢enjoy嘅咪放生佢比佢自己一個
不打擾是最後的溫柔

雖然我都好想大家復合
但係記住留返啲尊嚴比自己
呢樣係我呢兩個月學返黎嘅野

佢揀得同你分手 基本上你冇野做到
就算打千字文 講道理 對佢黎講只係煩

分開左之後佢先諗清楚覺得同你一齊先係最好所以復合？

當然仲有問題嘅解決方法

點樣解決

個個case唔同喎你要解決咩問題

相處問題 佢話同我一齊好攰
而且佢而狗入u有新環境 可能覺得大家追求嘅野唔同左
想自己一個好好做自己想做嘅野

：已成ex

分手十年
有一人佢知道我月入80k
突然話想復合

冇砌到呀
不過都唔知佢會點諗 同埋都控制唔到佢點諗
不過就算話冇佢都未必信我啦
好後悔 所有嘢都返唔到轉頭
同埋我feel到我爆煲嘅負能量令佢好卻步
但我本身就係一個負面嘅人 我都控制唔到
性格本身不行 佢又覺得我比人食左
我真係覺得自己係零 都知一齊返機會好低
但真係想再試

你都知個位喺邊呀而家，有冇砌到，唔係你講就有人信㗎。

我呢個唔識你嘅人，搵睇你書面咁樣寫，正常人都會咁樣諗啦。

調返轉頭你條仔睇你哋分手期間係交友app第二個，你又點睇？

你估你會唔會信你男朋友同條女係吟詩作對，發乎情止乎禮。

你最錯嘅係將會係兩個人之間嘅相處問題變成三個人嘅事。

錯咗就算啦，都過咗去。

嘗試從自己情緒嗰邊改下先，至於信任同埋忠誠問題，真係要時間，同埋真係好視乎佢真係好愛你。

如果佢真係好愛你嘅話，我相信佢會選擇相信你或者原諒你當初對佢嘅傷害。

不過就算佢好愛你都好，我相信佢都要時間去觀察你，唔會一時三刻。

加油啦，真心祝你成功。

斷聯咗幾個禮拜，佢突然約我食飯(間餐廳之前大家都話想去，本身約咗十一月去，但後尾分咗手)
而呢幾日嘅交流只限於約日子 又無講過其他嘢
我唔敢chur 驚係自己過分解讀
想問各位bro 男人咁做係唸緊啲乜。。。

想復合

可以只係想扑下嘢，又未有新女
我身邊好多男性朋友都係咁仆街

我為左復合,我都真係做左好多野,
1.開頭開個ig 講我自己有咩唔好,不過對方好反感即delete
2, 買左之前佢想要嘅野,諗住送比佢,但發現送都冇用,block晒所有contact.最後放左係到.
3.道歉信(手寫完,但係都唔敢寄,因為知佢真係好唔想睇到我d野)
4.做占卜話有60%機會
5.買復合水晶+% 同可以淨化自己

我只係好掛住佢個時就想為哩段關係做d野.要過哩段日子好難,好多野都冇講,好多野都冇珍惜.
如果可以再一起的話.我係唔會再係咁.

*理所當然*嘅錯 好多野都想佢做好， 但其實自己都唔係咁好。